39. Jesus Is Put on Trial

Momentu ne'eba kalan boot. Soldadu sira lori Jesus ba am'lulik boot nia uma tanba nia hakarak husu Jesus. Pedro la'o tuir husi dook iha sira-nia kotuk. Bainhira soldadu sira lori Jesus tama ba uma laran, Pedro nafatin iha liur no hamanas an iha ahi nia sorin.

Iha uma laran, lideransa Judeu sira atu tesi lia ba Jesus. Sira lori testamuna falsu barak ne'ebe bosok kona-ba Nia. Maibe, sira-nia deklarasaun la koresponde ba malu, to'o lideransa Judeu sira labele prova katak Nia la halo sala buat ruma. Jesus la dehan buat ida.

Ikusmai, am'lulik boot hateke Jesus diretamente no dehan, "Hatete mai ami, los ka Ita-Boot Mesias, Maromak Oan ne'ebe moris?"

Jesus dehan, "Hau mak Nia, no o sei haree Hau tuur iha Maromak Nia sorin los no Hau mai lalehan." Am'lulik boot lees nia ropa tanba nia hirus tebes rona Jesus nia liafuan. Nia hakilar ba lideransa sira seluk, "Ita la presija tan testamuna hodi dehan mai ita saida mak ema ne'e halo ona! O rasik rona ona Nia dehan katak Nia mak maromak Oan. Oinsa o-nia desizaun kona-ba Nia?"

Lideransa Judeu sira hatan ba Am'lulik boot, "Nia serve mate!" Depois sira taka Jesus Nia matan, tafui Nia, baku Nia, no hamoe Nia.

Iha mos pedro, nia hein hela iha liur. Atan fetoi ida haree nia. Dehan ba nia, "O mos hamutuk ho Jesus!" Pedro nega. Depois, feto seluk dehan buat ne'ebe hanesan, no Pedro nega tan. Ikusmai, ema balun dehan, "Ami hatene katak o hamutuk ho jesus tanba imi mai husi Galileia."

Depois Pedro dehan, "Espera Na'i fo-malisan hau se hau konese ema ne'e!" Bainhira Pedro jura tiha nune'e, manu aman ida kokorek. Jesus fila kotuk no hateke Pedro.

Pedro ba no tanis ho triste. Iha momentu ne'ebe hanesan, Judas, ema ne'ebe trai ona Jesus, haree katak lideransa Judeu sira hamonu ona kastigu mate ba Jesus. Judas sai triste tebes no ba oho an.

Iha momentu ne'e Pilatus mak governadór Judeia nian. Nia servisu ba Roma. Lideransa Judeu sira lori Jesus ba nia. Sira hakarak Pilatus kastigu Jesus no oho Nia. Pilatus husu ba Jesus, "Los ka Ita-Boot liurai ema Judeu?"

Jesus hatan, "O dehan ona ida-ne'ebe loos. Maibe Hau-Nia reinu la'os iha mundu ne'e. Se iha, Hau-Nia atan sira sei luta ba Hau. Hau mai iha mundu hodi hatete lia loos kona-ba Maromak. Ema hotu ne'ebe hadomi lia loos sei rona Hau." Pilatus husu, "Saida mak lia loos ne'e?"

Depois de ko'alia ho jesus, Pilatus la'o ba ema lubun boot da dehan, "Hau labele hetan razaun ida katak ema ne'e serve hodi kastigu mate." Maibe lideransa Judeu sira no ema barak hakilar maka'as liutan. Depois Pilatus dehan ba dala tolu nian, "Nia la halo sala!"

Pilatus sai tauk ema lubun boot sei halo revolta, nune'e nia aseita hodi haruka nia soldadu hedi Jesus iha krúz. Soldadu Romanu baku Jesus no fo-hatais ropa liurai nian no koroa ne'ebe halo husi tarak ba Nia. Depois sira hamoe Nia ho dehan, "Haree ba, liurai ema Judeu nian!"