50. ୫୦. ୟୀଶୁ ରୁଆଡ଼୍ ହିଜୁଃଗାଏ

ଲାଗ୍-ଭାଗ୍ ୨୦୦୦ବାରାଷ୍ ତେ, ଦିଶୁମ୍ ରେନ୍ ସୋବେନ୍ ଜାଗାକୋରେ ଥିମ୍ବାତେ-ଥିମ୍ବା ହୋଡ଼ୋକୋକେ ୟୀଶୁମାସୀହ୍ ରାଃ ବିଷାଏରେ ସୁସାମାଚାର୍ ଆୟୁମ୍ ତାନାକୋ। କାଲିସିୟା ହାରା ଇଦିୟଅ ତାନାଃ। ୟୀଶୁ କିରିୟା କାଦାଏ ଚି ଇନିଃ ଅତେଦିଶୁମ୍ ରେ ରୁଆଡ଼୍ ହିଜୁଃଗାଏ। ଇନିଃ ନାଆ ରୁଆଡ଼୍ କାଏ ହିଜୁଃ କାନା, ଏଣ୍ଡେଅଗି ଇନିଃ ଆଜାଃ କାଜିକାନ୍ ତେୟାଃକେ ପୁରାୟାଏ।

ଚିମ୍ତାଙ୍ଗ୍ ଚି ଆବୁ ୟୀଶୁକେ ରୁଆଡ଼୍ ଜିହୁଃ ରାଃ ତାଙ୍ଗି ତାନାବୁ,ପାର୍ମେଶ୍ଵାର୍ ଆବୁକେ ନେ ଲେକାତେ ଜୀଦାନ୍ ଜିହିଃ ଲାଗିନ୍ କାଜିୟାଏ ଅକଏ ପାବିତାର୍ ହାର୍ ଅକଏ ଇନିଜାଃ ମାନାରାଙ୍ଗ୍ ତାନାଏ। ଚିମ୍ତାଙ୍ଗ୍ ୟୀଶୁ ନେ ଏତେରେ ତାଇକେନାଏ ଏଣ୍ଟେ ଇନିଃ କାଜିକେଦାଏ, “ଇଙ୍ଗ୍ଆଃ ଚେଲାକୋ ଅତେଦିଶୁମ୍ ରେନ୍ ସୋବେନ୍ ଜାଗାକୋରେ ହୋଡ଼ୋକୋକେ ପାର୍ମେଶ୍ଵାର୍ ରାଃ ରାଇଜ୍ ବିଷାଏରେ ସୁସାମାଚାର୍ କେ ପାର୍ଚାର୍ ରିକାୟାକ,ହାର୍ ଏନ୍ତେ ଆନ୍ତ୍ ହୋବା କେନୋଗା।”

ଥିମ୍ବାଗି କିଲିରେନ୍ କୋ ନାଆ ସାନ୍ତେ ୟୀଶୁରାଃ ବିଷାଏରେ କାକୋ ଆୟୁମ୍ କାଦା। ସିର୍ମାତେ ରୁଆଡ଼୍ ସିଦାରେ,ୟୀଶୁ ମାସୀହ୍ କୋକେ ଏନ୍ ହୋଡ଼ୋକୋକେ ସୁସାମାଚାର୍ କାଜିଲାଗିନ୍ କାଜିକାଦାଏ ଅକନ୍ କୋ ଚିଉଲା କାକୋ ଆୟୁମ୍ କାଦା। ଇନିଃ କାଜିକେଦାଏ, “ସେନୋଃପେ ହାର୍ ସୋବେନ୍ କିଲିରେନ୍ ହୋଡ଼ୋକୋକେ ଚେଲା ବାଇକୋପେ!” ହାର୍ ଇର୍ଅ ଲାଗିନ୍ ଲୋୟୋଙ୍ଗ୍ ରେ ମାତା ଛାବା କାନା!”

