28. Ukun na'in joven ne'ebe riku

Loron ida, ukun na’in joven riku ida mai hasoru Jesus hodi husu ba Nia, “Mestre ne'ebé di’ak, saida mak ha’u tenke halo atu hetan moris rohan-laek?” Jesus dehan ba nia: "Tansá ó bolu Ha'u 'di'ak'? Só iha ida de'it mak Di'ak, mak Maromak. Maibé se ó hakarak hetan moris rohan-laek, halo tuir Maromak nia ukun-fuan."

"Ukun-fuan sira ne'ebé maka ha'u tenke halo tuir?" nia husu. Jesus hatán: “Keta oho, keta halo adultériu, keta naʼok, keta fó sasin bosok, respeitu ó-nia aman no inan, no hadomi ó-nia maluk hanesan ó-nia an rasik.”

Maibee klosan nee dehan, "Hau halo tuir ona ukunfuan sira nee hotu desde hau sei kiik. Saida tan mak hau tenki halo atu hetan moris rohan laek?" Jesus hateke ba nia no hadomi nia.

Jesus hatan: "Se ó hakarak sai perfeitu, bá no fa'an buat hotu ne'ebé ó iha no fó osan ba ema kiak sira, no ó sei hetan rikusoin iha lalehan. Depois mai no tuir Ha'u."

Bainhira joven neʼe rona buat neʼebé Jesus koʼalia, nia sai triste tebes tanba nia riku tebes no lakohi fó buat hotu neʼebé nia iha. Nia fila kotuk hodi husik Jesus.

Depois Jesus dehan ba Nia eskolante sira: "Susar tebes ba ema riku ida atu tama iha Maromak nia reinu! Loos, fasil liu ba kuda-kamelu ida atu tama husi daun nia kuak duké ema riku ida atu tama iha Maromak nia reinu."

Bainhira eskolante sira rona saida mak Jesus ko'alia, sira hakfodak tebes. Sira dehan, "Se nune'e, Maromak sei soi se?"

Jesus hateke ba eskolante sira hodi dehan: "Imposível ba ema atu salva sira-nia an. Maibé la iha buat ida mak imposivel ba Maromak."

Pedro dehan ba Jesus, "Ami husik ona buat hotu hodi tuir Ita Bo'ot. Ami sei hetan saida?"

Jesus hatán, "Ema hotu-hotu ne'ebé husik nia uma, maun-alin, aman, inan, oan sira, ka rikusoin sira tanba Ha'u nia naran, sei simu dala 100 liu no sei hetan mós moris rohan-laek. Maibé, sira ne'ebé uluk sei sai ikus, no sira ne'ebé ikus sei sai uluk."