1. ୦୧. ଶିର୍ଜାଅ

ସବେନ୍ ସିର୍ଜାଅ ନେଲେକା ହୋବାନା। ପାର୍ମେଶ୍ୱାର୍ ସିର୍ମାଦିଶୁମ୍ ହାର୍ ଅତେ ହାର୍ ଏନାରାଃ ସବେନ୍ ଜିନିଷ୍ କୋକେ ଛାଅ ଦିନ୍ ରେ ବାଇକେଦାଏ। ପାର୍ମେଶ୍ୱାର୍ ସିର୍ଜାଅ ରାଃ ତାୟୋମ୍ତେ ଅତେ ନୁବାଃ ହାର୍ ସୁନ୍‍ସାନ୍ ତାଇକେନା। ଜାହାନ୍ ଜିନିଷ୍ କାବାଇଲେନା। ମେନ୍ଦୋ ପାର୍ମେଶ୍ୱାର୍ ରାଃ ଆତ୍ମା ଦାଆ ଚେତାନ୍ ହୋନୋର୍ ବାଡ଼ା ତାଇକେନା।

ଏନା ତାୟୋମ୍ତେ ପାର୍ମେଶ୍ୱାର୍ କାଜିକେଦାଏ, ‘’ମାସ୍କାଲ୍!’’ ହୋବାଅଃକା। ଏନାରେ ’ମାସ୍କାଲ୍ ହୋବାଜାନା। ପାର୍ମେଶ୍ୱାର୍ ’ମାସ୍କାଲ୍ କେ ବୁଗିନ୍ କାଜିକେଦାଏ, ହାର୍ ଏନାକେ ‘’ଶିଙ୍ଗୀ’’ କାଜିକେଦାଏ ହାର୍ ଇନିଃ ଏନାକେ ନୁବାଃ ତେ ଆଲାଗ୍ କେଦାଏ ଅକନାଃକେ ଇନିଃ ‘’ନିଦା’’ କାଜିକେଦାଏ। ପାର୍ମେଶ୍ଵାର ସିର୍ଜାଅ ରାଃ ପାହିଲା ହୁଲାଙ୍ଗ୍ ରେ ’ମାସ୍କାଲ୍ କେ ବାଇକେଦାଏ।।

ଶିର୍ଜାଅ ରାଃ ଏଟାଆଃ ହୁଲାଙ୍ଗ୍ ପାର୍ମେଶ୍ଵାର କାଜିକେଦାଏ,’’ଦାଆ ଏତେ ଦାଆ ଆଲାଗ୍ ଅଃକା।‘’ ହାର୍ ଏନା ଆଲାଗ୍ ହୋବାଜାନା। ପାର୍ମେଶ୍ଵାର ଏନ୍ ଆଲାଗ୍ କାନ୍ ଚେତାନ୍ ଦାଆ କେ “ରିମିଲ୍‍ଦିଶୁମ୍” କାଜିକେଦାଏ।

ତିସ୍ରା ହୁଲାଙ୍ଗ୍ ରେ ପାର୍ମେଶ୍ଵାର କାଜିକେଦାଏ,’’ଦାଆ ମିୟାଃ ଜାଗା ରେ ହୁଣ୍ଡି କେନୋଃକା ହାର୍ ରୋହୋଡ଼ ଅତେ ନେଲୋଃକା।‘’ ଇନିଃ ରୋହୋଡ଼ କାନ୍ତେୟାଃ ହାସା କେ ‘’ଅତେ’’ କାଜିକେଦାଏ ହାର୍ ଦାଆ କେ ‘’ସାମୁଦାର୍’’ କାଜିକେଦାଏ। ପାର୍ମେଶ୍ଵାର୍ ନେଲ୍ କେଦାଏ ଚି ଅକନାଃ ଇନିଃ ବାଇଲେଦାଏ ଏନା ବୁଗିନ୍ ତାଇକେନା।

