19. ଭବିଷ୍ୟତବକ୍ତା

ପାରମେଶ୍ୱରସ୍ ଜାମା ବାକେନ୍ ଇସ୍ରାଏଲର ଘି ଚାହାନୁ ଭବିଷ୍ୟ ବକ୍ତା ଗୁଠିରିନ୍ ରାଚାସ୍ । ଭବିଷ୍ୟବକ୍ତା ପାରମେଶ୍ୱରସ୍ ସ୍ତିନ୍ ସାନ୍ଦେସ୍ ବୋନ୍ ବୋନ୍ ମେନାଲାର୍ ଆରୁ ଫିର୍ ହୁବୋନ୍ ଆଲାରିନ୍ ଆଲାର୍ ।

ଯେବାକେନ୍ ଆହାବ୍ ଇସ୍ରାଏଲ ରାଜି ମିଆଁ ରାଜା ରାଚାସ୍ ହୁ ସମୟନୁ ଏଲିହା ଭବିଷ୍ୟବକ୍ତା ରାଚାସ୍ । ଅହାବ୍ ଅଣ୍ଟା ଖାରାପ୍ ଆଲ୍ ରାଚାସ୍ । ହୁସ୍ ଝୁଠା ବାକ୍ ଦେବତା ଘି ଉପାସନା କାମ୍‌ତାଗେ ଆଲାରିନ୍ ମାଜ୍‌ବୁର କାମ୍‌ଚ୍‌କାଚାସ୍ । ଇଦ୍‌ଘି ଲାଗାନ୍ ଏଲିହା ଆଅହାବ୍‌ସିନ୍ ତେଙ୍ଗିୟାସ୍ କା ପାରମେଶ୍ୱର ହୁ ଆଲାରିନ୍ ଗୁଠି ଦଣ୍ଡ ଚିୟାଗେ କାଲ ଦାସ ।ହୁସ୍ ହୁସିନ୍ ତେଙ୍ଗିୟାସ୍,“ ଯେତ୍‌କୋ ତୋକ୍ ଏନ୍ ଫିର୍ ଆରୁ ଚେପୁ ମାନାଗେ ମା’ ତେଙ୍ଗାନ୍ ହତ୍‌କୋ ତୋକ୍ ଇସ୍ରାଏଲ ଘି ରାଜିନୁ ଚେପୁ ମା’ ମାନୀ ଆରୁ ମା’ ହିଁ ଓସ୍ ଖାତ୍‌ରି । “ ଇ କାତ୍‌ଥାଦ୍ ଆହାବ୍‌ସ୍ ଗେ ଏତ୍‌କ୍ ଖୀସା ରାସ୍ ହୁସ୍ ଏଲିହା ସିନ୍ ପିଟାଗେ ତିଆରି କାମ୍‌ଚାସ୍ ।

ଇଦ୍ ଘି ଲାଗାନ୍ ପାରମେଶ୍ୱରସ୍ ଏଲିହାସିନ୍ ତେଙ୍ଗିୟାସ୍ କା ହୁସ୍ ଜଙ୍ଗଲ ନୁ କାଇକିରି ଆହାବ୍ ସ୍ତିନ୍ ନୁହୁରା କାଲା । ଏଲିହା ଜଙ୍ଗଲ ଘି ହୁ ଝାରନା ଘି ଚାହାଁ କେରାସ୍ ଏକାସାନ୍ କାଲାଗେ ପାରମେଶ୍ୱରସ୍ ହୁସିନ୍ ତେଙ୍କାଚାସ୍ । ରୋଜ ପାଇରି ଆରୁ ଆଡ଼ତି ବିଡ଼ି ଅଡ଼ାଦ୍ ଏଲିହାସ୍ ଗେ ଆସ୍‌ମା ଆରୁଁ ଆହାଷା ଅନ୍ଦରି କିରି ବାରାଲାଦ୍ । ଇ ପୁରା ସମୟ, ଆହାବ ଆରୁଁ ହୁସ୍ ଘି ସେନାସ୍ ଏଲିହା ସିନ୍ ବେଦ୍ ତେ ରାଚାର୍ , ଲେକିନ୍ ହୁବ୍ଡ଼ାର୍ ହୁସିନ୍ । ହାକ୍‌ଖିୟାର୍ ।

