49. ୪୯. ପାର୍ମେଶ୍ଵାର୍ ରାଃ ନାୱାନିୟାମ୍

ମିୟାଃ ସିର୍ମାଦାସୀ ମିୟାଃ ଦିଣ୍ଡାକୁଡ଼ି କୁଡ଼ି ମାରିୟାମ୍ କେ କାଜିକିଜାଏ ଚି ଇନିଃ ରାଃ କୋଡ଼ାହୋନ୍ କେ ଜାନାମିୟାଏ। ଇନିଃ ନାଆ ଦିଣ୍ଡା ତାଇକେନାଏ,ମେନ୍ଦୋ ପାବିତାର୍ ଆତ୍ମା ଇନିଜାଃ ନାଡ଼େଏ ହିଜୁଃ ଲେନାଏ ହାର୍ ଇନିଃ ହୋଡ୍ମୋ ଜାନାଏ। ଇନିଃ ମିୟାଃ କୋଡ଼ାହୋନ୍ କେ ଜାନାମ୍ କିଜାଏ ଅକନିଃଜାଃ ନୁତୁମ୍ ୟୀଶୁ ମାଣ୍ଡାଅ କେଦାଏ। ଏନାଲାଗିନ୍, ୟୀଶୁ ପାର୍ମେଶ୍ଵାର୍ ହାର୍ ହୋଡ଼୍ ବାରାକିନ୍ ତାନ୍ କିନ୍।

ୟୀଶୁ ଥିମ୍ବାଗି ଆକ୍ ଦାନ୍ଦାଅ କାମିକୋ କେଦାଏ ଅକନାଃ ନେଲ୍ ତାନାଲେ ଚି ଇନିଃ ପାର୍ମେଶ୍ଵାର୍ ତାନିଃ। ଇନିଃ ଦାଆ ଚେତାନ୍ ରେ ସେନ୍ କେଦାଏ ହାର୍ ମାରାଙ୍ଗ୍ ହୟକୋକେ ହାପା ତାଦାଏ। ଇନିଃ ଥିମ୍ବା ବିମାର୍ ହୋଡ଼ୋକୋକେ ଚାଙ୍ଗାଇ କେଦାଏ ହାର୍ ଥିମ୍ବାଗି ହୋଡ଼ୋକୋତେ ବୋଙ୍ଗାଆତ୍ମା କୋକେ ଅଡୋଙ୍ଗ୍ କେଦାଏ। ଇନିଃ ଗୋଜାକାନ୍ କୋକେ ଜିହିଃ ତାଦାଏ, ହାର୍ଡ଼ ଇନିଃ ପାଞ୍ଚ୍ ହୋଲୋଙ୍ଗ୍ ହାର୍ ବାରିୟାଃ ହାକୁ କେ ୫୦୦୦ ହୋଡ଼ୋକୋକେ ଖିୟାଅ ଲାଗିନ୍ ଯୋଜୋମାଃ ଏମ୍ କେଦାଏ।

ୟୀଶୁ ମିୟାଃ ମାହାନ୍ ସିଖାଅ ନିଃ ତାଇକେନାଏ। ଅକନାଃ ଇନିଃ ସିଖାଅ କେଦାଏ, ଇନିଃ ସାଫାମୋନ୍ ତେ ସିଖାଅ କେଦାଏ। ଅକନାଃ ଇନିଃ ହୋଡ଼ୋକୋକେ ରିକା ଲାଗିନ୍ କାଜିୟାଏ ଏନା ଇନ୍‍କୁକେ ରିକା ମେନାଃ ଚିୟାଃଚି ଇନିଃ ପାର୍ମେଶ୍ଵାର୍ ରାଃ ହୋନ୍ ତାନିଃ। ଉଦାହାରାନ୍ ଲାଗିନ୍, ଇନିଃ ସିଖାଅ କେଦାଏ ଚି ଆପେକେ ଏଟାଃ ହୋଡ଼ୋକୋକେ ଏନ୍ ଲେକାଗି ଦୁଲାଡ଼୍ ମାଣ୍ଡାଅ ମେନାଃ ଜେଲେକା ଆମ୍ ଆପାନ୍ କେ ଦୁଲାଡ଼୍ ୟାମ୍।

ଇନିଃ ନେୟାଅଗି ସିଖାଅ କେଦାଏ ଚି ଆପେକେ ସୋବେନ୍ ଜିନିଷ୍ କୋଏତେ ହାର୍ ଆପେୟା ଟାକାସମ୍ପାତି କୋଏତେ ଥିମ୍ବା ପାର୍ମେଶ୍ଵାର୍ କେ ଦୁଲାଡ଼୍ ରିକାଏପେ।

ୟୀଶୁ କାଜିକେଦାଏ ଚି ଅତେଦିଶୁମ୍ ରେ ଯେତେନାଃ ଅଗି ନାମେ ଲାଗିନ୍ ଥିମ୍ବା ବୁଗିନ୍ ତାନାଃ ପାର୍ମେଶ୍ଵାର୍ ରାଃ ରାଇଜ୍ ରେ ହୋବାଃଅ ତେୟାଃ। ଇନିଜାଃ ରାଇଜ୍ ରେ ଆପେୟାଃ ବୋଲୋଲାଗିନ୍ ଜାଲେକାତେ ମେନାଃ ଚି ପାର୍ମେଶ୍ଵାର୍ ଆପେକେ ଆପେୟାଃ ପାପ୍ କୋତେ ବାଞ୍ଚାଅ ଏୟାଏ।

ୟୀଶୁ କାଜିକେଦାଏ ଚି ଚିମିନ୍ ହୋଡ଼୍ କୋ ଇନିଃକେ ଗ୍ରାହାନ୍ ଇୟାକୋ। ପାର୍ମେଶ୍ଵାର୍ ଏନ୍ ହୋଡ଼୍ କୋକେ ବାଞ୍ଚାଅ କୋଆଃଏ। ମେନ୍ଦୋ ଏଟାଃ ହୋଡ଼ୋକୋ ଇନିଃକେ କାକୋ ଗ୍ରାହାନ୍ ଇୟା। ଇନିଃ ନେୟାଅଗି କାଜିକେଦାଏ ଚି ଚିମିନ୍ ହୋଡ଼ୋକୋ ବୁଗିନ୍ ଅତେରାଃ ଲେକା ମେନାକୋଆ, ଚିୟାଃଚି ଇନ୍‍କୁ ୟୀଶୁରାଃ ବିଷାଏରେ ସୁସାମାଚାର୍ କୋ ମାନାତିଙ୍ଗ୍ କେୟାକୋ। ହାର୍ ପାର୍ମେଶ୍ଵାର୍ ଇନ୍ କେ ବାଞ୍ଚାଅ କୋୱାଏ। ମେନ୍ଦୋ ଚିମିନ୍ ହୋଡ଼ୋକୋ ହୋରାଗେନା ରାଃ କେଟେଃ ଦିରିଲେକା ତାନ୍ କୋ। ପାର୍ମେଶ୍ଵାର୍ ରାଃ ବାଚାନ୍ ଜାଙ୍ଗ୍ ଲେକା ହୋରାଗେନାରେ ଉୟୁଗଗା, ମେନ୍ଦୋ ଏନ୍ତାଃରେ ଯେତେନାଃ ଅଗି କା ହାରାୱାଃ। ନିକୁ ୟୀଶୁ ବିଷାଏରେ ଦୋ ବାଚାନ୍ କେ କାକୋ ମାନାତିଙ୍ଗ୍ ଏୟା। ଇନ୍‍କୁ ଆଜାଃ ରାଇଜ୍ ରେ ବୋଲୋ କାକୋ ଧାଡ଼ିୟା।

ୟୀଶୁ ଶିଖାଅୟାଏ ଚି ପାର୍ମେଶ୍ଵାର୍ ପାପିକୋକେ ଥିମ୍ବାଗି ଦୁଲାଡ଼୍ ଏୟାଏ, ଇନିଃ ଇନ୍‍କୁକେ ଛାମା ସାନାଙ୍ଗ୍ ତାନାଏ ହାର୍ ଇନ୍‍କୁକେ ଆଜାଃ ସାନ୍ତାନ୍ ବାଇ ସାନାଙ୍ଗ୍ ତାନାଏ।

ୟୀଶୁ ନେୟାଅଗି ଉଦୁବ୍ କେଦାଏ ଚି ପାର୍ମେଶ୍ଵାର୍ ପାପ୍ କେ ହିଲାଙ୍ଗ୍ ଏୟାଏ। ଚିୟାଃଚି ଆଦାମ୍ ହାର୍ ହାୱା ପାପ୍ ଲାଆକିନ୍, ଏନାଲାଗିନ୍ ଇନିଜାଃ ସୋବେନ୍ କିଲିରେନ୍ କୋ ପାପ୍ କାଦାକୋ। ନେ ଦିଶୁମ୍ ରେ ତାଇନ୍ ତାନ୍ କୋ ପାପ୍ ତାନାକୋ ହାର୍ ପାର୍ମେଶ୍ଵାର୍ ତେ ସାଙ୍ଗିନ୍ ରେ ମେନାକୋଆ। ସୋବେନ୍ କୋ ପାର୍ମେଶ୍ଵାର୍ ରାଃ ବାଇରୀ ବାଇ କାନାକୋ।