ଏନା ତାୟୋମ୍ତେ ପାର୍ମେଶ୍ଵାର୍ କାଜିକେଦାଏ,’’ ଅତେ ରେ ସୋବେନ୍ ଲେକାନାଃ ଦାରୁକୋ ହାର୍ ତାଶାଃକୋ ଅମୋନୋଃକା।‘’ ହାର୍ ଏନ୍ ଲେକାଗି ହୋବାଜାନା। ପାର୍ମେଶ୍ଵାର୍ ନେଲ୍ କେଦାଏ ଚି ଅକନାଃ ଇନିଃ ବାଇଲେଦାଏ ଏନା ବୁଗିନ୍ ତାଇକେନା।

ଶିର୍ଜାଅ ରାଃ ଚାଉଥା ହୁଲାଙ୍ଗ୍ ରେ ପାର୍ମେଶ୍ଵାର୍ କାଜିକେଦାଏ, ’’ ରିମିଲ୍‍ଦିଶୁମ୍ ରେ ଅତେ କେ ମାର୍ସାଲେ ଲାଗିନ୍ତେ ମାସ୍କାଲ୍ ହୋବାଅଃକା। ହାର୍ ଶିଙ୍ଗୀ, ଚାଣ୍ଡୁ, ହାର୍ ଇପିଲ୍ କୋ ବାଇଜାନା। ପାର୍ମେଶ୍ଵାର୍ ଏନାକୋକେ ମାର୍ସାଲ୍ ଲାଗିନ୍ତେ ହାର୍ ଶିଙ୍ଗୀ ଆଡୋଃ ନିଦା, ସାମାୟ୍କୋ ହାର୍ ସିର୍ମା କୋକେ ସାରିଲାଗିନ୍ତେ ବାଇକେଦାଏ। ପାର୍ମେଶ୍ଵାର୍ ନେଲ୍ କେଦାଏ ଚି ଅକନାଃ ଇନିଃ ବାଇଲେଦାଏ ଏନା ବୁଗିନ୍ ତାଇକେନା।

ପାଞ୍ଚୱା ହୁଲାଙ୍ଗ୍ ରେ ପାର୍ମେଶ୍ଵାର୍ କାଜିକେଦାଏ,’’ଦାଆ ଯାନ୍ତୁକୋ ଦାଆ ରେ ହୋବାଅଃ କାକୋ ହାର୍ ରିମିଲ୍‍ଦିଶୁମ୍ ରେ ଅଡ଼େକୋ ଆପୀର୍ କାକୋ।‘’ ନେଲାକାତେ ଦାଆ ରେ ପାହୁଁରାଓ ଜାନ୍ତୁକୋକେ ହାର୍ ଅଡ଼େକୋକେ ବାଇକେଃ କୋୱାଏ। ପାର୍ମେଶ୍ଵାର୍ ନେଲ୍ କେଦାଏ ଚି ଏନା ବୁଗିନ୍ ତାଇକେନା ହାର୍ ଇନ୍‍କୁ କେ ଆଶିଷ୍ ଏମ୍ କେଦାଏ।

ଶିର୍ଜାଅ ରାଃ ଛାଟ୍‍ୱା ହୁଲାଙ୍ଗ୍ ରେ ପାର୍ମେଶ୍ଵାର୍ କାଜିକେଦାଏ,’’ଅତେ ରେ ତାଇନ୍ ତାନ୍ ସୋବେନ୍ ରାକାମ୍ ରେନ୍ ଯାନ୍ତୁକୋ ହୋବାଅଃକାକୋ।‘’ ହାର୍ ପାର୍ମେଶ୍ଵାର୍ ରାଃ କାଜି ଲେକାତେଗି ହୋବାଜାନା। ଚିମିନାଙ୍ଗ୍ ଯାନ୍ତୁ କୋ ଆସୁଲ୍ ଲାଗିନ୍ ତାଇକେନାକୋ। ଚିମିନାଙ୍ଗ୍ ଯାନ୍ତୁକୋ ଅତେ ରେ ରେଙ୍ଗାୱ ୱାଲା, ହାର୍ ଚିମିନାଙ୍ଗ୍ ଯାନ୍ତୁକୋ ଟନାଙ୍ଗ୍ ରେ ତାଇ ଲାଗିନ୍ତେ। ଏନ୍ତେ ପାର୍ମେଶ୍ଵାର୍ ନେଲ୍ କେଦାଏ ଚି ଏନା ବୁଗିନ୍ ତାଇକେନା।

