50. Jesus Returns

Durante besik tinan 2.000, ema barak iha mundu mak rona ona novidade kona-ba Mesias Jezús. Igreja buras liu tan. Jezús promete katak Nia sei fila fali iha loron ikus. Mazke Nia seidauk fila, maibe Nia sei kumpri Nia promesa.

Durante ita hein Jezús fila fali mai, Maromak hakarak ita atu moris ho santu no respeita Nia. Nia mos hakarak atu ita fó sai Nia reinu ba ema seluk. Bainhira Jezús moris iha mundu, Nia dehan, “Hau nia eskolante sira sei haklaken novidade kona-ba Maromak nia reinu ba ema hotu iha mundu tomak, no hafoin tempu ikus to’o mai.”

Ema nian grupu barak mak seidauk rona kona-ba Jezús. Antes Nia fila ba lalehan, Jezús dehan ba ema sira ne’ebe tuir Nia atu lori novidade ne’e ba ema sira ne’ebe nunka rona kona-ba Nia. Nia dehan, “Ba, no halo povu hotu sai Hau nia eskolante!” no “Natar kinur ona, prontu atu ko’a ona!”

Jezús mos dehan, “Atan la boot liu nia Nain. Ema boot sira iha mundu ne’e odi Hau, sira mos sei persege no oho imi tamba Hau. Iha mundu ne’e imi sei terus, maibe forsa nafatin, tamba hau halakon ona Satanás ne’ebe ukun mundu ne’e. Se imi nafatin fiel mai Hau to’o rohan, Maromak sei salva imi!”

Jezús konta istoria ida ba Nia dixiplu sira atu esplika saida mak sei akontese ba ema moris sira bainhira mundu ne’e ramata. Nia dehan, “Mane ida kuda fini ne’ebe diak iha nia tos. Bainhira Nia toba, nia inimigu mai no kuda fini ne’ebe hamutuk ho duut entre fini hare sira, no ba fali.”

Bainhira ai-horis ne’e moris ona, mane ne’e nia atan sira dehan, ‘Nai, ita boot kuda ona fini diak iha tos ne’eba. Maibe tamba sá mak iha duut iha nia laran?’ Ema ne’e hatán, ‘So hau nia inimigu mak hakarak kuda ida att ne’e. Hau nia inimigu balun mak halo ona nune’e.’”

“Atan sira ne’e hatán ba sira nia Nain, ‘Ami fokit tiha lalang sira ne’e ka?’ Nai ne’e dehan, ‘Labele. Tamba dalaruma hare ne’e mos sei sai hotu bainhira imi fokit duut ne’e. Hein deit too tempu kolekta. Hafoin hili uluk lalang sira ne’e no kesi hamutuk atu sunu; Tuirmai foin hili fali hare hodi rai iha hau nia armajen.’”

Dixiplu sira la komprende signifikasaun husi istoria ne’e, tan ne’e sira husu ba Jezús atu esplika ba sira. Jezús dehan, “Ema ne’ebe kuda fini ne’ebe diak ne’e mak Mesias. Tos mak mundu ida ne’e. Fini diak sira ne’e mak hau nia Reinu sira.”

9. “Lalang sira ne’e mak ema sira ne’ebe tuir, ida att ne’e. Inimigu ne’ebe kuda fini att ne’e mak Diabu. Tempu kolekta ne’e mak tempu ikus mai no ema sira ne’ebe mak rekolha ne’e mak Maromak nia anju sira.”

Iha tempu ikusmai, anju sira sei rekolha hotu ema sira ne’ebe halo buat att. Anju sira sei soe sira ba ahi laran. Iha ne’eba ema sira ne’e sei tanis no ruun sira nia nehan iha sofrementu att nia laran. Maibe ema sira ne’ebe mak loos, ne’ebe mak tuir Jezús, sei naroman hanesan loron matan iha sira nia Aman Maromak nia reinu.”

Jezús mos dehan katak Nia sei fila fali mai mundu tempu ida antes mundu ne’e ramata. Nia sei fila ho meiu ida hanesan momentu Nia ba. Katak, Nia sei mai ho isin-lolon duni no mai iha kalohan leten iha lalehan. Bainhira Jezús fila fali, ema sira ne’ebe mak tuir Nia maibe mate uluk ona sei moris husi mate no hasoru ho Nia iha lalehan.

Hafoin ema sira sei moris ne’ebe mak tuir Jezús sei sae ba lalehan no halibur hamutuk ho Jezús nia seguidor sira ne’ebe moris husi mate. Sira hotu sei hamutuk ho Jezús iha ne’eba. Depoiz, Jezús sei moris hamutuk ho Nia reinu sira. Bainhira sira moris hamutuk sira sei moris iha paz ne’ebe mak furak to’o rohan.

Jezús promete atu fó koroa ba ema sira ne’ebe mak fiar ba Nia. Sira sei ukun buat hotu hamutuk ho Maromak to’o rohan. Sira sei iha paz ne’ebe mak perfeitu.

Maibe Maromak sei julga ema sira ne’ebe la fiar ba Jezús. Nia sei soe sira ba infernu. Iha ne’eba sira sei tanis no ruun sira nia nehan no sofre laiha rohan. Ahi ne’ebe sei la mate sunu nafatin sira, no ular oan sira sei la para han sira.

Bainhira Jezús fila, Nia sei harahun hotu Satanás no nia reinu. Nia sei soe Satanás ba infernu. Satanás sei mutuk iha ne’eba too rohan, hamutuk ho ema sira ne’ebe hili atu tuir nia duke obedese ba Maromak.

Tamba Adaun no Eva la obedese ba Maromak no lori pekadu ba mundu ida ne’e. Maromak sei fó malisan no desidi atu harahun mundu ne’e. Maibe loron ida mai, Maromak sei kria lalehan foun no mundu foun ne’ebe perfeitu.

Jezús no Nia reinu sira sei moris iha mundu ne’ebe mak foun, no Nia sei ukun buat hotu-hotu too rohan. Nia sei hamoos matan-been husi ema hotu nia matan. Laiha ida mak sei terus ka triste tan. Sira sei la tanis. Sira sei la moras ka mate. No laiha att iha ne’eba. Jezús sei ukun Nia reinu ho justu no paz. Nia sei hamutuk ho Nia reinu too rohan.