ମେନ୍ଦୋ ପାର୍ମେଶ୍ଵାର୍ ନେ ଅତେଦିଶୁମ୍ ରେ ତାଇନ୍ତାନ୍ ସୋବେନ୍ କୋକେ ନେ ଲେକାତେ ଦୁଲାଡ଼୍ ମାଣ୍ଡାଅ କେଦାଏ ଚି ଇନିଃ ଆଜାଃ ମିୟାଃଗି ହୋନ୍ କେ ଏମ୍ ତାଦାଏ ଏନାତେ ପାର୍ମେଶ୍ଵାର୍ ଇନ୍‍କୁକେ ଦାଣ୍ଡ୍ କାଏ ଏମେୟା ଅକନ୍ କୋ ଆଜାଃରେ ବିଶ୍ଵାସ୍ ତାନାକୋ। ନେୟାରାଃ ବାଦ୍ଲାରେ, ଇନ୍‍କୁ ଆଜାଃଲୋଃ ସୋବେନ୍ ହୁଲାଙ୍ଗ୍ ସାନ୍ତେ ତାଇନାକୋ।

ଆମ୍ ଗୋଜୋଃ ଲେକା ତାଇକେନାମ୍, ଚିୟାଃଚି ଆମ୍ ପାପ୍ ଲାଆମ୍। ଆମାଃ ଚେତାନ୍ ରେ ପାର୍ମେଶ୍ଵାର୍ ରାଃ ଖିସ୍ ତେୟାଃ ବୁଗିନ୍ ଗି ତାଇକେନା, ନେୟାରାଃ ବାଦ୍ଲିରେ, ୟୀଶୁ ଚେତାନ୍ ରେ ଖିସ୍ ଜାନାଏ। ଇନିଃ ୟୀଶୁକେ କ୍ରୁଶ୍ ଚେତାନ୍ ରେ ଗୋଏଃକେତେ ଦାଣ୍ଡ୍ ଏମ୍ କିଜାଏ।

ୟୀଶୁ ଚିଉଲା ହଁଗି କାଏ ପାପ୍ ଲାଆ, ମେନ୍ଦୋ ଇନିଃ ପାର୍ମେଶ୍ଵାର୍ କେ ଇନିଃକେ ଦାଣ୍ଡ୍ ଏମ୍ କିଜାଏ। ଇନିଃ ଗୋଜୋଃତେୟାଃ କେ ସାନାଙ୍ଗ୍ କେଦାଏ। ନେ ଲେକାତେ, ଆପେୟା ପାପ୍ କୋକେ ହାର୍ ନେ ଦିଶୁମ୍ ରେ ତାଇନ୍ ତାନ୍ ସୋବେନ୍ କୋୱାଃ ପାପ୍ କୋକେ ଦୁପିଲ୍ ଇଦିଲାଗିନ୍ ଇନିଃ ମିୟାଃ ତାଇୟାର୍ କାନ୍ ଦାଣେ ତାଇକେନାଏ। ୟୀଶୁ ଆପାନ୍ କେ ପାର୍ମେଶ୍ଵାର୍ ଲାଗିନ୍ ଦାଣେ ତାଦାଏ,ଏନା ଲାଗିନ୍ ପାର୍ମେଶ୍ଵାର୍ ଚିମିନ୍ ପାପ୍ କୋକେ ୟଗି,ନେତାଃ ସାନ୍ତେ ଚି ମାପାରାଙ୍ଗ୍ ପାପ୍ କୋକେୟଗି ଛାମା ତାଆଏ।

