6. Nai Maromak haraik ba Izak

Bainhira Abraun idade ona, nia oan Izak mos sai ona joven matúr ida. Depoiz Abraun delega nia atan ida hodi lao ba nia maun-alin maluk sira nia rai hela fatin hodi buka feto ida ba nia oan mane, Izak.

Bainhira Abraun nia atan lao do’ok tebes to’o ba iha Abraun nia maun-alin sira nia hela fatin, Nai Maromak gia atan ne’e ba hasoru Ribka. Ribka nu’udar Abraun nia beioan husi Abraun nia maun-alin.

Ribka konkorda atu husik hela nia família no ba tuir atan ne’e hodi fila ba Izak nia uma. Bainhira Ribka to’o, Izak kaben kedan ho nia.

Tempu balun liu tiha, Abraun mos mate. Depois Maromak fo bensaun ba Abraun nia oan Izak tamba promesa ne’ebe Nia halo ona ho Abraun. Nai nia promesa sira inkui ida mak Abraun nia jerasaun sei barak to’o sura labele. Maibe Izak nia fen, Ribka, seidauk bele hetan oan.

Izak halo orasaun ba Ribka, no Nai Maromak fo licensa ba Ribka hodi hetan oan kaduak. Bebe kaduak rua ne’e kontra malu bainhira sira sei iha Ribka nia kabun laran, tan ne’e Ribka husu ba Maromak saida mak akontese daudaun.

Nai Maromak hatete ba Ribka, “O sei hahoris oan mane nain-rua. Sira nain-rua nia jerasaun sei sai povu rua ne’ebe diferensa. Sira sei kontra malu. Maibe povu ne’ebe mai husi o nia oan dahuluk sei obedese ba povu ne’ebe mai husi o nia oan ikun.”

Bainhira Ribka nia oan-sira moris, oan mane dahuluk nia isin fulun barak no kor mean uituan, nune’e sira hanaran nia Izau. Hafoin oan ikun sai tuir mai ho nia liman kaer Izaun nia ain-tuban, no sira hanaran nia Jakó.