30. Jesus Feeds Thousands of People

Jesus fo orden ba Nia apostolu sira hodi ba fahe Maromak nia liafuan no hanorin ema sira iha aldeia sira. Bainhira sira fila ba Jesus nia fatin, sira konta sai saida mak sira halo. Depois Jesus konvida sira hodi lao hamutuk Nia ba fatin nebe hakmatek iha mota-sorin hodi deskansa. Nune'e, sira ho ro ida no ba mota-sorin.

Maibe iha ema barak mak hetan Jesus no eskolante sira sa'e ro. Ema sira ne'e halai husi mota ninin hodi uluk tiha ba sira. Nune'e bainhira Jesus no Nia eskolante sira to'o, ema lubum bo'ot ida iha neba ona, hein sira.

Ema lubun bo'ot ne'e forma husi mane 5.000, sedauk konta ho feto no labarik sira. Jesus sente laran-sadia bo'ot ba ema sira ne'e. Ba Jesus, ema sira ne'e hanesan bibi-malae sira nebe la iha nia mahein(bibi-atan). Nune'e Nia hanorin sira no kura ema moras sira iha sira nia let.

Loron tun ona, eskolante sira dehan ba Jesus, "kalan ona no laiha sidade ida mak besik iha ne'e. Haruka ema sira ba ona hodi sira bele buka hahan."

Maibe Jesus dehan ba eskolante sira, "Fo sira han!" Sira hatan, "Oinsa ami bele halo ida-ne'e? Ami iha deit paun lima no ikan ki'ik rua."

Jesus haruka Nia eskolante sira hodi haruka ema sira nebe iha ema lubun bo'ot ne'e hodi tuur iha du'ut leten ho grupu nebe forma husi ema nai'in 50.

Depois Jesus foti paun lima no ikan rua ne'e, hasa'e ba lalehan, no agradese ba Maromak tanba hahan ne'e.

Depois Jesus fahe paun no ikan ne'e sai ba parte balu. Nia fo parte sira ne'e ba Nia eskolante sira hodi fahe ba ema barak. Nia eskolante sira nafatin fahe hahan ne'e, no hahan ne'e nunka hotu! Ema hotu han no sente bosu.

Liu tiha ne'e, eskolante sira halibur hahan nebe restu. Hahan ne'e to'o atu enxe ba raga 12! Hahan sira ne'e mai husi paun lima no ikan rua.