ବୁଗିନ୍ ଗି ତାନାଃ ଆଗାର୍ ଆମ୍ ଥିମ୍ବାଗି ବୁଗିନ୍ କାମିକୋ-କାମି ତାନାମ୍,ଦୋ ନେୟା ଲାଗିନ୍ ପାର୍ମେଶ୍ଵାର୍ ଆମ୍ କେ କାଏ ବାଚାଅମା। ଇନିଜାଃ ଗାତି ବାଇଏନ୍ ଲାଗିନ୍ ନେକା ଯେତେନାଃ ଅଗି ବାନୋଗା ଅକନାଃ ଆମ୍ ରିକାଧାଡ଼ି ୟାମ୍। ନେୟାରା ବାଦ୍ଲିରେ, ଆପେକେ ବିଶ୍ଵାସ୍ ରିକାରେନ୍ ମେନାଃ ଚି ୟୀଶୁ ପାର୍ମେଶ୍ଵାର୍ ହୋନ୍ ତାନିଃ, ହାର୍ ଇନିଃ ଆପେୟାଃ ବାଦ୍ଲାରେ କ୍ରୁଶ୍ ରେ ଗୋଏଃ ଜାନାଏ, ହାର୍ ନେୟାଃ ଅଗି ଚି ପାର୍ମେଶ୍ଵାର୍ ଇନିଃକେ ଆଡୋଃମିସା ଜିବିରିଃ କିଜାଏ। ଆଗାର୍ ଆମ୍ ନିଇ ଗାଃରେ ବିଶ୍ଵାସ୍ ୟାପେ, ଦୋ ପାର୍ମେଶ୍ଵାର୍ ଆପେୟା ପାପ୍ କୋକେ ଛାମା ତାଆଏ

ପାର୍ମେଶ୍ଵାର୍ ଏନ୍ ସୋବେନ୍ ମିୟାଃହୋଡ଼୍ କେ ବାଞ୍ଚାଅ ୟାଏ ଅକନିଃଇ ୟୀଶୁରେ ବିଶ୍ଵାସ୍ ତାନାଏ ହାର୍ ଇନିଃକେ ଆପାନାଃ ପ୍ରାଭୂମେନ୍ତେ ମାନାତିଙ୍ଗ୍ ତାନାଏ। ମେନ୍ଦୋ ଇନିଃ ଇନ୍‍କୁକେ କାଏ ବାଞ୍ଚାଅ ୟାଏ ଅକନ୍ କୋ ଇନିଜାଃରେ କାକୋ ବିଶ୍ଵାସ୍ ତାନା। ନେୟାରେ ଯେତେନାଃ ବାନୋଗା ଚି ଆମ୍ ଧାନୀ ୟାଦ ଗାରିବ୍ ତାନମେ, କୋଡ଼ା ୟାଦ କୁଡ଼ି, ହାଡ଼ାମ୍ ୟାଦ ଜାୱାନ୍ ୟାଦ ଆମ୍ ଅକତାଃରେ ତାୟୋତାନାମ୍। ପାର୍ମେଶ୍ଵାର୍ ଆମ୍ କେ ଦୁଲାଡ଼୍ ମେତାନାଏ ହାର୍ ସାନାଙ୍ଗ୍ ମେତାନାଏ ଚି ଆମ୍ ୟୀଶୁରେ ବିଶ୍ଵାସ୍ ଏମ୍ ଚି ଇନିଃ ଆମାଃ ଗାତି ବାଇକେନୋଗାଏ।

ୟୀଶୁ ଆପେକେ ଆକାଅ ତାନାଏ ଚି ଇନିଜାଃରେ ବିଶ୍ଵାସ୍ ଏପେ ହାର୍ ବାପ୍ତିସ୍ମା ଇଦିକେପେ। ଚିନାଃ ଆପେ ବିଶ୍ଵାସ୍ ତାନାପେ ଚି ପାର୍ମେଶ୍ଵାର୍ ମିୟାଃଗି ହୋନ୍, ୟୀଶୁ ମାସୀହ୍ ତାନିଃ? ଚିନାଃ ଆପେ ବିଶ୍ଵାସ୍ ତାନାପେ ଚି ଆପେ ପାପି ତାନ୍ ପେ ହାର୍ ନେୟା ତାନାଃ ଚି ଆପେ ପାର୍ମେଶ୍ଵାର୍ ରାଃ ହୋରାତେ ଆପେକେ ଦାଣ୍ଡ୍ ନାମେଲେକା ତାଇକେନାପେ? ଚିନିଃ ଆପେ ବିଶ୍ଵାସ୍ ତାନାପେ ଚି ଆପେୟାଃ ପାପ୍ କୋକେ ମେଟାଅ ଲାଗିନ୍ ୟୀଶୁ କ୍ରୁଶ୍ ଚେତାନ୍ ରେ ଗୋଏଃ ଜାନାଏ ?