ଏନ୍ତେ ପାର୍ମେଶ୍ଵାର୍ କାଜିକେଦାଏ,’’ଦୋଲା ଆବୁ ହୋଡ଼ କେ ଆବୁ ନେଲୋଃ ଲେକା ହାର୍ ଆବୁଆଃ ଲେକା ବାଇୟାବୁ। ଇନିଃ ଅତେ‍ଦିଶୁମ୍ ରେ ହାର୍ ସୋବେନ୍ ଜାନ୍ତୁ କୋୱାଃ ରେ ଆଧିକାର୍ ମାଣ୍ଡାଅ ୟାଏ।‘’

ଏନାମେନ୍ତେ ପାର୍ମେଶ୍ଵାର୍ ଅତେ ରାଃ ହାସା ତେ ହୋଡ଼ କେ ବାଇକିଜାଏ ହାର୍ ଇନିଃଜାଃରେ ଜୀଦାନ୍ ରାଃ ଶାହେଃ କେ ଅଙ୍ଗ୍ ତାଦାଏ। ନେ ହୋଡ଼ ରାଃ ନୁତୁମ୍ ଆଦାମ୍ ତାଇକେନା। ଆଦାମ୍ ତାଇନ୍ ଲାଗିନ୍ତେ ପାର୍ମେଶ୍ଵାର୍ ମିୟାଃ ମାରାଙ୍ଗ୍ ବାଗିଚା ବାଇକେଦାଏ ହାର୍ ଏନାରାଃ ଜାତାନ୍ ଲାଗିନ୍ ଆଦାମ୍ କେ ଏନ୍ତାଃରେ ମାଣ୍ଡାଅ କିଜାଏ।

ଏନ୍ ବାଗିଚା ଥାଲା ରେ ପାର୍ମେଶ୍ଵାର୍ ବାରିୟା ଖାସ୍ ଦାରୁ ରୋଏ କେଦାଏ-ଜୀଦାନ୍ ଏହେମ୍ ଦାରୁ ହାର୍ ବୁଗିନ୍ ହାର୍ ଏତ୍କାନ୍ ସେଣାନ୍ ନାମେ ରାଃ ଦାରୁ। ପାର୍ମେଶ୍ଵାର୍ ଆଦାମ୍ କେ କାଜିକିଜାଏ,ଏନ୍ ବାଗିଚା ରାଃ ବୁଗିନ୍ ହାର୍ ଏତ୍କାନ୍ ସେଣାନ୍ ନାମେ ଦାରୁ ରାଃ ଯୋଅ କେ ବାଗିକେତେ ଏଟାଃ ଯାହାନ୍ ହ ଦାରୁ ରାଃ ଯୋଅ କେ ଜୋମ୍ ଧାଡ଼ିୟାଏ। ଆଗାର୍ ଇନିଃ ଏନ୍ ଦାରୁ ରାଃ ଜୋଅ କେ ଜୋମେୟାଏ ଏଣ୍ଡେ ଇନିଃ ଗୋଜୋଗାଏ।

ଏନା ତାୟୋମ୍ତେ ପାର୍ମେଶ୍ଵାର୍ କାଜିକେଦାଏ,’’ହୋଡ଼ କେ ଏସ୍କାର୍ ତାଇନ୍ ତେୟା ବୁଗିନ୍ ନାହାଲା।‘’ ମେନ୍ଦୋ ଆଦାମ୍ କେ ଦେଙ୍ଗା ଲାଗିନ୍ତେ ଜେତାଏ ଜାନ୍ତୁ ହ କାକୋ ଯୋକାଜାନା।

