7. Nai Maromak haraik bensaun ba Jakó

Depoiz labarik sira ne’e bo’ot, Jakó kontenti liu hela iha uma, maibe Izau nia gosta liu atu kasa animal. Ribka hadomi Jakó maibe Izak hadomi Izau.

Iha loron ida, hafoin Izau fila husi kasa, nia hamlaha tebes. Izau dehan ba Jakó, “Fo netik hahan uituan mai hau husi hahan ne’ebe o halo”. Jakó hatan, “primeiru, o tenki jura mai hau atu fo o nia direitu oan mane boot nian mai hau”. Nune’e Izau jura atu fo buat hotu ba Jakó. Tan ne’e Jakó fo hahan ba nia.

Izak hakarak fo bensaun ba Izau. Maibe antes nia seidauk halo, Ribka ho Jakó habosok nia no haruka Jakó halo finzi sai hanesan Izau. Izak katuas ona no nia haree la hetan ona. Depoiz Jakó uza ropa Izau nian no habelit uza kulit bibi no tau iha nia kakorok no nia liman.

Jakó mai ba Izak no dehan, “ Hau Izau. Hau mai ba ita atu ita fo bensaun mai hau”. Bainhira Izak kaer kona bibi fulun no nia horon ropa ne’e, nia hanoin katak ne’e mak Izau no nia fo bensaun ba nia.

Izau odi Jakó tamba Jakó hadau ona nia direitu hanesan oan mane bo’ot no inklui nia bensaun. To’o ida ne’e nia planu atu oho Jakó depoiz de sira nia apa mate.

Maibe Ribka rona Izau nia planu. Nune’e nia ho Izak haruka Jakó atu ba dook no hela hamutuk h onia familia sira.

Jakó hela ho Ribka nia familia husi tinan ba tinan. Iha tempu ne’eba, nia kaben ona no hetan oan mane nain sanulu-resin-rua no oan feto ida. Maromak halo nia riku.

Depoiz tinan rua-nulu husik hela nia uma iha rai Kanaan, ikus mai Jakó fila ba sira ho nia familia, atan sira no animal sira hotu.

Jakó sei tauk hela tamba nia hanoin katak Izau sei hanoin atu oho nia. Tan ne’e nia haruka animal barak ba sai hanesan prezenti ba Izau. Atan ne’ebe lori prezenti ba Izau hatete, “O nia atan, Jakó, fo animal sira ne’e ba o. Nia sei mai.”

Maibe Izau laiha hanoin aat ona ba Jakó. Maibe, nia haksolok tebes bele hasoru fila fali Jakó. Nune’e maun-alin nain-rua ne’e moris ho dame iha rai Kanaan. Hafoin Izak mate, no Jakó ho Izau hakoi nia. Promesa sira Nai Maromak halo ho Abraun hatuun ba Izak no ba Jakó.