ଚେପୁ ମା’ବାର୍‌ନା ଘି କିଛି ସମୟ ଘି ବାନ୍ଦେନୁ ହୁ ଝାରନା ହାଇୟା କେରା । ଇଦ୍ ଘି ଲାଗାନ୍ ଏଲିହାସ୍ ଘି ଚାହାଁନ୍ତା ଅଣ୍ଟା ରାଜି ଗେ ବୁଙ୍ଗାସ୍ ଚିଚାସ୍ । ହୁ ରାଜିନୁ ଅଣ୍ଟା ଗରିବ ବିଧୁ ଆଦ୍ ରାଚାଦ୍ ହୁଦ୍‌ଘି ଅଣ୍ଟା କୁକ୍‌କୋ ହାଦ୍ଦୁ ରାଆଚାସ୍ । ହୁଦ୍ ଘି ଚାହାଁନୁ ଅନ୍ନାଗେ ଲାଗାଭାଗ୍ ମୁଞ୍ଚରା କେର୍‌କିଚା ଏନ୍ଦେର୍ ଗେକା ହୁସାନ୍ ଏନ୍ଦେର ହି ଚାଷ୍ ମ’ ମାନ୍‌କିଚା । ଲେକିନ୍ ଫିର୍ ଭି ହୁ ଆଲିଦ୍ ଏଲିହାସ୍ ଘି ଦେଖ୍ଭାଲ୍ କାମ୍‌ଚା, ଇଦ୍ ଘି ଲାଗାନ୍ ପାରମେଶ୍ୱରସ୍ ହୁଦ୍ ଘି ଆରୁଁ ହୁଦ୍ ଘି ଜରୁରି ଗେନ୍ ପୁରା କାମ୍‌ଚାସ୍, ଇ କାରଣସ୍ତିନ୍ ହୁଦ୍ ଘି ଆଟା ଘି ଥାଡ଼ି ଆରୁଁ ହୁଦ୍ ଘି ଇସୁନ ଘି ଡବାନ୍ ତା ଏକା ବାକେନ୍ ହି ଖାଲି ମାନ୍‌ଚାଦ୍ । ହୁ ପୁରା ଆକାଳ ତହିଁ ହୁଦ୍ ଘି ଚାହାଁନୁ ଆନ୍ନା ରାଚାଦ୍ । ଏଲିହା କିXଇ ବରଷ୍ ତୋକ୍ ହୁସାନ୍ ରାଚାସ୍ ।

ସାଢ଼େ ତିନ୍ ବରଷ ଘି ବାଦେନୁ ପାରମେଶ୍ୱରସ୍ ଏଲିହାସିନ୍ ତେଙ୍ଗିୟାସ୍ ହୁସ୍ ଫିର୍ ଚେପୁ ବାରୋଦ୍ । ହୁସ୍ ଏଲିହାସିନ୍ କର୍‌ରା କିରି ଇସ୍ରାଏଲ୍ ଘି ରାଜିନୁ କାଇକିରି ଆଭାବ୍ ସଘି ଚାହାଁ କେରାସ୍ । ଯେ ବାକେନ୍ ଆଭାବ୍‌ସ୍ ହୁସିନ୍ ଏରିୟାସ୍ ତା ହୁସିନ୍ , ତେଙ୍ଗିୟାସ୍, “ ଅହୋ ନିନ୍, ମୁସିବାଦ୍ ପଇଦା କାମ୍‌ନା ବାଲା ଏଲିହାସ୍ ଜବାବ୍ ଚିଚ୍‌ଚସ୍, “ ମୁସିବାଦ୍ ପାଇଦା କାମ୍‌ନା ବାଲାତା ନିନ୍ ! ଯହୋୱା ସିନ୍ ଆମ୍ବାକା ଚିଚ୍‌କା ଦାଏ । ହୁସ୍ ହି ସାଚ୍ଚା ପାରମେଶ୍ୱରସ୍, ଲେକିନ୍ ନିନ୍ ବାଲ୍ ଘି ଉପାସନା କାମ୍‌ଦାୟ । ଆକ୍‌କୁନ ନିଙ୍ଘା ଇସ୍ରାଏଲ ରାଜିସ୍ତା ଜାମା ଆଲାରିନ୍ ଗୁଠି କର୍ମେଳ ପାର୍ତ୍ତା ଚାହାନୁ ଅନ୍ଦ୍ରୋଏ ବାରୋଏ ।”

