49. God’s New Covenant

Anju ida dehan ba Maria, feto klosan ida, katan nia sei hahoris Maromak nia Oan. Nia sei virgem, maibe Ispiritu Santu mai ba nia no fó kbiit ba nia atu kous. Nia hahoris oan mane ida no hanaran nia Jezús. Tamba ne’e Jezús Maromak no ema dala ida.

Jezús halo milagre barak ne’ebe hatudu katak Nia Maromak. Nia lao iha bee leten no hapara udan boot. Nia kura ema moras barak no duni sai satanás husi ema barak. Nia halo ema mate moris fila fali no halo paun fuan lima no ikan kiik rua sai too ba ema nain 5.000 liu hodi han.

Jezús mos mestre ne’ebe mak diak. Buat hotu ne’ebe Nia hanorin, hanorin ho loos. Ema hotu-hotu tenki halo tuir saida mak Nia haruka tamba Nia Maromak nia Oan. Ezemplu hanesan, Nia hanorin katak imi tenki hadomi ema seluk hanesan imi hadomi imi-nian ann rasik.

Nia mos hanorin katak imi tenki hadomi Maromak liu buat hotu-hotu, inklui imi-nia rikusoin.

Jezús dehan diak liu hela iha Maromak nia reinu duké iha buat hotu-hotu iha mundu ne’e. Maromak tenki salva imi husi imi nia pekadu sira atu nune’e imi bele tama iha reinu Maromak nian.

Jezús dehan ema balun sei simu Nia. Maromak sei salva ema sira ne’e. Maibe, ema sira seluk sei la simu Nia. Nia mos dehan katak ema balun hanesan rai ne’ebe diak. Tamba sira simu novidade kona-ba Jezús, Maromak salva sira. Maibe, ema sira seluk hanesan rai ne’ebe toos iha dalan. Maromak nia Liafuan hanesan fini ida ne’ebe monu iha dalan ne’e, maibe laiha ida mak buras. Ema sira ne’e rejeita mensagem kona-ba Jezús. Sira rejeita atu tama iha Nia reinu.

Jezús hanorin katak Maromak hadomi ema sala-nain sira. Nia hakarak atu perdua sira no halo sira sai Nia oan-sira.

Jezús mós dehan mai ita katak Maromak la gosta pekadu. Tamba Adaun no Eva halo ona pekadu, sira-nia jerasaun sira mos halo pekadu. Ema hotu iha mundu ne’e halo pekadu no dook husi Maromak. Ema hotu Maromak nia inimigu.

Maibe Maromak hatudu Nia domin ba ema hotu-hotu iha mundu ho maneira ida ne’e: Nia fó Nia Oan mane mesak atu nune’e Maromak sei la kastigu ema sira ne’ebe fiar ba Jezús. Maibe, ema sira ne’ebe fiar ne’e sei moris ho Nia too rohan .

Imi merese atu mate tamba imi halo ona sala. Justu ba Maromak atu kastigu imi, maibe Jezús lori todan kastigu sira ne’e hotu hodi troka ita tamba ita nia sala. Maromak kastigu Jezús ho husik Nia mate iha kruz.

Jezús nunka halo sala. Nia simu kastigu ba sala, no mate ida att liu. Ho nune’e, Nia mak sakrifisiu ida perfeitu atu hamoos imi nia sala-sira no ema hotu iha mundu nia sala. Jezús sakrifika Nia ann ba Maromak, atu nune’e Maromak perdua sala sira hotu, inklui sala ida att liu hotu, husi ema sira ne’ebe fiar ba Jezús.

Mazke imi halo buat diak barak, ne’e sei labele halo Maromak atu salva imi. Laiha buat ida mak imi bele halo mesak atu sai Nia belun. Maibe, imi tenki fiar katak Jezús Maromak nia Oan duni, katak Nia troka imi hodi mate iha kruz leten, no katak Maromak halo Nia moris hikas ona. Kuandu imi fiar ida ne’e, Maromak sei perdua imi husi imi nia pekadu.

Maromak sei salva ema hotu ne’ebe fiar ba Jezús no simu sira atu bolu Nia sira nia Nain. Maibe Nia sei la salva ema sira ne’ebe la fiar ba Nia. Laiha problema atu imi riku ka kiak, mane ka feto, boot ka kiik ka imi hela iha ne’ebe. Maromak hadomi imi no hakarak imi atu fiar ba Jezús atu nune’e Nia bele sai imi nia belun.

Jezús bolu imi atu fiar ba Nia no atu sarani. Imi fiar ka lae katak Jezús mak Mesias, Maromak nia Oan mane mesak? Imi fiar ka lae katak imi nu’udar ema sala-nain ne’ebe merese simu Maromak nia kastigu tamba imi-nia sala? Imi fiar ka lae katak Jezús mate iha kruz leten atu hamoos imi nia sala?

Kuandu imi fiar ba Jezús no konsidera saida mak Nia halo ona ba imi, imi nu’udar Jezús nia seguidor! Diabu sei la ukun ona imi iha nia reinu ne’ebe nakukun. Agora Nai Maromak mak ukun imi iha Nia reinu ne’ebe naroman. Nai Maromak fó ona kbiit ba imi atu la halo sala hanesan ida uluk imi halo ona. Nia fó ona dalan ba imi atu moris foun ho loloos.

Se imi Jezús nia seguidor, Maromak perdua ona imi nia salat amba saida mak Jezús halo ona. Agora, Nai Maromak konsidera imi Nia belun ida besik ho Nia laos inimigu.

Se imi Maromak nia belun no Señor Jezús nia atan, imi sei hakarak atu obedese ba saida mak Jezús hanorin ba imi. Mazke imi Jezús nia seguidor, Satanás sei bele habosok imi atu halo sala. Maibe Maromak sempre halo saida mak Nia dehan Nia sei halo. Nia dehan katak se imi konfesa imi nia sala, Nia sei perdua imi. Nia sei fó forsa ba imi atu kontra sala.

Nai Maromak dehan ba imi atu halo orasaun no aprende Nia liafuan. Nia mos dehan ba imi atu adora Maromak ho Jezús nia seguidor sira seluk. Imi mos tenki fó sai ba ema seluk saida deit mak Nia halo ona ba imi. Se imi halo tuir buat sira ne’e hotu, imi sei sai Nia belun ne’ebe forte.