20. ବାନ୍ଧ୍ୱାଇ ଆରୁ କିର୍ନାର
Listen to this story Audio file · 7.3 MB
The words of this recording are below, in Kisan.
ଇସ୍ରାଏଲ ରାଜି ଆରୁ ଇହୁଦା ରାଜି ଜୋଡ଼େର୍ ପାରମେଶ୍ୱରସ୍ ଘି ବିରୁଦ୍ଧନୁ ପାପ କାମଚାର୍ । ହୁବ୍ଡ଼ାର୍ ହୁ ଶପଥ ବୋନ୍ ତୋଡ଼େଚିଚାର୍ ଜେନ୍ ପାରମେଶ୍ୱରସ୍ ହୁବ୍ଡ଼ାର୍ ଗାନେ ସିନେ ନୁ ହିଚ୍କାଚାସ୍ । ପାରମେଶ୍ୱରସ୍ ହୁବଡାରିନ୍ ପାଛ୍ତାପ୍ କାମାଗେ ଆରୁ ଉସ୍ଘି ଆରାଧାନା କାମାଗେ ଚେତାବାନି ଚିୟାଗେ ନିଜର ଭବିଷ୍ୟବକ୍ତା ଗୁଠିରିନ୍ ତାଇୟାସ୍, ଲେକିନ୍ ହୁବ୍ଡ଼ାର୍ ହୁସ୍ଘି କାତ୍ଥା ବୋନ୍ ମେନାଗେ ଇନ୍କାର କାମ୍ଚାର ।
ଲେକିନ୍ ପାରମେଶ୍ୱରସ୍ ହୁବ୍ଡ଼ାର୍ ଘି ଦୁସ୍ମାନ୍ ଗୁଠିରିନ୍ ହୁବ୍ଡ଼ାର୍ ନାସ୍ କାମାଗେ ଲାଗାନ୍ କୋଶିଷ କାମ୍ଚକା ଘି ଚାଲ୍ତେ ଜୋଡ଼େ ରାଜିବୋନ୍ ଦଣ୍ଡିଦ୍ କାମ୍ଚାସ୍ । ଆଶୁର ଅନ୍ଟା ଦୁସରା ରାଜିନୁ ରାଚାର୍ ଜେନ୍ ବୋଦ୍ ମୁରୁକ୍ ଶକ୍ତିଶାଳୀ ମାନଚାର୍ କେର୍କାଚାର୍ । ହୁବ୍ଡ଼ାର୍ ଦୁସରା ରାଜି ଘି ପ୍ରତି ମୁରୁକ ନିର୍ଦ୍ଦେୟିର୍ ଭି ରାଚାର୍ । ହୁବ୍ଡ଼ାର୍ ବାରିକଗିରି ଇସ୍ରାଏଲ ରାଜିବୋନ୍ ନାଶ କାମଚେଚିଚାର୍ ଆଶୁର୍ ଗୁଠିର ବାରିକିରି ଇସ୍ରାଏଲ ରାଜିନୁ ଜୁକ୍କୁରିନ୍ ପିଟେଚାର୍ ଜେନଟା ସୋଚଚାର୍ ହୁବୋନ ଲୁଟ୍ଟାର୍ ଆରୁ ରାଜି ଘି କିଛି କିଛି ଭାଗ ବୋନ୍ ଜାଲାବାଚେଚାର୍ ।
ଆଶୁର ଗୁଠିର ଜାମା ଆଗୁଆର୍, ଧନୀ ଆଲାରିନ୍, ଆରୁ ଏନ୍ନେ ଆଲାରିନ୍ ନେର ମୂଲ୍ୟବାନ ଜିନିଷଗୁଠି କାମା ଅଙ୍ଗାଲ୍ଗାର ଅନ୍ଠାଣ୍ ସାନ ଜାମା କାମଚାର ଆରୁ ହୁସ୍ ହୁବ୍ଡ଼ାରିନ୍ ଆଶୁର ରାଜି ଗେ ଅଚାର କେରାର । ଇସ୍ରାଏଲ ନୁ ଖାଲି ଗରିବ ଇସ୍ରାଏଲିର୍ ହି ବାଛରାର୍ ।
ଆରୁ ଆଶୁରି ଆଲାର ହୁ ରାଜିନୁ ରାଗେ ଲାଗାନ୍ ପାର୍ଦେଶୀରିନ୍ ହୁଇ କିରି ବାରଚାର୍ । ହୁବ୍ଡ଼ା ପାରଦେଶୀର୍ ହୁ ପାଡ଼ା ବୋନ୍ ଆରୁ କାମ୍ଚାର୍ । ଇସ୍ରାଏଲୀର୍ ହୁସାନ ବାଛ୍ରକାଚାର୍ ହୁବ୍ଡ଼ାରିନ୍ ହୁବ୍ଡ଼ାର୍ ବେନ୍ଜରାର୍ । ଇବ୍ଡ଼ା ଆଲାର୍ ଘି ବାଉଁସାର ସାମରୀ ତେଙ୍ଗା କେରାଦ୍ ।
