41. God Raises Jesus from the Dead

Depois soldadu sira hedi Jesus iha krúz, lideransa Judeu sira dehan ba Pilatus, "Bosok-teen ne'ebá, Jesus, dehan katak liutiha loron tolu nia sei moris hi'as husi mate. Ema ida tenke hein Nia rate hodi garantia katak Nia eskolante sira la na'ok Nia mate isin. Se sira halo nune'e, sira sei dehan katak Nia moris ona husi mate."

Pilatus dehan, "Foti soldadu balun no hein rate ne'e ho didi'ak." Depois sira monta ahi oan ba fatuk iha rate nia odamatak tama. Sira mós tau soldadu iha ne'ebá hodi garantia laiha ida mak bele na'ok mate isin ne'ebá.

Loron ne'ebé Jesus mate mak loron sábado. Laiha ema ida mak bele servisu iha loron sábado, to'o laiha Jesus Nia belun sira la'o ba Nia rate. Maibe iha loron tuir mai depois de loron sábado, dadeer-saan tebes, feto balun prepara hodi la'o ba Jesus Nia rate. Sira hakarak tau buat morin ba Jesus Nia isin.

Antes feto sira to'o iha-ne'ebá, akontese rai-nakdoko maka'as iha rate ne'ebá. Anjo ida mai husi lalehan. Nia dudu sees fatuk ne'ebé taka rate nia odamatan tama no tur iha leten. Anjo ne'e nabilan maka'as hanesan rai-lakan. Soldadu sira ne'ebé iha rate haree nia. Sira tauk tebes no monu ho oin ba rai hanesan ema mate.

Bainhira feto sira to'o iha rate, anjo ne'e dehan ba sira, "Labele tauk. Jesus laiha iha ne'e. Nia moris hi'as ona husi mate, hanesan ida-ne'ebé hatete ona! Haree ba rate laran." Feto sira ne'e haree ba rate laran no haree iha-ne'ebé Jesus Nia isin hatoba ba. Nia Isin laiha iha-ne'ebá!

Depois anjo ne'e dehan ba feto sira ne'e, "Ba no hatete ba Nia eskolante sira, Jesus moris hi'as ona husi ema mate no Nia sei la'o uluk ba imi ba Galileia.'"

Feto sira ne'e apresia tebes no haksolok tebes. Sira halai hodi fo-hatene novidade di'ak ne'e ba eskolante sira.

Bainhira feto sira iha hela dalan hodi hato'o novidade ne'e ba eskolante sira, Jesus fo-hatudu Nia An ba sira. Sira monu ho oin ba Nia ain. Depois Jesus dehan, "Labele tauk. Ba no fo-hatene ba Hau-Nia eskolante sira hodi la'o ba Galileia. Sira sei haree Hau iha ne'ebá."