16. ଛୋଡ଼ାବାନା ବାଲା
Listen to this story Audio file · 8.1 MB
The words of this recording are below, in Kisan.
ୟହୋସୁସ୍ ଘି ଖୁନା ଘି ବାଦେ ଇସ୍ରାଏଲିର୍ ଜାମାର୍ ପରମେଶ୍ୱରସ୍ ଘି ଆଜ୍ଞାବୋନ୍ ମା’ ମାନ୍ଚାର୍ । ହୁବ୍ଡ଼ାର୍ ପାରମେଶ୍ୱରସ୍ ଘି ନିୟମ୍ ଗୁଠିବୋନ୍ ମା’ ମାନ୍ଚାର୍ । ଆରୁ ହୁ ଶପଥ୍ ଘି ରାଜିନୁ ବାଛ୍ରକା ଚାରୁ କାନାନିଆଁ ରିନ୍ ବାହାରି ମା ଅଥୋରିୟାର୍ । ଇସ୍ରାଏଲି ଗୁଠିର୍ ନିଜର୍ ସାଚ୍ଚା ପାରମେଶ୍ୱରସ୍, ୟହୋବା ସିନ୍ ଆମ୍ବି କିରି କାନାନିର୍ ଘି ଦେବତ ଗୁଠିର୍ ଘି ପୂଜା କାମାଗେ ସୁରୁ କାମ୍ଚେଚାର୍ । ଇସ୍ରାଏଲି ର୍ ଘି ଚାହାଁନୁ ନେର୍ ଭି ରାଜା ମା’ ରାଚାର୍ । ଇଦ୍ ଘି ଲାଗାନ୍ ନେର୍ ଏସ୍କେ ସାହି ଲାଗ୍ଗିୟାଦ୍ ହୁବ୍ଡ଼ାର୍ ହୁ ବୋନ୍ କାମ୍ଚାର୍ ।
ପାରମେଶ୍ୱରସ୍ ଘି ଆଜ୍ଞାବୋନ୍ ମା ମାନ୍ନା ଘି ଲାଗାନ୍ ଇସ୍ରାଏଲ୍ ଗୁଠିର୍ ଅଣ୍ଟା ନିୟମ୍ ବୋନ୍ ସୁରୁ କାମ୍ଚେର୍ଚିଚ୍ଚାର୍ କା ହୁବୋନ୍ କେତ୍କୋ ଥର୍ ଦୋହୋରା କେର୍କି ଚା । ଇ ନିୟମ ଇ ଲେଖାନୁ ଚାଲରାଦ୍ କିଛି ବଛର୍ ତୋକ୍ ଇସ୍ରାଏଲିର୍ ପାରମେଶ୍ୱରସ୍ ଘି ଆଜ୍ଞା ବୋନ୍ ମା ମାନ୍ଚାର୍, ବାକେନ୍ ହୁସ୍ ହୁବ୍ଡ଼ାର୍ ଘି ଦୁଶ୍ମାନିର୍ ଗୁଠିର୍ ନ୍ତିନ୍ ହାରାବାନାଗେ ଲାଗାନ୍ ଦଣ୍ଡିତ୍ କାମଚାର୍ । ଇ ଶତ୍ରୁର୍ ଇସ୍ରାଏଲିର୍ ଘି ସ୍ତିନ୍ ହୁବ୍ଡ଼ାର୍ ଘି ଜିନିଷ ଗୁଠିନ୍ ଲୁଟାର୍ ହୋର୍, ହୁବ୍ଡ଼ାର୍ ଘି ଧାନ୍ନୁ ଗୁଠିବୋନ୍ ନାସ୍ କାମୋର୍ ଚୋର୍, ଆରୁ ହୁବ୍ଡ଼ର୍ ସ୍ତିନ୍ ସେ ଜୁକ୍କୁ ରିନ୍ ପିଟୋ ଚୋର୍ । ଫିର୍ ଆରୁ ଇସ୍ରାଏଲ୍ ଗୁଠିର୍ ଘି ଶତ୍ରୁ ଜାମାର୍ ହୁବ୍ଡ଼ାର୍ ଘି ମିୟାଁ ଇୟୋଁ ବରଷ୍ ତୋକ୍ ତଡ଼୍ପା ବୋର୍ , ହୁଦ୍ଘି ବାଦେ ନୁଁ ଇସ୍ରାଏଲର୍ ନିଜର୍ ପାପ୍ ଗୁଠି ବୋନ୍ ପାଛ୍ତାରୋର୍ ଆରୁ ପାରମେଶ୍ୱର ସ୍ତିନ୍ ହୁବ୍ଡ଼ାରିନ୍ ବାଛାବା ଗେ ଲାଗାନ୍ ପ୍ରାର୍ଥନା (ବିନ୍ତି ) କାମୋର୍ ।
ସବୁ ବାକେନ୍ ଇସ୍ରାଏଲିର୍ ପାଛ୍ତାରୋର୍ ହାଲେ ପାରମେଶ୍ୱରସ୍ ହୁବ୍ଡ଼ାରିନ୍ ବାଚାବୋସ୍ । ହୁସ୍ ଅଣ୍ଟା ଛୁଡ଼ାବାନା ବାଲାସ୍ ଘି ଚାଲ୍ତେ ଏନ୍ନେ କାମୋସ୍ ଅଣ୍ଟା ଏନ୍ନେ ଆଲାସ୍ ଯେବୋନ୍ ହୁବ୍ଡ଼ର୍ ଘି ଶତ୍ରୁ ଗୁଠିର୍ ଘି ବିରଧ୍ ନୁ ଲାଡ଼ୋସ୍ ଆରୁ ହୁବ୍ଡ଼ାରିନ୍ ହାରାବୋସ୍ ବାକେନ୍ ରାଜିଦ୍ ଶାନ୍ତି ମାନୋଦ୍ ଆରୁ ହୁ ଛାଡ଼ାବାନା ବାଲାସ୍ ହୁବ୍ଡ଼ାର୍ ଘି ମିୟାଁ ବାନେ ଲେଖାନୁ ଶାସନ୍ କାମୋସ୍ ।ପାରମେଶ୍ୱରସ୍ ହୁ ଆଲାରିନ୍ ବାଚାବାଗେ ଲାଗାନ୍ ଜୁକ୍କୁ ଲେଖା ଛୁଡ଼ାବାନାରିନ୍ ତାଇୟାସ୍ । ପାରମେଶ୍ୱରସ୍ ଘି ଚାହାଁନ୍ତି ଅଣ୍ଟା ଶତ୍ରୁ ଜାତିର୍ , ମିଦିୟାନିୟାଁ ଗୁଠିର୍ ଘି ଚାଲାତେ ଇସ୍ରାଏଲ୍ରିନ୍ ହାରାବାଗେ କାମ୍ନା ଘି ଲାଗାନ୍ ଆରୁ ଫିର୍ ଏନ୍ନେ କାମ୍ଚାସ୍ ।
ମିଦିୟାନିୟାର୍ ଗୁଠିର୍ ସାତ୍ ବରଷ୍ ତୋକ୍ ଇସ୍ରାଏଲିର୍ ଘି ଧାନ୍ନୁବୋନ୍ ଲୁଟ୍ଟାର୍ । ଇସ୍ରାଏଲିର୍ ଆଲାର୍ ମୁରୁକ୍ ଏଲ୍ଚିୟାର୍ କେର୍କାଚାର୍, ଆରୁ ହୁବ୍ଡ଼ାର୍ ଗୁମ୍ଫା ଗୁଠିନୁ ନୁହୁଁରା କେରାର୍ ଏନ୍ଦେର୍ ଗେ କା ମିଦ୍ୟାନି ଆଲାର୍ ହୁବ୍ଡ଼ାରିନ୍ ବେଦ୍ଦା ଗେ ପୋଲ୍ଲୋର୍, ଆଖିର୍ , ହୁବ୍ଡ଼ାରିନ୍ ବାଛାବାନାଗେ ଲାଗାନ୍ ହୁବ୍ଡ଼ାର୍ ପାରମେଶ୍ୱରସିନ୍ ୟାଦ୍ କାମ୍ଚାର୍ ।