ୟୀଶୁ ନେୟାଅଗି କାଜିକେଦାଏ, “ଯାହାନ୍ ହୋଡ଼୍ ରାଃ ଦାସୀ ଆଜାଃ ଗୋମ୍ କେ ତେ ମାରାଙ୍ଗ୍ କାଏ ହୋବାୱାଃ। ନେ ଦିଶୁମ୍ ରେନ୍ ମାପାରାଙ୍ଗ୍ ହୋଡ଼ୋକୋ ଇଙ୍ଗ୍ କେ ହିଲାଙ୍ଗ୍ କେଦାକୋ, ହାର୍ ଇଙ୍ଗ୍ଆଃ ଲାଗିନ୍ ଇନ୍‍କୁ ଆପେକେ ହିଲାଙ୍ଗ୍ ୟାକୋ ହାର୍ ଗୋଏଃ ପେୟାକୋ। ନେ ଦିଶୁମ୍ ରେ ଆପେକେ ଦୁକୁ ହୋବାୱାଃ, ମେନ୍ଦୋ ପେଡ଼େଜାନ୍ ବାୟୋପେ,ଚିୟାଃଚି ଇଙ୍ଗ୍ ସାଏତାନ୍ କେ ହାରାଅ କିଜିଙ୍ଗ୍ ଅକନିଃ ନେ ଅତେଦିଶୁମ୍ ରେ ରାଇଜ୍ ତାନାଏ। ଆଗାର୍ ଆମ୍ ଟୁଣ୍ଡୁ ସାନ୍ତେ ଇଙ୍ଗ୍ଆଃ ବିଶ୍ଵାସୀଲେକାନିଃ ବାଇ ତାଇନୋଃ ୱାଃପେ,ଦୋ ପାର୍ମେଶ୍ଵାର୍ ଆପେକେ ବାଞ୍ଚାଅ ପେୟାଏ!”

ୟୀଶୁ ଆଜାଃ ଚେଲାକୋକେ ନେୟା ବୁଝାଅ ଲାଗିନ୍ ମିୟାଃ କାହାନୀ ଉଦୁବ୍ କେଦାଏ ଚି ଚିମ୍ତାଙ୍ଗ୍ ଅତେଦିଶୁମ୍ ଟୁଣ୍ଡୁ ଅଗା ଦୋ ହୋଡ଼ୋକୋ ଲାଗିନ୍ ଚିନାଃ ହୋବାୱାଃ। ଇନିଃ କାଜିକେଦାଏ, “ଅକନ୍ ହୋଡ଼୍ ଆଜାଃ ଲୋୟୋଙ୍ଗ୍ ରେ ବୁଗିନ୍ ଜାଙ୍ଗ୍ ହେର୍ କେଦାଏ। ଚିମ୍ତାଙ୍ଗ୍ ଇନିଃ ଗିତିଃ ଜାନାଏ ଦୋ ଇନିଜାଃ ବାଇରି ହିଜୁଃ ଲେନାଏ ହାର୍ ଗୋହୋମ୍ ଜାଙ୍ଗ୍ ରାଃ ଥାଲାରେ ତାସାଃ ଜାଙ୍ଗ୍ ହେର୍ ତାଦାଏ, ହାର୍ ଇନିଃ ସେନୋଃ ଜାନାଏ।

“ଚିମ୍ତାଙ୍ଗ୍ ଜାଙ୍ଗ୍ ଗାଜାଜାନା ଦୋ ଦାସୀ ଏନ୍ ହୋଡ଼୍ କେ କାଜିକେଦାଏ, ‘ହେ ଗୁରୁ, ଆମ୍ ଦୋ ଅମାଃ ଲୋୟୋଙ୍ଗ୍ ରେ ବୁଗିନ୍ ଜାଙ୍ଗ୍ ହେର୍ ଲାଆମ୍। ଦୋ ଆଡୋଃ ନେଣ୍ଡେରେ ତାସାଃ ଚିକାଲି ଅମୋନ୍ କାନା?’ଏନ୍ ହୋଡ଼୍ କାଜିକେଦାଏ, ‘ଖାଲି ଇଙ୍ଗ୍ଆଃ ବାଇରିଗି ଏନାକୋକେ ହେର୍ ଧାଡ଼ିୟାଏ। ନେୟାରେ ଇଙ୍ଗ୍ଆଃ ଚିମିନ୍ ବଇରୀକୋ ମେନାକୋୱାଃ ଅକନିଃ ନେକା କାଦାଏ।’”