ଜାମା ଆଲାର୍ କର୍ମେଲ ପାର୍ତ୍ତା ଗେ କେରାର୍ । ହୁ ଆଲାସ୍ ବାର୍‌ଚାସ୍ ଆରୁ ତେଙ୍ଗାଲାର୍ କା ହୁବ୍‌ଡ଼ା ବାଲ ଘି ବାଚାନ୍ ବୋନ୍ ତେଙ୍ଗାନାର୍ । ଇବ୍‌ଡ଼ାର୍ ଘି ଭବିଷ୍ୟବକ୍ତା ରଚାସ୍ । ହୁବ୍‌ଡ଼ାର୍ ଜାମାର ୪୫୦ ରାଚାସ୍ । ଏଲିହାସ୍ ଆଲାରିନ୍ ତେଙ୍ଗିୟାସ୍ , “ କେତ୍‌କୋ ତୋକ୍ ନିମ୍ ନିଜର ମେନ୍‌ବୋନ୍ କିର୍‌ତର୍ ଉଇୟାର୍ ? ଲେକିନ୍ ଯହୋବା ପାରମେଶ୍ୱରସ୍ ରାଦାସ୍ ତା ହୁସ୍ କି ଆରାଧନା କାମା ଆଗାର ବାଳ ପାରମେଶ୍ୱରସ୍ ରାଦାସ୍ ତା ହୁସ୍ ଘି ଉପାସନା କାମା ।”

ବାକେନ୍ ଏଲିହାସ୍ ବାଲ ଘି ଭବିଷ୍ୟବକ୍ତା ଗୁଠିରିନ୍ ତେଙ୍ଗିୟାସ୍ ,“ ଅଣ୍ଟା ଅୟୁ ଘି କାମିକିରି ହୁଦ୍ ଘି ଆହାଡ଼ା ବୋନ୍ ବାଲିଦାନ୍ କମାଗେ ଅଣ୍ଟା ବେଦୀନୁ ଉଇୟା, ଲେକିନ୍ ଚିଚଦୁ ଆମ୍‌କେ ଲାଗବା । ହୁଦ୍‌ଘି ବାଦେନୁ ନ୍ ହୋନ୍ନେ କାମୋନ୍, ଆରୁ ଅଣ୍ଟା ଅଲ୍‌ଗା ବେଦୀନୁ ହୁ ଆହାଡ଼ା ବୋନ୍ ଉଇୟନ୍ । ଆଗାର ପାରମେଶ୍ୱରସ୍ ଘି ବେଦୀନୁ ଚିଚୁ ଖାତ୍‌ରାଲି ତା ନିମ୍ ଆଲାଗେ ଅଙ୍ଗର କା ହୁ ସଥେନ୍ ପାରମେଶ୍ୱରସ୍ ରାଦାସ୍ ।“ ବାକେନ୍ ବାଳ ଘି ଭବିଷ୍ୟବକ୍ତାର ଅଣ୍ଟା ବାଳିବୋନ୍ ତିଆରି କାମ୍‌ଚସ୍‌ର ଲେକିନ୍ ଚିଚ୍‌ଚୁମା’ ଲାଗାବାଚାର୍ ।