ୟୁହୁଦା ଘି ରାଜିନ୍ତା ଆଲ୍ଲାର୍ ଏରିଆର୍କା ପାରମେଶ୍ୱରସ୍ ହୁନ୍ନୁ ବିଶ୍ୱାସ ମା’ କାମନା ଆରୁ ହୁସ୍ଘି କାତ୍ଥା ବୋନ୍ ମା’ ମେନ୍ନା ଘି ଲାଗାନ୍ ଇସ୍ରାଏଲିର ଘି ରାଜିନ୍ତା ଆଲ୍ଗୁଠିରିନ୍ ଦଣ୍ଡିତ୍ କାମ୍ଚାସ୍ । ହାଲେ ହି ହୁବ୍ଡ଼ାର୍ କାନାନିୟାର୍ ଦେବତାଗୁଠିର ଘି ମୂର୍ତ୍ତିବୋନ୍ ଉପାସନା କାମ୍ଚାର୍ । ପାରମେଶ୍ୱରସ୍ ହୁବ୍ଡ଼ାରିନ୍ ଚେତାବନୀ ଚିୟାଗେ ଭବିଷ୍ୟବକ୍ତା ଗୁଠିରିନ୍ ତାୟାସ୍ । ଲେକିନ୍ ହୁବ୍ଡ଼ାର ମେନାଗେ ମାନା କାମ୍ଚେର୍ଚିଚାର୍ ।
ଲାଗଭାଗ୍ ୧୦୦ ବରଷ ଘି ବାଦ୍ ନୁ ଆଶୁରିୟୋରଗୁଠିର୍ ଇସ୍ରାଏଲ୍ ଘି ରାଜି ବୋନ୍ ନାଶ୍ କାମଚେରଚିଚାର୍, ପାରମେଶ୍ୱରସ୍ ବେବିଲୋନ୍ ଘି ରାଜା, ନବୁକଦନେତ୍ସର ଘି ଇହୁଦାନ୍ତା ରାଜିନୁ ହାମଲା କାମାଗେ ତାୟାସ୍ । ବେବିଲୋନ୍ ଅଣ୍ଟା ଶାକ୍ତିଶାଳୀ ରାଜି ରାଚ । ଇହୁଦାନ୍ତା ରାଜା ନବୁକଦନେତ୍ସର ଘି ଦାସ୍ ମାନ୍ନା ଆରୁ ସବୁ ବରଷ ହୁବୋନ୍ ଅନଜୁକ୍କୁ ଧାନ୍ନୁ ଭାରାଗେ ରାଜି ମାନ୍ଚାସ୍କେରାସ୍ ।
ଲେକିନ୍ କିଛି ବରଷ ଘି ପାଛ୍ଲି, ଇହୁଦାନ୍ତା ରାଜାସ୍ ବେବିଲୋନ୍ ଘି ବିରୁଦ୍ଧ ଲାଢ଼େଇ କାମଚାର୍ । ଲେକିନ୍ ବେବିଲୋନୀୟ ଗୁଠିର କିର୍ରିକିରି ଇହୁଦା ଘି ରାଜିବୋନ୍ ହାମ୍ଲା କାମ୍ଚାର୍ । ହୁବ୍ଡ଼ାର୍ ୟେରୁଶାଲେମ୍ ରାଜିବୋନ୍ କାବ୍ଜା କାମ୍ଚାର୍, ମନ୍ଦିରବୋନ୍ ନଷ୍ଟ କାମଚାର୍, ଆରୁ ପାଡ଼ା ଆରୁ ମନ୍ଦରି ତା ଖାଜାନା ଗୁଠିନ୍ ଲୁଟ୍ଟାର୍ ଅଚ୍ଚାର୍ କେରାର୍ ।
ଲାଢ଼େଇ କାମ୍ନା ଘି କାରଣ ଇହୁଦାନ୍ତା ରାଜାସିନ୍ ଦଣ୍ଡିତ କାମାଗେ, ନବୁକଦନେତ୍ସରନ୍ତା ସେନାର୍ ରାଜାସ୍ ଘି ହାଦ୍ଦୁ ସିନ୍ ହୁସଘି ଚାହାଁନୁ ପିଟ୍ଟାର୍ ଆରୁ ହୁସିନ୍ କାଣା କାମ୍ଚେର୍ ଚାର୍ ଇଦ୍ଘି ପାଛ୍ଲି, ହୁବ୍ଡ଼ାର୍ ରାଜାସିନ୍ ଅଚ୍ଚାର୍ ତାକି ହୁ ସିନ୍ ବେବିଲୋନ୍ନ୍ତା ଜେଲ୍ଖାନାନୁ ଖିୟସ କୋସ୍ ।