“ଏନ୍ ଦାସୀକୋ ଆଜାଃ ଗୋମ୍ କେ କୋକେ କାଜିକେଦାକୋ, ‘ଚିନାଃ ଆଲେକେ ଟୋନାଙ୍ଗ୍ ତାସାଃକୋକେ ଥାଏଃ କେୟାଲେ?’ଏନ୍ ଗୋମ୍ କେ କାଜିକେଦାଏ, ‘କାହା। ଆଗାର୍ ଆମ୍ ନେକାୟାମ୍ ଦୋ ଆମ୍ ଚିମିନ୍ ଗୋହୋମ୍ କୋକେ ୟଗି ଥାଏଃ ତାଃମ୍। ଇର୍ ସାମାୟ୍ ସାନ୍ତେ ତାଙ୍ଗି ଏପେ। ଏନ୍ତେ ଟୋନାଙ୍ଗ୍ ରେନ୍ ତାସାଃକୋକେ ମିଃତାଃ ତାପେ ଏନାତେ ଆପେ ଏନାକୋକେ ଜୁଲ୍ ତାପେ। ମେନ୍ଦୋ ଗୋହୋମ୍ କୋକେ ଇଙ୍ଗ୍ଆଃ କୋଲୋମ୍ ରେ ଆଉୱେପେ।’”

ଚେଲାକୋ ନେ କାହାନୀରାଃ ଆର୍ଥକେ କାକୋ ବୁଝାଅ ଧାଡ଼ିଜାନା, ଏନାଲାଗିନ୍ ଇନ୍‍କୁ ୟୀଶୁକେ ବୁଝାଅଲାଗିନ୍ ଆର୍ଜି କେଦାକୋ, “ବୁଗିନ୍ ଜାଙ୍ଗ୍ ହେରୋଃ ନିଃ ହୋଡ଼୍ ମାସୀହ୍ କେ ବୁଝାୱାଃ। ଲୋୟୋଙ୍ଗ୍ ଅତେଦିଶୁମ୍ କେ ବୁଝାୱାଃ। ବୁଗିନ୍ ଜାଙ୍ଗ୍ ପାର୍ମେଶ୍ଵାର୍ ରାଃ ରାଇଜ୍ ରେନ୍ ହୋଡ଼ୋକୋକେ ବୁଝାଅତାନାଃ।”

“ଟୋନାଙ୍ଗ୍ ତାସାଃ ଏନ୍ ବାଇରି ହୋଡ୍, ସାଏତାନ୍ ରାଃ ହୋଡ଼ୋକୋକେ ବୁଝାୱ ତାନାଃ। ଏନ୍ ହୋଡ଼ୋ ବଇରୀ ସାଏତାନ୍ କେ ବୁଝାୱାଃ, ଅକନିଃ ଟୋନାଙ୍ଗ୍ ତାସାଃକୋକେ ହେର୍ ତାଦାଏ। ଇର୍ ନେ ଅତେଦିଶୁମ୍ ରାଃ ଆନ୍ତ୍ କେ ବୁଝାଅ ତାନାଃ, ହାର୍ ଇର୍ଅ ନିଃ ପାର୍ମେଶ୍ଵାର୍ ରାଃ ସିର୍ମାଦାସୀ କୋକେ ବୁଝାଅ ତାନାଃ।”

ଚିମ୍ତାଙ୍ଗ୍ ଅତେଦିଶୁମ୍ ରାଃ ଆନ୍ତ୍ ହୋବାୱାଃ ଏନ୍ତେ ସିର୍ମାଦାସୀକୋ ଏନ୍ ସୋବେନ୍ ହୋଡ଼ୋକୋକେ ମିଶାତେ ହୁଣ୍ଡି କୋୱାଏ ଅକନ୍ କୋ ସାଏତାନ୍ ଆଃ ତାଇକେନାକୋ। ଏନ୍ ସିର୍ମାଦାସୀକୋ ଇନ୍‍କୁକେ ଥିମ୍ବାଗି ଯୁଲ୍ ଲୋଃ ତାନ୍ ସେଙ୍ଗେଲ୍ ରେ ଦୂଡିଙ୍ଗ୍ ତାଃକୋ। ଏନ୍ତାଃରେ ଏନ୍ ହୋଡ଼ୋକୋ ମାରାଙ୍ଗ୍ ସାତାଅରେ ରାଆୟାଃକୋ ହାର୍ ଆକୋୱାଃ ଡାଟା ହାବେୟାକୋ। ମେନ୍ଦୋ ଅକନ୍ କୋ ଧାର୍ମି ତାନ୍ କୋ, ଅକନ୍ କୋ ୟୀଶୁକେ ଅତୋଙ୍ଗ୍ କିଜାକୋ,ଇନିଃ ଇନ୍‍କୁକେ ପାର୍ମେଶ୍ଵାର୍ ଆପୂ ରାଃ ରାଇଜ୍ ରେ ଶିଙ୍ଗିଲେକା ଚାମ୍ କାଅ ୱାଃକ।”

