29. The Story of the Unmerciful Servant

Loron ida, Pedro husu ba Jesus, "Mestre, to'o dala hira hau tenke perdua hau-nia maun-alin bainhira sira halo sala hasoru hau? To'o dala hitu?" Jesus dehan, "La'os dala hitu, maibe dala hitu-nulu!" Ho ida-ne'e, Jesus hakarak dehan katak ita tenke fó perdua nafatin. Depois Jesus konta istória ida.

Jesus dehan, "Maromak nia reinu hanesan liurai ida nebe atu halo konta ho nia atan sira. Ninia atan ida iha tusan boot hanesan ho kolen servisu tinan 200,000 nian."

"Maibé atan ne'e labele selu nia tusan, nune'e liurai dehan, 'Fa'an ema ne'e ho nia família nu'udar atan hodi selu nia tusan'."

“Atan neʼe hakneak iha liurai nia oin no dehan, ‘Favór pasiensia ba, haʼu sei selu haʼu-nia tusan hotu ba Ita.’ Liurai sente laran-susar ba atan neʼe, ​​nune'e nia fó perdua ba ninia tusan hotu no husik nia bá.”

"Maibé bainhira atan ne'e sai hosi liurai nia oin, nia hasoru nia maluk atan ida ne'ebé debe nia saláriu fulan haat. Atan ne'e kaer nia maluk hodi dehan, 'Selu ó-nia tusan mai hau!'"

“Maluk atan neʼe hakneak hodi dehan, ‘Favór ida, pasiénsia bá, no haʼu sei selu hotu haʼu-nia tusan.’ Maibé, atan neʼe hatama nia maluk neʼe ba komarka toʼo nia bele selu hotu ninia tusan.”

“Atan sira seluk haree buat neʼebé akontese no sira laran-taridu tebes, no sira bá hasoru liurai no konta buat hotu ba nia.”

"Liurai bolu atan ne'e hodi dehan, 'Ó atan aat! Ha'u perdua ona ó nia tusan sira hotu tanba ó husu ha'u. Ó mós tenke halo hanesan.' Liurai hirus tebes to’o hatama atan ne’e ba komarka to’o nia bele selu hotu nia tusan sira.”

Depois Jesus dehan, "Hau-nia Aman ne'ebe iha lalehan sei halo nune'e ba ema hotu iha imi nia leet, se ó la perdua ó-nia maun-alin ho ó-nia laran-tomak."