ଏନା ମେନ୍ତେ ପାର୍ମେଶ୍ଵାର୍ ଆଦାମ୍ କେ ଗୋଏଃ ଲେକା ଦୁଡ଼ୁମ୍ କିଜାଏ। ଏନ୍ତେ ପାର୍ମେଶ୍ଵାର୍ ଆଦାମ୍ ରାଃ ମିୟାଃ ପାଞ୍ଜରା ଜାଙ୍ଗ୍ ଆଡୋଙ୍ଗ୍ କେତେ ମିୟାଃ କୁଡ଼ି ବାଇକିଜାଏ ହାର୍ ଇନିଃ କେ ଆଦାମ୍ ରାଃ ନାଡ଼େଏ ଆଉକିଜାଏ।

ଚିମ୍ତାଙ୍ଗ୍ ଆଦାମ୍ ଇନିଃକେ ନେଲ୍ କିଜାଏ ଇମ୍ତା କାଜିକେଦାଏ,’’ନାଆ ନିଃ ଇଙ୍ଗ୍ ଲୋଃ ଜୋକାଲେକା ମେନିଜା! ନିଇ ‘କୁଡ଼ି’ କାଜିୟୋଗାଏ, ଚିଆଃଚି ନିଇ କୋଡ଼ା ଏତେ ବାଇ ଅଡ଼ୋଙ୍ଗ୍ କାନାଏ।“ ନେୟା ଲାଗିନ୍ କୋଡ଼ା ଆଜାଃ ଏଙ୍ଗା-ଆପୁ କିନ୍ କେ ବାଗି ତାଆଏ ହାର୍ ଆଜାଃ କୁଡ଼ି ଲୋଃ ମିଃ ହୋବା କେନୋଃୱାଏ।

ପାର୍ମେଶ୍ଵାର୍ କୋଡ଼ା ହାର୍ କୁଡ଼ି କେ ଆଏଃ ନେଲୋଃ ଲେକା ବାଇକେଃ କିନାଏ। ଇନିଃ ଇନ୍‍କିନ୍ କେ ଆଶିଷ୍ ଏମାଃ କିନାଏ ହାର୍ ଇନ୍‍କିନ୍ କେ କାଜି କେଃ କିନାଏ,’’ରାଶିଗି ହୋନ୍-ଗାଣା ହାର୍ ଯାଇ ହୋନ୍ ହୋପୋନ୍ କୋ ଯାନାମ୍ କୋପେ ହାର୍ ଅତେ ରେ ପୋଶାଅଃପେ!’’ ହାର୍ ପାର୍ମେଶ୍ଵାର୍ ନେଲ୍ କେଦାଏ ଚି ଅକନାଃ ଇନିଃ ବାଇଲେଦାଏ ଏନା ବୁଗିନ୍ ତାଇକେନା,ହାର୍ ଇନିଃ ଏନ୍ ସୋବେନାଃ ରେ ଥିମ୍ବାଗି ରାଶିକା ତାଇକେନାଏ। ନେୟା ସୋବେନାଃ ଶିର୍ଜାଅ ରାଃ ଛାଟୱା ହୁଲାଙ୍ଗ୍ ତାଇକେନା।

ଚିମ୍ତାଙ୍ଗ୍ ସାତୱା ହୁଲାଙ୍ଗ୍ ହୋବାନା ପାର୍ମେଶ୍ଵାର୍ ଅକନାଃ କୋ ରିକା ତାଇକେନାଏ ଏନା ସୋବେନାଃ ବାଇ ଛାବା ଲେଦାଏ। ଇନିଃ ସାତୱା ହୁଲାଙ୍ଗ୍ କେ ଆଶିସ୍ ଏମ୍ କେଦାଏ ହାର୍ ଏନ୍ ହୁଲାଙ୍ଗ୍ କେ ପାବିତାର୍ ଦୋହୋ କେଦାଏ, ଚିୟାଃଚି ଏନ୍ ହୁଲାଙ୍ଗ୍ ଇନିଃ ସୋବେନାଃ କେ ବାଇ ଛାବାକେତେ ଆରାମ୍ କେଦାଏ। ନେ ଲେକାତେ ପାର୍ମେଶ୍ଵାର୍ ଅତେ‍ଦିଶୁମ୍ କେ ହାର୍ ଏନାରାଃ ସୋବେନାଃ କେ ବାଇ କେଦାଏ।