ଗିଦୋମ୍ ନାମେ ଅଣ୍ଟା ଇସ୍ରାଏଲି ଆଲାସ୍ ରାଚାସ୍ । ଅଣ୍ଟା ଉଲ୍ଲାନୁ ହୁସ୍ ଅଣ୍ଟା ଶୁନ୍ଶାନ୍ ଜାଗାନୁଁ ଗହମ୍ ବୋନ୍ ହେତ୍ତାଲାସ୍ ଏନ୍ଦେର୍ଗେ କା ମିଦ୍ୟାନି ଆଲାର୍ ହୁବୋନ୍ ହାଡ଼ାଗେ ପଲ୍ନାର୍ । ୟହୋବାସ୍ ଘି ସରଗ୍ଦୂତ୍ ଗିଦନ୍ସ୍ ଘି ଚାହାଁନୁ ବାର୍ଚାସ୍ ଆରୁ ହୁସିନ୍ ତେଂଗିୟାସ୍ ହେ ସାହସ୍ କାମନା ବାଲା ୟଧ୍ୟାୟୋ, ପାରମେଶ୍ୱରସ୍ ନିଘାଁ ସାଙ୍ଗେନୁ ଆତ୍ଲ୍ ଦାସ୍ । କାଲା ଆରୁ ଇସ୍ରାଏଲ୍ ଗୁଠିରିନ୍ ମିଦ୍ୟାନିୟୋଁ ସ୍ତିନ୍ ବାଚାବା ।
ଗିଦୋନ୍ସ୍ ଘି ତାମ୍ବାସ୍ ଘି ଚାହାଁନୁ ମୁର୍ତ୍ତି ସ୍ଥାପନ୍ କାମାଗେ ଅଣ୍ଟା ବେଦି ରାଚାଦ୍ ।ସାବସେ ପାହିଲା କତ୍ଥାନୁ ଯେ ବୋନ୍ ପାରମେଶ୍ୱରସ୍ ଗିଦୋନ୍ ସିନ୍ କାମ୍ନା ଘି ଲାଗାନ୍ ତେଙ୍ଗିୟାସ୍ ହୁସ୍ ହୁ ବେଦିବୋନ୍ ହୋଟ୍ଟନା ରାଚାଦ୍ । ଲେକିନ୍ ଗିଦୋନସ୍ ଆଲାରିନ୍ ଏଲ୍ଚାଲାସ୍, ଇ ବାକେନ୍ ହୁସ୍ ମାହାଁ ମାନ୍ନା ଘି ତାକ୍ତୋକ୍ ନୁଁ ରାଚାସ୍ । ଇ ବାକେନ୍ ହୁ ବେଦି ବୋନ୍ ହୋଟ୍ଟା କିରି ଟୁକୁଡ଼ା ଟୁକୁଡ଼ା କାମ୍ଚେଚାସ୍ । ହୁସ୍ ପାରମେଶ୍ୱରସ୍ ଲାଗାନ୍ ଅଣ୍ଟା ପୁନ୍ନା ବେଦି ବୋନ୍ ବାନାବାଚାସ୍ ଆରୁ ହୁଦ୍ଘି ମିୟାଁ ପାରମେଶଚୱରସ୍ ଘି ଲାଗାନ୍ ବାଳି ଚାଢ଼ାବାଚାସ୍ ।
