27. The Story of the Good Samaritan

Loron ida, iha Eskriba ida mai husi Judeu ba iha Jesus. Nia hakarak hatudu ba ema hotu katak Jesus fo doutrina ne'ebé sala. Depois nia dehan, "Mestre, saida mak hau tenke halo hodi hetan moris rohan laek?" Jesus hatan, "Saida mak hakerek iha lei torah?"

Eskriba ne'e hatan, "Dehan, 'Hadomi imi nia Na'i Maromak ho imi nia fuan tomak, ho imi nia klamar tomak, ho imi nia kbiit tomak, no ho imi nia neon tomak. No hadomi ó-nia maluk hanesan ó-nia an rasik'."Jesus hatan, "Ita-boot loos! sé ita-boot halo buat hirak ne'e hotu, ita-boot sei hetan moris rohan laek."

Maibe eskriba ne'e hakarak hatudu ba ema hotu katak nia maneira moris mak loos. Depois nia husu ba Jesus, "sé hanesan ne'e, sé mak hau nia maluk?"

Jesus hatan ba eskriba ne'e ho konta istória ida. "Iha ema Judeu ida ne'ebé halo viajen tuir dalan husi Jerusalém ba Jeriko."

"Maibe na'okten balun hetan nia no ataka nia. Sira foti buat hotu neʼebé nia iha no baku nia besik atu mate. Depois sira bá tiha."

"Lakleur, am'lulik Jeudeu nian ida la'o tuir dalan ne'ebé hanesan. Am'lulik ne'e hetan ema Judeu ne'e toba hela iha dalan. Bainhira nia haree ida-ne'e, nia muda ba dalan seluk no kontinua nia viajen. Nia ignora tebes ema ne'e."

"Lakleur depois ne'e, ema Levi ida liu husi dalan ne'e. (Levita sira mak suku ida husi Judeu neʼebé tulun am'lulik sira iha Templu). Levita ne'e mos atravesa ba dalan seluk no nia ignora ema ne'e."

"Ema tuirmai neʼebé liu mak ema Samaria ida. (Ema Samaria no ema Judeu odi malu.) Ema Samaria nee haree ema nee iha dalan. Nia haree katak nia ema Judeu ida, maibé nia nafatin iha laran-sadia boot ba nia. Nune'e nia hakbesik ba nia hodi falun nia kanek sira."

"Depois, ema Samaria ne'e hasa'e ema ne'e ba nia kuda-burru. Nia lori nia ba uma ida iha dalan ninin. No iha ne'ebá nia tau matan ba ema ne'e."

"Iha loron tuirmai ema Samaria tenke kontinua nia viajen. Nia fó osan ba uma-na'in. Nia dehan ba nia, 'Tau matan ba ema ne'e. Se ó gasta liu ida-ne'e, ha'u sei selu fali ó bainhira ha'u fila'."

Depois Jesus husu ba eskriba ne'e, "Oinsa Ó nia hanoin? Husi ema na’in tolu ne’e, ida ne’ebé mak maluk husi mane ne’ebé ema na’ok no baku?" Nia hatan, "Ema neʼebé laran-sadia ba nia." Jesus dehan ba nia, "Bá no halo ba buat neʼebé hanesan."