ବାକେନ୍ ଦେବତା ଘି ଭବିଷ୍ଯାବକ୍ତାର ଗୁଠିର ବାଳସିନ୍ ପ୍ରାର୍ଥନା କାମ୍‌ଚାର୍,“ ହେ ବାଲ୍, ଏମାହାଁ କାତ୍‌ଥା ମେନା ।” ପୁରା ଉଲ୍ଲା ହୁବ୍‌ଡ଼ାର୍ ପ୍ରାର୍ଥନା କାମ୍‌ଚର୍ ଆରୁ ଚିର୍‌ରାର୍ ଆରୁ ଏତ୍‌କୋ ତୋକ୍‌କା ଖୁଦ୍‌ରିନ୍ ଛୁରିସ୍ତିନ୍ ମୁର୍‌କାର ଚିଚ୍‌ଚାର୍, ଲେକିନ୍ ବାଳସ୍ ଜାବାବ୍ ମା’ ଚିଇଚାସ୍, ଆରୁଁ ହୁଳୁ ଏନ୍ଦେରି ଚିଚ୍‌ଚୁମା’ ଖାତ୍‌ରାଦ୍ ।

ବାଳ୍ ଭବିଷ୍ୟବକ୍ତାର୍ ବାଳସିନ୍ ପ୍ରାର୍ଥନା କାମାଗେ ଲଗ୍ଭାଗ୍ ପୁରା ଉଲ୍ଲା ବିତରା କେରାଦ୍ । ଆଖ୍‌ରିନୁ ହୁବ୍‌ଡ଼ାର୍ ପ୍ରାର୍ଥନା କାମ୍‌ନା ବନ୍ଧ କାମ୍‌ଚେଚାର୍ । ବାକେନ୍ ଏଲିହାସ୍, ଦୁସ୍‌ରା ଅୟୁ ଘି ଆହାଡ଼ାବୋନ୍ ପାରମେଶ୍ୱରସ୍ ଘି ବେଦୀ ମିଆଁ ଉଇୟାସ୍ । ହୁଦ୍ ଘି ବାଦେନୁ ହୁସ୍ ଆଲାରିନ୍ ଆମ୍ମୁ ଘି ବାଡ୍‌କା ଥାଡ଼ିନୁ ହୁ ବାଲିଦାନ୍ ମିଆଁ ଏତ୍‌କୋ ତୋକ୍‌କା ତୁନ୍ଦା ଗେ ତେଙ୍ଗିୟାସ୍ ଯେତେ କୋ ତୋକ୍‌କା ଆହାଡ଼ା, କାଙ୍କୁ ଗୁଠି, ଆରୁଁ ଏତ୍‌କୋ ତୋକ୍ କା ବେଦୀ ଘି ଆସ୍‌ପାସ୍ ଘି ଏହେଁଲା ପୁରାପୁରୀ ସ୍ତିନ୍ । ଗିଲ ମାନ୍ନା ତୋକ୍ ।

ବାକେନ୍ ଏଲିହାସ୍ ପ୍ରାର୍ଥନା କାମ୍‌ଚାସ୍,“ ହେ ୟେହୋୱା, ଆବ୍ରାହାମ୍, ଇସାହାକ୍, ଆରୁ ୟାକୁବସ୍ ଘି ପାରମେଶ୍ୱରସ୍ ଆରୁ ଏନ୍ ନିଙ୍ଘା ଦାସ୍ । ଏଙ୍ଗାନ୍ ଜାବାବ୍ ଇଦ୍ ଘି ଲାଗାନ୍ ଇବ୍‌ଡ଼ା ଆଲାର୍ ଆହାଗେ ଅଙ୍ଗର୍ କା ନିନ୍ ସାଚ୍ଚା ପାରମେଶ୍ୱରସ୍ ବୋଲି ।”

