26. Jesus Starts His Ministry

Depois de Jesus rejeita Satanas nia tentasaun, Nia fila ba area Galilea. Nia hela iha neba. Espiritu santu fo poder barak ba Nia, no Jesus la'o ba fatin ida ba fatin seluk no hanorin ema sira. Ema sira dehan buat nebe di'alk kona ba Nia.

Jesus la'o ba sidade Nazaret. Ne'e mak aldeia nebe Nia hela ba bainhira Nia sei ki'ik. Iha loron sabadu, Nia la'o ba fatin kultu. Lider sira fó ba Nia livru ne'ebé iha mensajen hosi profeta Isaías. Sira hakarak Nia lee. Nia loke livru ne'e, depois Nia lee parte balu husi livru ne'e ba ema sira.

Jesus lee, "Maromak fo mai hau Ninia Espiritu hodi Hau bele fo-sai novidade di'ak ba ema ki'ak sira. Nia haruka Hau hodi liberta dadur sira, halo ema matan-delek bele haree fila fali, no liberta sira nebe hetan presaun husi ema seluk. Agora mak tempu ne'ebé Na'i sei hatudu nia misericórdia ba ita no tulun ita."

Depois Jesus tuur. Ema hotu haree Nia ho atensaun tomak. Sira hatene katak parte ida husi Maromak nia liafuan ne’ebé Nia lee mak kona-ba Mesias. Jesus dehan, "Buat sira nebe Hau lee ba imi, sira ne'e agora akontese hela." Ema hotu hakfodak. Sira dehan "Laos ka Nia ne'e Jose nia oan?."

Depois jesus dehan, "Loos duni katak profeta ida nunka hetan simu iha fatin nebe nia bo'ot ba. Iha tempu profeta Elia, iha Izrael feto-faluk barak. Maibe bainhira udan la iha durante tinan tolu ho balun, Maromak la haruka Elia hodi ajuda feto-faluk ida iha Izrael. Maibe, Nia haruka Elia ba iha feto-faluk ida husi rai seluk."

Tuiur mai Jesus dehan, "No iha tempu profeta Eliza, iha ema Izrael barak mak hetan moras kulit. Maibe Eliza la kura ida husi sira. Nia kura de'it moras kulit husi Naaman, komandante ida husi Izrael nia inimigu." Maibe ema sira nebe rona hela Jesus iha momentu neba sira mak ema Judeu. Depois bainhira sira rona Nia dehan nune'e, sira sai hirus tebes ba Nia.

Ema Nazaret sira kaer Jesus no dada Nia sai husi fatin kultu. Sira lori Nia ba rai-naruk ninin hodi hamonu Nia atu sira bele oho Nia. Maibe Jesus la'o liu husi ema lubun bo'ot ne'e no la'o sai husi sidade Nazaret.

Depois Jesus la'o ba area hotu iha Galilea, no ema barak mak mai iha Nia. Sira lori ema moras barak ka difisiensia. Iha ema matan-delek balun, no sira seluk difisiensia, diuk, ka ko'alia lahatene, depois Jesus kura sira.

No mos, ema barak mak posedu husi satana lori ba Jesus. Jesus haruka sai satana sira husi sira-nia isin, depois satana sira ne'e sai. Satana sira hakilar, "Ita-bo'ot Maromak Oan!" Ema lubun barak ne'e hakfodak, no sira hahi Maromak.

Depois Jesus hili ema na'in 12 entre Ninia eskolante sira hodi sai Nia mensajenáriu espesiál. Nia hanaran sira "Profeta". Profeta sira ne'e hala'o viajen hamutuk ho Jesus no aprende husi Nia.