44. Peter and John Heal a Beggar

Loron ida Pedru no Joaun ba Nai Maromak nia Templu. Ema isin-matek ida tuur hela iha portaun husu hela esmola.

Pedru haree ema isin-matek ne’e no dehan, “Hau laiha osan atu fó ba o. Maibe hau sei fó ba o saida mak hau iha. Hodi Nain Jezús nia naran, hamriik no lao!”

Iha momentu ne’eba kedas, Nai Maromak kura ema isin-matek ne’e. Nia komesa lao no haksoit no adora ba Maromak. Ema sira ne’ebe iha pátiu Nai nia Templu hakfodak tebes.

Ema lubun boot ida komesa mai atu haree ema ne’ebe hetan kura ona ne’e. Pedru dehan ba sira, “Ema ne’e rekupera ona, maibe imi labele hakfodak tan buat ne’e. Ami la kura nia ho ami-nia forsa, ka tamba ami ne’e respeitu Maromak. Maibe Jezús mak kura ona ema ne’e ho Nia poder, tamba ita fiar ba Nia.”

Imi mak haruka governadór Roma nian atu oho Jezús. Imi oho Nia ne’ebe mak fó moris ba ema hotu-hotu. Maibe Nai Maromak halo moris ona Nia husi ema-mate sira nia leet. Imi la komprende saida mak imi halo, maibe bainhira imi halo buat ne’e, saida mak profeta sira koalia ona sai realidade. Sira dehan katak Mesias sei terus no mate. Nai Maromak kumpri ho buat ne’e. Tan ne’e agora, arepende no fila fali ba Maromak, atu nune’e Nia hamoos hotu imi nia sala sira.”

Bainhira Nai nia Templu nia líder sira rona Pedru no Joaun nia liafuan, sira hirus tebes. Tan ne’e sira kaer ema nain-rua ne’e no hatama sira ba kadeia. Maibe ema barak mak fiar saida mak Pedru hateten. Kuantidade ema ne’ebe fiar ba Jezús aumenta sai mais ka menus ema-nain 5.000.

Loron tuirmai, líder Judeu sira lori Pedru no Joaun ba secerdote no líder relijiozu sira seluk. Sira mós lori ema ne’ebe mak isin-maten ne’e. Sira husu ba Pedru no Joaun, “Ho poder ida ne’ebe mak imi kura ema isin-matek ne’e?”

Pedru hatan ba sira, “Ema ne’ebe hamriik daudaun iha o nia oin ne’e hetan kura ona ho Jezús nia poder, Mesias. Imi krusifika ona Jezús, maibe Nai Maromak halo moris fila fali Nia! Imi rejeita ona Nia, maibe laiha dalan seluk atu hetan salvasaun se la’os liuhusi Jezús nia kbiit!”

Líder sira ne’e hakfodak tamba Pedru no Joaun koalia ho aten-barani. Sira haree katak ema nain-rua ne’e la’os ema edukadu no ema ne’ebe baibain hela. Maibe depoiz sira hanoin hetan katak ema nain-rua ne’e uluk hamutuk ho Jezús. Tan ne’e sira dehan ba sira nain-rua, “Ami sei kastigu imi ho todan tebes kuandu imi nafatin hatoo mensazem ba ema barak kona-ba ema ida ne’ebe naran Jezús.” Depoizde koalia barak hanesan ne’eba, sira husi Pedru no Joaun.