ଜାଲ୍‌ଦି ହିଁ, ଆକାଶ ସ୍ତିନ୍ ଖାତ୍‌ରା ଆରୁ ହୁସିନ୍ ଆହାଡ଼, କାଙ୍କୁ ଗୁଠି, ଚାଚା, ହାଜୁ ଆରୁ ଏତ୍‌କୋ ତୋକ୍ କା ବେଦୀ ଘି ଆସ୍ ପାସ୍ନ୍ତା ଆସୁ, ବୋନ୍ ଭି ଜାଲାରା କେରା . ଯେବାକେନ୍ ଆଲାର୍ ଇବ୍‌ନ୍ ଏରିୟାର୍, ହୁବ୍‌ଡ଼ାରଏ ହେଁଲାନୁ ଖାତ୍‌ରା ଆରୁ ତେଙ୍ଗିୟାର୍,“ ୟୋହୋବାହି ପାରମେଶ୍ୱରସ୍ ! ଯହୋୱାହିସ୍ ପାରମେଶ୍ୱରସ୍ ।”

ବାକେନ୍ ଏଲିହାସ୍ ତେଙ୍ଗିୟାସ୍,“ ବାଳ ଘି ଅଣ୍ଟା ହିଁ ଭବିଷ୍ୟବକ୍ତାର ବାଛ୍‌କିରି କାଲା ପଲ୍‌ନାର ଇଦ୍‌ଘି ଲାଗାନ୍ ଆଲର୍ ଗୁଠି ବାଳ ଘି ଭବିଷ୍ୟବକ୍ତା ଗୁଠିରିନ୍ ଧାରଚାର ଆରୁଁ ହୁବ୍ଡ଼ାରିନ୍ ପିଟାର ଚିଚାର୍ ।

ବାକେନ୍ ଏଲିହାସ୍ ଆହାବ୍ ରାଜାସିନ୍ ତେଙ୍ଗିୟାସ୍,“ ଜାଲ୍‌ଦି ନିଜର ଏଡ଼୍‌ପା ଗେ ବୁଙ୍ଗା କାଲା, ଏନ୍ଦେର ଗେକା ଚେପୁ ବାର୍‌ନା ରାଇଦ୍ ।” ହଲଦୀ ହି ବାଦ୍‌ଲ ଘାନା ମାନୋବୋଦ୍ ଆରୁଁ ମୁର୍‌ଖ ଚେପୁ ସୁରୁ ମାଞ୍ଚାକେରା । ୟହୋୱା ହୁ ହାଇକାବୋନ୍ ଖତମ୍ କାମାଲାସ୍ । ଇନ୍ନୁ ଜାହିର୍ ମାଞ୍ଚା କା ୟହୋୱାସିନ୍ ସାଚ୍ଚା ପାରମେଶ୍ୱରସ୍ ।

ଯେ ବାକେନ୍ ଏଲିହାସ୍ ନିଜର ନାଲକୁ ମୁଜିୟାସ୍ । ପାରମେଶ୍ୱରସ୍ ଏଲିସା ନାଆପେ ଘି ଅଣ୍ଟା ଆଲାସିନ୍ ନିଜର ଭବିଷ୍ୟବକ୍ତା ମାନାଗେ ଚାଦିୟାର୍ । ପାରମେଶ୍ୱରସ୍ ଏଲିସାସ୍ ଉପାୟନୁ ମୁରୁଖ ଚମତ୍‌କାର କାମ୍‌ଚସ୍ । ଅଣ୍ଟା ଚମତ୍‌କାର ନାମାନ୍‌ସି ସାଙ୍ଗେ ମାଞ୍ଚା । ହୁସ୍ ଅଣ୍ଟା ଶତ୍ରୁର୍ ଘି ସେନା ଘି ସରଦାର୍ ରାଚାସ୍, ଲେକିନ୍ ହୁସ୍ ଘି ଚାମଡ଼ା ଘି ଅଣ୍ଟା ଖରାପ୍ ବେମାର ମାଞ୍ଚା କେର୍‌କିଚା । ନାମାନ୍‌ସ୍ ଏଲିସାସ୍ ଘି ବାରେ ନୁ ମେଞ୍ଚଏକାଚାସ୍, ଇଦ୍ ଘି ଲାଗାନ୍ ହୁସ୍ ଏଲିସାନ୍ ଘି ଚାହାଁଗେ ବାର୍‌ଚାର୍ ଆରୁ ହୁସ୍ ହୁସିବାନେ କମାଗେ ହେକ୍‌ଖା ଯୋଡ଼୍‌ଚାସ୍ ଏଲିସାସ୍ ନାମାନ୍‌ସିନ୍ ତେଙ୍ଗିୟାସ୍ କାଲ । ୟରବୋନ୍ ଜୋଡ଼ୁ ଘି ଅମ୍ମୁନୁ ସାତ୍‌ଥର ଡୁବ୍‌କି ଲାଗାବା ।