ୟୀଶୁ ନେୟାଅଗି କାଜିକେଦାଏ ଚି ଇନିଃ ଅତେଦିଶୁମ୍ ରାଃ ଛାବାଅଃ ସିଦାରେ ରୁଆଡ଼୍ ହିଜୁଃଗାଏ। ଇନିଃ ଏନ୍ ଲେକାତେ ରୁଆଡ଼୍ ହିଜୁଃଗାଏ ଜେଲେକା ଇନିଃ ସେନୋଃ କାନ୍ତିନାଏ। ଆର୍ଥାତ୍, ଇନିଜାଃ ତାଃ ହୋଡ଼୍ ମୋ ତାଇନା, ହାର୍ ଇନିଃ ଚେତାନ୍ ରାଃ ରିମିଲ୍ ରେ ଦୁବ୍ କେତେ ହିଜୁଃଗାଏ। ଚିମ୍ତାଙ୍ଗ୍ ୟୀଶୁ ରୁଆଡ଼୍ ହିଜୁଗାଏ ଦୋ ସୋବେନ୍ ମିୟାଃ ମାସୀହ୍ ଅକନ୍ କୋ ଗୋଏଃ କାନାକୋ ଗୋଏଃକାନ୍ କୋଏତେ ଜିବିରିଦାକୋ ହାର୍ ଇନିଜାଃ ଲୋଃ ରିମିଲ୍ ଦିଶୁମ୍ ରେ ଭେଟ୍ ଅଗାବୁ।

ଏନ୍ତାଏତେ ଅକନ୍ କୋ ମାସୀହ୍ ରେ ନାଆ ଜିହିଃ ମେନାକୋଆ ଇନ୍‍କୁ ରିମିଲ୍ ଦିଶୁମ୍ ରେ ଉଠାଅ କେନୋଗାକୋ ହାର୍ ଏନ୍ ଏଟାଃ ମାସୀହ୍ କୋଲୋଃ ମେଶା କେନୋଗାକୋ ଅକନ୍ କୋ ଗୋଜାକାନ୍ କୋଏତେ ଜିବିରିଃ କାନାକୋ।ଇନ୍‍କୁ ସୋବେନ୍ କୋ ୟୀଶୁଲୋଃ ତାଇୟୋଗାକୋ। ୟୀଶୁ ଆଜାଃ ହୋଡ଼ୋକୋଲୋଃ ତାଇନାଏ। ଚିମ୍ତାଙ୍ଗ୍ ଇନ୍‍କୁ ମିଶାତେ ତାଇନ୍ ରେ ଦୋ ଇନ୍‍କୁୱାଃତାଃ ସୋବେନ୍ ହୁଲାଙ୍ଗ୍ ସାନ୍ ଲାଗିନ୍ ଶାନ୍ତି ତାହିନା।

ୟୀଶୁ କେ ବିଶ୍ଵାସ୍ ତାନ୍ ସୋବେନ୍ ମିପିହୋଡ଼୍ କୋକେ ମିପିଆଃ ମୁକୁଟ୍ ଏମ୍ ଲାଗିନ୍ କିରିୟା କାଦାଏ। ଇନ୍‍କୁ ସୋବେନ୍ ହୁଲାଙ୍ଗ୍ ଲାଗିନ୍ ପାର୍ମେଶ୍ଵାର୍ ଲୋଃ ମେଶାତେ ରାଇଜ୍ ୟାକ। ଇନ୍‍କୁୱାଃତାଃ ଶାନ୍ତି ତାହିନୋଗା।

ମେନ୍ଦୋ ପାର୍ମେଶ୍ଵାର୍ ଏନ୍ ସୋବେନ୍ କୋଆଃ ବିଚାର୍ ଏୟାଏ ଅକନ୍ କୋ ୟୀଶୁ ଚେତାନ୍ ରେ କାକୋ ବିଶ୍ଵାସ୍ ତାନା। ଇନିଃ ଇନ୍‍କୁକେ ନାରାକ୍ ଡୋଡାରେ ଉୟୁଃ ତାଆଏ। ଏନ୍ତାଃରେ ଇନ୍‍କୁ ରାଆୟାକୋ ହାର୍ ଆକୋୱାଃ ଡାଟାକୋକେ ହାବେୟାକୋ, ହାର୍ ଇନ୍‍କୁ ସୋବେନ୍ ହୁଲାଙ୍ଗ୍ ହାସୁରେ ତାଇନାକୋ। ଚିଉଲା କା ଇଣିଜୋଃ ସେଙ୍ଗେଲ୍ ରେ ଇନ୍‍କୁ ଲାଗାତାର୍ ଯୁଲ୍ କାତେୟଗାକୋ,ହାର୍ ତିଜୁ ଇନ୍‍କୁକେ ଯୋମ୍ ଲାଗିନ୍ ଚିଉଲାଅଗି କାକୋ ବାନ୍ଦ୍ ଏୟା।

ଚିମ୍ତା ୟୀଶୁ ହିଜୁଃଗାଏ,ଦୋ ଇନିଃ ସୋବେନ୍ ଲେକାତେ ସାଏତାନ୍ କେ ହାର୍ ଇନିଜାଃ ରାଇଜ୍ କେ ନାଷ୍ଟ ତାଆଏ।ଇନିଃ ସାଏତାନ୍ କେ ନାରାକ୍ ଡୋଡାରେ ଉୟୁଃ ତାଆଏ। ଏନ୍ତାଃରେ ସୋବେନ୍ ହୁଲାଙ୍ଗ୍ ଲାଗିନ୍ତେ ଯୁଲ୍ କାତେଅଗାଏ, ଏନ୍ ସୋବେନ୍ କୋଲୋଃ ଅକନ୍ କୋ ପାର୍ମେଶ୍ଵାର୍ ରାଃ କାଜିକୋକେ ମାନାତିଙ୍ଗ୍ ୟାକ ମେନ୍ଦୋ ସାଏତାନ୍ ରାଃ ତାୟୋମ୍-ତାୟୋମ୍ ସେସେନ୍ ଲାଗିନ୍ ଶାଲା କେୟାକୋ।

ଚିୟାଃଚି ଆଦାମ୍ ହାର୍ ହାୱା ପାର୍ମେଶ୍ଵାର୍ ରାଃ ଆନାଚୁକେ କାକିନ୍ ମାନାତିଙ୍ଗ୍ ଜାନା ହାର୍ ପାପ୍ କେ ନେ ଅତେଦିଶୁମ୍ ରେ ଆଉ ଲେଦାକିନ୍ ପାର୍ମେଶ୍ଵାର୍ ଇନ୍ କିନ୍ କେ ଆଭିସାପ୍ ଏମ୍ ତାଦାଏ ହାର୍ ଇନ୍ କିନ୍ କେ ନାଷ୍ଟ ଲାଗିନ୍ ପାହୋମ୍ କେଦାଏ। ମେନ୍ଦୋ ଚିଉଲା ଅଗି ପାର୍ମେଶ୍ଵାର୍ ମିୟାଃ ନାୱାଃ ସିର୍ମାଦିଶୁମ୍ ହାର୍ ମିୟାଃ ଅତେଦିଶୁମ୍ ବାଇୟାଃଏ ଅକନାଃ ପୁରାଃ ସିଧ୍ ହୋବାୱାଃ।

ୟୀଶୁ ହାର୍ ଆଜାଃ ହୋଡ଼ୋକୋ ଏନ୍ ନାୱାଃ ଦିଶୁମ୍ ରେ ତାଇନାକୋ, ହାର୍ ଇନ୍‍କୁ ସୋବେନ୍ ହୁଲାଙ୍ଗ୍ ଲାଗିନ୍ ସୋବେନ୍ ତେୟାଃରେ ରାଇଜ୍ ୟାକ। ଏନ୍ ହୋଡ଼ୋକୋୱାଃ ମେଃଏ ଦାଆକୋକେ ଜୋଃଅ ତାଆଏ। ନାଆ ଜେତାଏ ୟଗି ହାସୁ ୟାଦ ଦୁକୁ କା ହୋବାଃଅୱାଃ। ଇନ୍‍କୁ କାକୋ ରାଆୟାଃ। ଇନ୍‍କୁକେ ବେମାର୍ କା ହୋବାଃଅୱାଃ ହାର୍ କାକୋ ଗୋଯୋଗା। ଏନ୍ତାଃରେ ଯେତେନାଃ ଏତକାନ୍ କାମି କା ହୋବାଃଅୱାଃ। ୟୀଶୁ ଆଜାଃ ରାଇଜ୍ ରେ ବିଚାର୍ ଲେକାନିଃ, ହାର୍ ଶାନ୍ତିଲୋଃ ରାଇଜ୍ ଏୟାଏ। ଇନିଃ ସୋବେନ୍ ହୁଲାଙ୍ଗ୍ ସାନ୍ ଆଜାଃ ହୋଡ଼ୋକୋଲୋଃ ଗାତିରେ ତାଇନାଏ।