ଆଘ୍ଲି ପାଇରି ବାକେନ୍ ଆଲାର୍ ଏରିୟାର୍ କା ନେର୍ ବେଦି ବୋନ୍ ହୋଟ୍ଟୀ କିରି ଖଣ୍-ଖଣ୍ କାମ୍କେଚିଚ୍କାନାର୍, ଇ ବାକେନ୍ ହୁବ୍ଡ଼ାର୍ ମୁରୁଖ୍ ଖିସରାର୍ କେରାର୍ । ହୁବ୍ଡାର ଗିଦୋନ୍ ସିନ୍ ପିଟାଗେ ଲାଗାନ୍ ହୁସ୍ ଘି ଏଡ଼୍ପା ଗେ କେରାର୍, ଲେକିନ୍ ଗିଦୋନସ୍ ଘି ତାମ୍ବାସ୍ ତେଙ୍ଗିୟାସ୍,“ ନିମ୍ ଏନ୍ଦେର୍ ଗେ ନିଜର୍ ଦେବତା ଘି ସାହାୟାତା କାମାଗେ ଲାଗାନ୍ କୋଶିସ୍ କାମ୍ଲଦାର୍ ? ଆଗର ହୁଦ୍ ଦେବତାଦ୍ ହାଲେ ହୁଦ୍ ନିଜର୍ ସହାୟତା ଖୁଦ୍ ବୋନ୍ କାମାଗେ ଚିୟା !” ଏନ୍ଦେର୍ ଗେ ହୁସ୍ ଏନ୍ନେ ତେଂଗିୟାସ୍ ବାକେନ୍ ଆଲାର୍ ଗୁଠିର୍ ଗିଦୋସିନ୍ ମା ଡେମଚାର୍ ।
ବାକେନ୍ ଇସ୍ରାଏଲି ଗୁଠିରିନ୍ ଲୁଟାଗେ ମିଦ୍ୟାନି ଆଲାର୍ ଫିର୍ ସେ ବାର୍ଚାର୍ । ହୁବ୍ଡ଼ାର୍ ଏତ୍କୋ ଜୁକ୍କୁ ରାଚାରକା ହୁବ୍ଡ଼ାର୍ ଘି ଗିନା ଗେ ଭି ପଲ୍ନାର୍ । ଗିଦୋନ୍ସ୍ ହୁବ୍ଡ଼ାର୍ ଘି ବିରୋଧ ନୁଁ ଲାଡ଼ାଗେ ଲାଗାନ୍ ଇସ୍ରାଏଲ୍ରିନ୍ ଅନଠାଣ୍ ସାନ୍ ମେହିୟାସ୍ । ଗିଦୋନ୍ସ୍ ପାରମେଶ୍ୱରସ୍ ସ୍ତିନ୍ ଜୋଡ଼େ ଚିହ୍ନା ନିଚାସ୍ ଏନ୍ଦେର୍ ଗେ କା ହୁସ୍ ଗେ ବିଶ୍ୱାସ୍ ମାନୋକଦ୍ କା ପାରମେଶ୍ୱରସ୍ ସଥେନ୍ ହିଁ ହୁ ଇସ୍ରାଏଲ୍ରିନ୍ ବାଛାବାଗେ ତେଙ୍ଗାଲାସ୍ ।
ପାହିଲା ଚିହ୍ନା ଘି ଲାଗାନ୍, ଗିଦୋନ୍ସ୍ ଭେଡ଼ି ଘି ଚୁଟ୍ଟି ବୋନ୍ ଏହେଁଲାନୁ ଉଇୟା କିରି ପାରମେଶ୍ୱରସ୍ ସିନ୍ ତେଙ୍ଗିୟାସ୍ କା ପାଇରିନ୍ ନ୍ତା ଅସ୍ ଭେଡ଼ି ଘି ଚୁଟ୍ଟି ନୁ ଖାଲି ଖାତ୍ରୋଦ୍ ଆରୁ ଏହେଁଲାନୁଁ ମା’ ଖାତ୍ରୋଦ୍ । ପାରମେଶ୍ୱରସ୍ ଏନ୍ନେ ହି କାମ୍ଚାସ୍, ଆଘ୍ଲି ମାହାଁନୁ ହୁସ୍ ପାରମେଶ୍ୱରସ୍ ସିନ୍ ତେଙ୍ଗିୟାସ୍ କା ଏହେଁଲାଦ୍ ହେନା ମାନୋକୋଦ୍ ଲେକିନ୍ ଭେଡ଼ି ଘି ଚୁଟ୍ଟି ହାଇକା ରୋଦ୍ । ପାରମେଶ୍ୱରସ୍ ଏନ୍ନେହି କାମ୍ଚାସ୍ । ଇ ଜୋଡ଼େ ଚିହ୍ନା ଘି କାରଣ ନୁ, ଗିଦୋନ୍ସ୍ ବିଶ୍ୱାସ୍ କାମ୍ଚାସ୍ କା ପାରମେଶ୍ୱରସ୍ ସଥେନ୍ନୁ ଚାହାଲ୍ ଦାସ୍ କା ହୁସ୍ ଇସ୍ରାଏଲରିନ୍ ମିଦ୍ୟାନିୟାଁ ସ୍ତିନ୍ ବାଛାବାଦାସ୍ ।
ବାକେନ୍ ଗିଦୋନ୍ ସେନା ଜାମାରିନ୍ ନିଜର୍ ଚାହାଁନୁ ମେହିୟାସ୍ ଆରୁ ୩୨,୦୦୦ ଆଲାର୍ ବାର୍ଚାର୍ । ଲେକିନ୍ ପାରମେଶ୍ୱରସ୍ ହୁସିନ୍ ତେଙ୍ଗିୟାସ୍ କା ଇବ୍ଡ଼ାର୍ ଜୁକ୍କୁ ମାନ୍ଚାର୍ । ଗିଦୋନ୍ସ୍ ହୁ ଜାମା ୨୨,୦୦୦ ରିନ୍ ଏଡ଼ାପାଗେ କିରତେ ଚାସ୍ ନେର୍ ଲାଢ଼ା ଗେ ଏଲ୍ଚାଲାର୍ । ପାରମେଶ୍ୱରସ୍ ଗିଦୋନ୍ ସିନ୍ ତେଙ୍ଗିୟାସ୍ କା ଇବଡାର୍ ଆଲାର୍ ଆଙ୍କୁନ୍ ତୋକ୍ ଭି ଜୁକ୍କୁ ଆତ୍ଲନାର । ଇ ବାକେନ୍ ଗିଦୋନ୍ସ୍ ୩୦୦ ସେନାରିନ୍ ଆମ୍ବିକିରି ଜାମାରିନ୍ ଏଡ଼ପା ତାଇୟେଚାସ୍ ।
ହୁ ମାହାଁନୁଁ ପାରମେଶ୍ୱରସ୍ ଗିଦୋନ୍ ସିନ୍ ତେଙ୍ଗିୟାସ୍,“ ମିଦ୍ୟାନିୟୋର୍ ଘି ଡେରା ଗେ କାଲା ଆରୁ ହୁବ୍ଡ଼ାର୍ ଘି କାତଥା କାମ୍ନା ବୋନ୍ ମେନା । ଯେ ବାକେନ୍ ନିନ୍ ମେନ୍କେ ଏନ୍ଦେର୍ କାତ୍ଥା କାମାଲାର୍ ତା ନିନ୍ ହୁବ୍ଡ଼ାର୍ ଘି ମିୟାଁ ହାମ୍ଲା କାମାଗେ ମା ଏଲ୍ଚୋଏ । “ ବାକେନ୍ ହୁ ମାହାଁ ନୁଁ, ଗିଦୋନ୍ କିୟାଁ ହୁବ୍ଡ଼ାର୍ ଘି ଡେରା ଗେ କେରାସ୍ ଆରୁ ହୁବ୍ଡ଼ାର୍ ଘି ଅଣ୍ଟା ମିଦ୍ୟାନି ସେନାସ୍ ନିଜର୍ ସାଙ୍ଗେ ସିନ୍ ଇ କାତ୍ଥା ବୋନ୍ ତେଙ୍ଗନା ବାକେନ୍ ମେନ୍ଚାସ୍ କା ହୁସ୍ ସପନ୍ ନୁଁ ଏର୍କାଚାସ୍ । ହୁ ଆଲାସ୍ ଘି ସାଙ୍ଗେସ୍ ତେଙ୍ଗିୟାସ୍, ଇ ସପନ୍ ଘି ମାନେ ଗିଦୋନ୍ସ୍ ଘି ସେନା ଏମ୍ହାଁ ମିଦ୍ୟାନି ସେନା ବୋନ୍ ହାରାବୋର୍ ଚୋର୍ ।” ହୁ ବାକେନ୍ ଗିଦୋନ୍ସ୍ ଇ ବୋନ୍ ମେନ୍ଚାସ୍ ତା ହୁସ୍ ପାରମେଶ୍ୱରସ୍ ଘି ଆରାଧାନା କାମ୍ଚାସ୍ ।
ଇ ବାକେନ୍ ଗିଦୋନ୍ ନିଜର୍ ସେନାର୍ ଘି ଚାହାଁନୁ କିରିୟାସ୍ ଆରୁ ହୁବ୍ଡ଼ାରିନ୍ ଅଣ୍ଟା –ଅଣ୍ଟା ଉର୍ନା ବାଲା ତୋହଣେ ଅଣ୍ଟା ହାଜ୍ଜୁନ୍ତା ଗିନା, ଆରୁ ଅଣ୍ଟା ଚିଚ୍ଚୁ ଧାର୍ନା ମିଶାଲ୍ ଚିଚ୍ଚାସ୍ । ହୁବ୍ଡ଼ାର୍ ହୁ ଡ଼େରା ବୋନ୍ ଘେର୍ଚାର୍ ଏକାସାନ୍ ହୁବଡା ମିଦ୍ୟାନ୍ ସେନାର୍ ହାନ୍ଦ୍ରଲାର୍ । ଗିଦୋନ୍ସ୍ ଘି ୩୦୦ ସେନାର୍ ନିଜର୍ ଚିଚ୍ଚୁ ଧାର୍ନା ମିଶାଲ୍ ଗୁଠିଦ୍ ଗିନା ସ୍ତିନ୍ ଢାପ୍ରକା ରାଚାଦ୍ ବାକେନ୍ ମିଦ୍ୟାନି ଆଲାର୍ ହୁ ମିଶାଲ୍ ଘି ବିଲ୍ଲିବୋନ୍ ଏରାଗେ ପଲ୍ଲ୍ଲାର୍ ।
ବାକେନ୍ ଗିଦୋନ୍ସ୍ ଘି ଜାମା ସେନା ଗୁଠିର୍ ନିଜର୍ ଗିନା ଗୁଠିନ୍ ଅଣ୍ଟା ସମୟ ନୁ ହୋଟ୍ଟା କିରି ଆଚାନାକ୍ ନୁ ମିଶାଲ୍ ଘି ଚିଚ୍ଚୁ ବୋନ୍ ଜାଲାବା ଚିଚ୍ଚାର୍ । ହୁବ୍ଡ଼ାର୍ ନିଜର୍ ତୁହୁଣେ ବୋନ୍ ଉରାର୍ ଆରୁ ଚିର୍ରାରାଚାର୍,“ ୟହୋବାସ୍ ଘି ଆରୁ ଗିଦୋନ୍ସ୍ ଘି ତାଲ୍ୱାର୍ ।”
ପାରମେଶ୍ୱରସ୍ ମିଦୟାନିର୍ରିନ୍ ଘାବରାବାଚିଚ୍ଚାର୍, ଇ ବାକେନ୍ ହୁବ୍ଡ଼ାର୍ ଏକ୍ ଦୁସ୍ରେ ନୁଁ ହାଣା – ହାଣି ମାନ୍ଚାର୍ । ହୁ ବାକେନ୍ ହି , ଗିଦୋନ୍ ହୁବ୍ଡ଼ାର୍ ସନ୍ଦେଶ୍ ଚିନାରିନ୍ ଜୁକ୍କୁ ଦୁସ୍ରା ଇସ୍ରାଏଲରିନ୍ ମିଦ୍ୟାନିରିନ୍ ଘି ପିଛା କାମାଗେ ଲାଗାନ୍ ହୁବ୍ଡ଼ାର୍ ଘି ସାହାୟତା କାମଗେ ଲାଗାନ୍ ,ମେହାଁ ତାଇୟାସ୍ ।