ନାମାକସ୍ ଖିସାରାସ୍ କେରାସ୍ । ହୁସ୍ ଏନ୍ନେ କାମାଗେ ଇନ୍‌କାର କାମ୍‌ଚିଚାସ୍, ଏନ୍ଦେର ଗେ କା ହୁସିନ୍ ବୁଦ୍ଧିମାଲ୍‌କା ନାଲଖୁ ଲେଖା ଲାଗ୍‌ରିୟାଦ୍ ଲେକିନ୍ ପାଛ୍‌ଲି ହୁସି ନିଜର୍ ମୋନ୍ ବୋନ୍ ବଦ୍‌ଲାଚାସ୍ ଆରୁ କାଇକିରି ୟରଦନ ଜୋଡ଼ୁ ଘି ଆମ୍ମୁନୁ ସାତ୍ ଥର୍ ଡୁବ୍‌କୀ ଲାଗା ବାଚାସ୍ । ଯେବାକେ ଆଖ୍‌ରିନୁ ଆମୁନକ୍ତି ବାହାରି ଉର୍‌ଖିୟାସ୍‌ତା ପାରମେଶ୍ୱରସ୍ ହୁସିନ୍ ବାନେ କାମ୍‌ଚାକା ଚିଚ୍‌ଚାସ୍ ।

ପାରମେଶ୍ୱରସ୍ ଇସ୍ରାଏଲର ଆଲାର୍ ଘି ଚାହାଁନଦୁସ୍‌ରା ଜୁକୁନ୍‌ନ୍ତିନ୍ ଭବିଷ୍ୟବକ୍ତାରିନ୍ ତାଇୟାସ୍ । ହୁବ୍‌ଡ଼ା ଜାମାର୍ ଆଲାରିନ୍ ସ୍ତିନ୍ ମୁର୍‌ତି ଗୁଠି ଘି ଉପାସନା କାମାଗେ ବନ୍ଧ କାମାଗେ ତେଙ୍ଗିୟାର୍ । ଇଦ୍‌ଘି ମାନେ, ହୁବ୍‌ଡ଼ାର୍ ଏକ୍ ଦୁସ୍‌ରେ ସାଙ୍ଗେ ଶାନ୍ତି ପୂର୍ବକ ବ୍ୟବହାର କାମ୍‌ନା ରାଇଦ୍ ଆରୁ ଏକ୍ ଦୁସାରିନ୍ ଦୟା କାମ୍‌ନା ପାଡ୍ରୋ । ହୁ ଭବିଷ୍ୟବକ୍ତାସ୍‌ର୍ ଆଲାରିନ୍ ଚେତାବାନି ଚିଚ୍‌ଚାରକା ହୁବ୍‌ଡ଼ାର୍ ଖରାପ୍ ନାଲ୍‌ଖୁ କମାଗେ ବନ୍ଦ କାମ୍‌ନା ରାଇଦ୍ ଆରୁ ଇଦ୍ ଘି ଲାଗାନ୍ ପାରମେଶ୍ୱରସ୍ ଘି କାତ୍‌ଥା ପାଳନ୍ କାମ୍‌ନା ରାଇଦ୍ ଲେକିନ୍ ହୁବ୍‌ଡ଼ାର୍ ଆଲାର୍ ଏନ୍ନେ ମା’ କାମ୍‌ଚାର୍ ହାଲେ ପାରମେଶ୍ୱରସ୍ ହୁବ୍ଡ଼ାରିନ୍ ଦୋଷୀ ସାମ୍‌ଝିରାକିରି ହୁବ୍‌ଡ଼ାର୍ ଘି ବିଚାର୍ କାମସ୍, ଆରୁ ହୁବ୍‌ଡ଼ାରିନ୍ ଦଣ୍ଡ ସି ଚିୟାସ୍ ।

