45. Stephen and Philip

Líder ida mós entre Jezús nia seguidor sira primeiru inklui mane ida naran Estevão. Ema hotu respeita nia. Ispiritu Santu fó kbiit no sabedoria barak ba nia. Estevão halo milagre barak. Ema barak mak fiar nia bainhira nia hanorin sira atu fiar ba Jezús.

Loron ida bainhira Estevão sei hanorin kona-ba Jezús, ema Judeu balun ne’ebe mak la fiar ba Jezús mai ba nia no hahu debate ho nia. Sira hirus tebes, to’o sira ba líder relijiozu sira no konta lia falsu kona-ba Estevão. Sira dehan, “Ami rona Estevão koalia buat att kona-ba Moizes no Nai Maromak!” Nune’e líder relijiozu sira kaer Estevão no lori nia ba sacerdote no líder Judeu sira seluk nia oin. Testamunha falsu sira mai barak liu tan hodi bosok sira kona-ba Estevão.

Sacerdote husu ba Estevão, “Ida ema sira ne’e hatete kona-ba o ne’e loos duni ka lae?” Estevão komesa hateten buat barak atu hatán ba Sacerdote. Nia dehan katak Nai Maromak halo ona buat barak ne’ebe mak extraordináriu ba povu Izrael desde Abraun moris too ba Jezús nia tempu. Maibe povu ne’e sempre la obedese ba Maromak. Estevão dehan, “Imi ulun toos no rebelde ba Nai Maromak. Imi sempre rejeita Ispiritu Santu, hanesan mós ita-nian beiala sira ne’ebe sempre rejeita Maromak no sempre oho Nia profeta sira. Maibe imi halo buat ida ne’ebe att liu duké ida sira halo! Imi oho tiha ona Mesias!”

Bainhira líder relijiozu sira rona kona-ba buat ne’e, sira hirus tebes no taka sira-nia tilun no hakilar makaas. Sira dada Estevão sai husi sidade no tuda nia uza fatuk hodi oho nia.

Bainhira Estevão besik mate, nia hakilar, “Jezús, simu hau nia klamar.” Nia hakneak no hakilar tan, “Mestre, labele tau todan sala ne’e ba sira.” Hafoin nia mate.

Iha loron ne’eba ema barak iha Jeruzalem mak komesa persege Jezús nia seguidor sira, tan ne’e ema fiar sira halai sai ba fatin seluk. Maibe máske nune’e, sira nafatin fó sai kona-ba Jezús iha ne’ebe deit sira ba.

Iha ema ida ne’ebe fiar ba Jezús naran Filipe. Nia halai husi Jeruzalem, hanesan ema fiar-nain sira seluk. Nia ba área Samaria, nia haklaken ba ema sira kona-ba Jezús. Ema barak mak fiar ba nia no hetan salvasaun. Loron ida, anju ida mai husi Maromak ba Filipe no haruka nia atu ba dezertu, no lao tuir dalan ida. Filipe mós ba duni. Bainhira nia lao hela iha dalan, nia haree mane ida ne’ebe sae nia komboiu. Ema ne’e ofisiál importante ida husi nasaun Etiopia. Ispiritu Santu haruka Filipe atu ba no koalia ho ema ne’e.

Hafoin Filipe lao ba komboiu ne’e. Nia rona ema Etiopia ne’e lee Maromak nia Liafuan. Nia lee saida mak profeta Izaias hakerek ona. Ema ne’e lee, “Sira dada Nia hanesan bibi-malae oan ne’ebe atu koa ona, no hanesan bibi-malae oan ne’ebe nonok, Nia la koalia buat ida. Sira trata Nia ho la justu no la respeita Nia. Sira foti Nia vida husi Nia ann.”

Filipe husu ba ema Etiopia ne’e, “O komprende saida mak o lee ne’e ka lae?” Ema Etiopia ne’e hatán, “Lae, hau labele komprende ida ne’e se ema ida la esplika mai hau. Mai no tuur iha hau nia sorin. Izaias hakerek kona-ba nia ann rasik ka ema seluk ida?”

Filipe sae ba komboiu ne’e nia laran no tuur. Hafoin nia dehan ba ema Etiopia ne’e katak Izaias hakerek ne’e kona-ba Jezús. Filipe mós koalia barak kona-ba parte seluk husi Nai nia Liafuan. Ho meiu ida ne’e, nia hato’o novidade kona-ba Jezús ba ema ne’e.

Bainhira Filipe no ema Etiopia ne’e iha hela viagem laran, sira too iha fatin ida ne’ebe iha bee. Ema Etiopia ne’e dehan, “Haree ne’eba! Iha bee! Hau bele sarani ka?” Depoiz nia haruka nia kondotór hodi hapara komboiu.

Hafoin sira tuun ba bee laran no Filipe fó sarani ema Etiopia ne’e. Depoizde sira sai husi bee, derepenti Ispiritu Santu lori Filipe lakon ba fatin seluk. Iha ne’eba Filipe nafatin konta ba ema-sira kona-ba Jezús.

Ema Etiopia ne’e kontinua viagem ba nia uma. Nia kontenti tebes tamba agora nia koñese ona Jezús.