ହୁସ୍ ହୁନ୍ନୁ ସ୍ତିନ୍ ଜୁକ୍କୁରିନ୍ ପିଟ୍ଟେଚାସ୍ ଆରୁ ବାକିରିନ୍ ପିଛା କାମିକିରି ହୁବ୍ଡ଼ାରିନ୍ ଇସ୍ରାଏଲ ରାଜିସ୍ତିନ୍ ବାହାରି ଅଥ୍ରେଇ ଚିଚ୍ଚାର୍ । ହୁ ଉଲ୍ଲା ନୁ ୧,୨୦,୦୦୦ ମିଦ୍ୟାନି କେଚ୍ରାର୍ କେରାର୍ । ଇ ଲେଖାନୁ ପାରମେଶ୍ୱରସ୍ ଇସ୍ରାଏଲରିନ୍ ବାଛା ବାଚାସ୍ ।
ଇ ଆଲାର୍ ଗିଦୋନ୍ ସିନ୍ ନିଜର୍ ରାଜା (ମୁଖିଆ) ବାନାବାଗେ ଚାହାଲାର୍, ଲେକିନ୍ ଗିଦୋନ୍ସ୍ ହୁବ୍ଡ଼ାରିନ୍ ଏନ୍ନେ କାମାଗେ ମା ଚିଚ୍ଚାସ୍, ଲେକିନ୍ ହୁସ୍ ହୁବ୍ଡ଼ାରିନ୍ ହୁ ସୋନା ଘି ଆତନା ଗୁଠିନ୍ ବୋନ୍ ନିଚାସ୍ ହୁ ସ୍ତିନ୍ ସେ ଜାମା ମିଦ୍ୟାନିର୍ ସ୍ତିନ୍ ଲୁଟ୍କାଚାର୍ । ହୁବ୍ଡ଼ାର୍ ଆଲାର୍ ଜୁକ୍କୁ ଲେଖାନୁ ଗିଦୋନ୍ ଗେ ସୋନା ଚିଚ୍ଚାର୍ ।
ଇ ବାକେନ୍ ଗିଦୋନ୍ ହୁ ସୋନାସ୍ତିନ୍ ଅଣ୍ଟା ବାନେ ଚିଢ଼ା ବାନା ବାଚାସ୍ ଜେ କା ମୁଖିଆ ଜାମାର୍ ଆତ୍ତାଲାର୍ । ଲେକିନ୍ ଆଲାର୍ ଗୁଠିର୍ ହୁଦ୍ଘି ପୂଜା କାମାଗେ ଲାଗାନ୍ ଶୁରୁ କାମ୍ଚେଚ୍ଚାର୍ କା ହୁଦ୍ ଅଣ୍ଟା ମୂର୍ତ୍ତିଦ୍ । ବାକେନ୍ ପାରମେଶ୍ୱରସ୍ ଆରୁ ହି ଇସ୍ରାଏଲରିନ୍ ଦଣ୍ଡ ଚିଚ୍ଚାସ୍ ଏନ୍ଦେର ଗେ କା ହୁବ୍ଡ଼ାର୍ ମୂର୍ତ୍ତି ଘି ପୂଜା କାମ୍ଚାର୍ । ପାରମେଶ୍ୱରସ୍ ହୁବ୍ଡ଼ାର୍ ଘି ଶତ୍ରୁ ଗୁଠିର୍ ଘି ହୁବ୍ଡ଼ାରିନ୍ ହାରାବାଗେ ଲାଗାନ୍ କାବିଲ୍ ବାନାବାଚାସ୍ ଆଖିର୍ନୁ ହୁବ୍ଡ଼ାର୍ ଆରୁ ହି ପାରମେଶ୍ୱରସିନ୍ ମଦେତ୍ କାମାଗେ ଲାଗାନ୍ ବିନ୍ତି କାମ୍ଚାର୍ । ଆରୁ ପାରମେଶ୍ୱରସ୍ ହୁବ୍ଡ଼ାର୍ ଘି ଚାହାଁନୁ ହୁବ୍ଡ଼ାରିନ୍ ବାଛା ବାଗେ ଲାଗାନ୍ ଅଣ୍ଟା ଦୁସ୍ରା ଛୁଡ଼ାବାନା ବାଲା ସିନ୍ ତାଇୟାସ୍ ।
ଇ କାତ୍ଥା ବୋଦ୍ କେତ୍କୋ ଥର୍ ଘଟରାଦ୍, ଇସ୍ରାଏଲି ଆଲାର୍ ପାପ୍ କାମୋର୍, ପାରମେଶ୍ୱରସ୍ ହୁବ୍ଡ଼ାରିନ୍ ଦଣ୍ଡ୍ ଚୋସ୍, ହୁବ୍ଡ଼ାର୍ ପାଛତାରୋର୍, ଆରୁ ପାରମେଶ୍ୱରସ୍ ହୁବ୍ଡ଼ାରିନ୍ ଛୁଡ଼ାବାଗେ ଲାଗାନ୍ ନେଖିରିନ୍ ଭି ତାଇୟାସ୍ । କେତ୍କୋ ବରଷ୍ ତୋକ୍, ପାରମେଶ୍ୱରସ୍ ଜୁକ୍କୁ ଗୁଠିରିନ୍ ଛୁଡ଼ାବାନା ବାଲାରିନ୍ ତାଇୟାସ୍ ଯେ କା ଇସ୍ରାଏଲି ଗୁଠିରିନ୍ ହୁବ୍ଡ଼ାର୍ ଘି ଶତ୍ରୁ ଗୁଠିର୍ ସ୍ତିନ୍ ବାଚାବାଚାସ୍ ।
ଆଖିର୍ନୁ, ହୁ ଆଲାର୍ ଗୁଠିର୍ ଦୁସ୍ରା ରାଜି ଘି ଲେଖାନୁ ପାରମେଶ୍ୱରସ୍ ସ୍ତିନ୍ ନିଜର୍ ଲାଗାନ୍ ଅଣ୍ଟା ମୁଖିଆ ନିଚାର୍ । ହୁବ୍ଡ଼ାର୍ ଅଣ୍ଟା ଏନ୍ନେ ମୁଖିଆ ସିନ୍ ଚାହାଲାର୍ ଯେ ହୁସ୍ ଲାମ୍ବା ଆରୁ ତାଗ୍ଡ଼ା ରୋସ୍, ଆରୁ ହୁସ୍ ଲାଢ଼େଇ ନୁ ହୁବ୍ଡ଼ାର୍ ଘି ଆଗୁଆ ମାନସ୍ ଅଙ୍ଗୋସ୍ । ପାରମେଶ୍ୱରସ୍ ଇ ଅନୁରୋଧ ବୋନ୍ ପସନ୍ଦ୍ ମା ନାଚାସ୍, ଲେକିନ୍ ହୁସ୍ ହୁବ୍ଡ଼ାରିନ୍ ହୋନ୍ନେ ଲେଖା ମୁଖିଆ ବୋନ୍ ଚିଚ୍ଚାସ୍ ଯେ ଲେଖାନୁଁ ହୁବ୍ଡ଼ାର୍ ଗୁଠିର୍ ନିଚ୍କାଚାର୍ ।
न्यायियों अध्याय 1-3; 6-8; 1 शमूएल 1-10 से एक बाइबल की कहानी
Free to use, adapt, and share under an open license (CC BY-SA 4.0).