ବାଗେ ହି ସାମାୟନୁ, ହୁବ୍ଡ଼ାର୍ ଆଲାର୍ ପାରମେଶ୍ୱରସ୍ ଘି ହୁକୁମ୍ ପାଳନ ମା’ କାମ୍‌ଚାର୍ । ଲେକିନ୍ ହୁବ୍ଡ଼ାର୍ ସବୁବାକେନ୍ ଭବିଷ୍ୟବକ୍ତାର ଘି ସାଙ୍ଗେନୁ ଖରାପ ବ୍ୟବହାର କାମ୍‌ଚାର୍ ଆରୁଁ ଏତ୍‌କୋତୋକ୍ କା ଏକା ଏକା ବାକେନ୍ ହୁସିନ୍ ପିଟ୍‌ଟେ ଚାର୍ । ଆରୁ ଅହୋନ୍, ହୁବ୍‌ଡ଼ାର୍ ଇର୍‌ମିଆ ଭବିଷ୍ୟବକ୍ତାସିନ୍ ହାଇ କାତୁସାନୁ ଟଡ଼ାର୍ ଚିଚୋର୍ ଆରୁଁ ହୁସିନ୍ ହୁସାନ୍ ଖିୟାଗେ ଅମ୍ବିୟାର୍ ଚିଚାର୍ । ହୁ ତୁସା ଘି କିୟା କାଚ୍‌ଡ଼ାନୁ ଧାସ୍‌କରା କେରା । ବାକେନ୍ ରାଜାସ୍ କେ ହୁସ୍ କି ମିଆଁ ଦାୟା ବାର୍‌ଚା ଆରୁ ହୁସିନ୍ ନିଜର ସୈନିକିରି୍ ହୁକୁମ୍ ଚିଚ୍‌ଚାସ୍ କା ଇର୍‌ମିଆଁସ୍ ଘି ଖିନାଘି ଆଘ୍‌ଲି ହୁସିନ୍ ତୁସାନ୍‌ନ୍ତି ବାହାରି ଟାମା ଅନ୍ଦୋରା ।

ଭବିଷ୍ୟବକ୍ତାର୍ ପାରମେଶ୍ୱର ଘି ତାରତିନ୍ ତେଙ୍ଗାଗେ ଜାରି ଉଇୟାର୍ ଭାଲେ ହି ଆଲାର୍ ହୁସିନ୍ ନଫ୍‌ରାତ୍ କାମ୍‌ନାର । ହୁବ୍‌ଡ଼ାର୍ ଆଲାରିନ୍ ଚେତାବାନୀ ଚିଚ୍‌ଚାର୍ ଲେକିନ୍ ହୁବ୍‌ଡ଼ାର୍ ମା’ ପାଛ୍‌ତାରୋରର୍‌ହାଲେ ପାରମେଶ୍ୱରସ୍ ହୁବ୍ଡ଼ାରିନ୍ ନଷ୍ଟ କାମ୍‌ ଚିଇଚାସ୍ । ହୁବ୍‌ଡ଼ାର୍ ଆଲାରିନ୍ ଏନ୍ନେ ଭି ୟାଦ୍ ଜିଲାବାଚାର୍ କା ପାରମେଶ୍ୱରସ୍ ହୁସ୍ କି ଚାହାଁ ମାସିହ ସିନ୍ ତାଇୟାଗେ ସଚ୍‌କା ଦାସ୍ ।