ଆଗାର୍ ଆମ୍ ୟୀଶୁରେ ହାର୍ ଅକନାଃ ଆମାଃ ଲାଗିନ୍ ରିକାକାଦାଏ ଇନିଃଜାରେ ଆମ୍ ବିଶ୍ଵାସ୍ ତାନାମ୍ ଦୋ ଆମ୍ ମିୟାଃ ମାସୀହ୍ ତାନ୍ ମେ। ସାଏତାନ୍ ଆଜାଃ ନୁବାଃରାଃ ରାଇଜ୍ ରେ ନାଆ ଆମାଃରେ ରାଇଜ୍ କାଏ ଧାଡ଼ିୟା। ନାଆ ପାର୍ମେଶ୍ଵାର୍ ଆଜାଃ ମାସ୍କାଲ୍ ରାଃ ରାଇଜ୍ ରେ ଆମାଃରେ ରାଇଜ୍ ତାନାଏ। ଇନିଃ ଆମ୍ କେ ପାପ୍ ରିକାଲାଗିନ୍ ହୋକା ତାଦାଏ,ଅକନାଃ ଆମ୍ ରିକାତିନାମ୍। ଇନିଃ ଆମ୍ କେ ମିୟାଃ ନାୱାଃ ବୁଗିନ୍ ଜୀଦାନ୍ ଏମ୍ କାଦାଏ।

ଆଗାର୍ ଆମ୍ ମିୟାଃ ମାସୀହ୍ ତାନ୍ ମେ ଦୋ ଅକନାଃ ୟୀଶୁ ରିକାକାଦାଏ ଇନିଜାଃ କାରାନ୍ ପାର୍ମେଶ୍ଵାର୍ ଆମାଃ ପାପ୍ କୋକେ ଛାମା କାଦାଏ। ନାଆ,ପାର୍ମେଶ୍ଵାର୍ ବାଇରୀ କାଏ ବାଇକେତେ ଆମ୍ କେ ମିୟାଃ ନାଡ଼େଏଗାତି ମାନାତିଙ୍ଗ୍ ତାନାଏ।

ଆଗାର୍ ଆମ୍ ପାର୍ମେଶ୍ଵାର୍ ରାଃ ଗାତି ତାନ୍ମେ ହାର୍ ପ୍ରାଭୂ ୟୀଶୁ ରାଃ ଚେଲା ତାନ୍ମେ ଦୋ ଆମ୍ ଏନ୍ କାଜିକୋକେ ମାନାତିଙ୍ଗ୍ ଲାଗିନ୍ ସାନାଙ୍ଗ୍ ୟାମ୍ ଅକନାଃ ୟୀଶୁ ଆମ୍ କେ ସିଖାଅ ୟାଏ। ବୁଗିନ୍ ଚି ଆମ୍ ମାସୀହ୍ ତାନ୍ ମେ, ସାଏତାନ୍ ନାଆଅଗି ପାପ୍ ରିକାଲାଗିନ୍ ଆମାଃ ପାରିକ୍ସା ରିକାୟାଏ। ମେନ୍ଦୋ ପାର୍ମେଶ୍ଵାର୍ ସୋବେନ୍ ଇମ୍ତା ଏନା ରିକାୟାଏ ଅକନାଃ ଇନିଃ କାଜିୟାଏ ଏନା ରିକାୟାଏ। ଇନିଃ କାଜିୟାଏ ଆଗାର୍ ଆମ୍ ଆମାଃ ପାପ୍ କୋକେ ମାନାତିଙ୍ଗ୍ ୟାଃମ୍,ଦୋ ଇନିଃ ଆମ୍ କେ ଛାମା ତାଆଏ। ଇନିଃ ଆମ୍ କେ ପାପ୍ ଲୋଃ ଲାଡ଼ାଇ ଲାଗିନ୍ ପେଡ଼େଏ ଏମାମେୟାଏ।

ପାର୍ମେଶ୍ଵାର୍ ଆମ୍ କେ ବିନ୍ତି ଲାଗିନ୍ ହାର୍ ଇନିଜାଃ ବାଚାନ୍ କେ ପାଢ଼ାଅନ୍ ଲାଗିନ୍ କାଜିଆଏ। ଇନିଃ ଆମ୍ କେ ଏଟାଃ ବିଶ୍ଵାସୀ କୋଲୋଃ ମେଶାକେତେ ଇନିଜାଃ ଆରାଧାନା ଲାଗିନ୍ ୟଗି କାଜିୟାଏ। ଆମ୍ କେ ଏଟାଃ ହୋଡ଼ୋକୋକେ ୟଗି ଉଦୁବ୍ ମେନାଗା ଚି ଇନିଃ ଆପେୟାଃ ଲାଗିନ୍ ଚିନାଃ ରିକାଲେଦାଏ। ଆଗାର୍ ଆମ୍ ନେ ସୋବେନ୍ କାମିକୋ- କାମିୟାପେ,ଦୋ ଆମ୍ ଇନିଜାଃ ମିୟାଃ ପୋକ୍ତାଗାତି ବାଇକେନୋଗାପେ।