ନବୁକଦନେତ୍ସର ଆରୁ ହୁସ୍ଘି ସେନା ଇହୁଦା ଘି ରାଜିନ୍ତା ଲଗ୍ଭଗ୍ ଜାମା ଆଲାରିନ୍ ବେବିଲୋନ୍ ଅଚ୍ଚାର କେରାର୍, ଖାଲି ଜାମାରସ୍ତି ଗରିବ ଆଲାରିନ୍ ପାଛ୍ଲି ଆମ୍ୱିକିରି ହୁବ୍ଡ଼ାରିନ୍ ହାଲ୍ଲୁନୁ ଚାଷ୍ କାମ୍ରୋ । ସାମୟ ଘି ଇ କାଳ ବୋନ୍ ବନ୍ଧୁଆଇ ତେଙ୍ଗାଲାର୍ , ଏକାନୁ ପାରମେଶ୍ୱରସ୍ ଘି ଆଲାରିନ୍ ଶପଥ ଘି ରାଜିନ୍ତି ଉରଖାଗେ ମାଜ୍ବୁର୍ କାମ୍ଚାର୍ ଚିଚ୍ଚାର୍ ।
ଭାଲେ ହି ପାରମେଶ୍ୱରସ୍ ନିଜର ଆଲାରିନ୍ ହୁବଡ଼ାର ପାପ ଘି ଲାଗାନ୍ ବାନ୍ଧୁଏନୁ ହୁଆଁଗେ ଲାଗାନ୍ ଦଣ୍ଡିତ୍ କାମ୍ଚାସ୍, ହାଲେ ହି ହୁସ୍ ହୁବ୍ଡ଼ାରିନ୍ ନିଜର ଶପଥ ବୋନ୍ ମାଲ୍ଲା ମଦ୍ରାକାରୁସ୍ । ପାରମେଶ୍ୱରସ୍ ନିଜର ଆଲାରିନ୍ ନିଜର ନିଜରନୁ ଉଇକା ଚାସ୍ ଆରୁ ନିଜର ଭବିଷ୍ୟବକ୍ତାର୍ ଘି ଚାଲ୍ତେ ହୁବ୍ଡ଼ାର୍ଗାନେ କାଥା କାମାଲ୍ଗାସ୍ । ହୁସ୍ ଶପଥ କାମ୍ଚାସ୍ କା ସତୁର୍ ବଛର୍ ଘିବାଦେ, ହୁ ଆରୁ ଶପଥ ରାଜିନୁ କିର୍ରୋର୍ ।
ଲଗ୍ଭଗ୍ ସାତୁର୍ ବଛର୍ ଘି ପାଛ୍ଲି, ଫାରସ୍ ନ୍ତା ରାଜା କୁସ୍ରୁସ୍ ବେବିଲୋନ୍ ବୋନ୍ ହାରାବାଚାସ୍ ଇଦ୍ଘିଲାଗାନ୍ନ୍ତା ବେବିଲୋନ୍ ସାମ୍ରାଜ୍ୟ ଚାଲତେ ଫାରସ୍ ଘି ସାମ୍ରାଜ୍ୟ କିଛି ରାଜି ଗୁଠିନୁ ଶାସନ କାମଚାସ୍ । ଇସ୍ରାଏଲ୍ ଆଲାର୍ ଆକ୍କୁନ୍ ଇହୁଦି ତେଂଗାଲାର୍ । ହୁନ୍ନୁ ନ୍ତି ଜୁକ୍କୁର୍ ନିଜର୍ ପୁରା ଜିଉ ବେବିଲୋନ୍ ନୁ ବିତା ବାଚକା ଚାସ୍ । ବାକେନ୍ ବହୁତ୍ କୋମ୍ ପାଚକିର୍ ଇହୁଦାର୍ ନୁ ହି ଇହୁଦା ରାଜି ମୋନେ ରାଚାଦ୍ ।
ଫାର୍ସି ଆଲାର୍ ମୁରୁକ୍ ତାକତ୍ବୋର୍ ରାଚାର, ଲେକିନ୍ ହୁବ୍ଡ଼ାର୍ ନିଜର ଉଜ୍ତେ ହୁଏ ଆଲାରିନ୍ ଦୟା କାମ୍ଚାକାଚାର୍ । ଫାର୍ସୀ ଆଲାର୍ ଘି ରାଜା ମାନାଗେ କାଟେ ସାମୟ ପାଛ୍ଲି, କୁଶ୍ରୁସ୍ ଅଣ୍ଟା ହୁକୁମ୍ ଚିଚାସ୍ କା ନେର୍ଭି ଇହୁଦିର୍ ନେର୍ ଇହୁଦି ଗେ କାଲା ବେଦାଲ୍ଦାର୍, ହୁବ୍ଡ଼ାର୍ ଫାର୍ସିର୍ ଉର୍ଖାକିରି ୟହୁଦାଗେ କାଲା ଅଙ୍ଗଦାର୍ । କେତ୍କ ତକ୍ କା ହୁସ୍ ହୁବ୍ଡ଼ାର୍ ଘି ମନ୍ଦରିବୋନ୍ ଆରୁ ଅହନ୍ କାମାଗେ ଧାନୁ ଭି ଚିଚାସ୍ । ବାକେନ୍ ବାନ୍ଧୱାଇର ଘି ସତୁର୍ ବଛର୍ ବାଦେନୁ, ଇହୁଦିୟାର୍ ଘି ଛୋଟେ ଦଲ୍ନୁ ୟରୁଶାଲେମ୍ ରାଜିଗେ କିର୍ୟାର୍ ।
ଯେତେବାକେନ୍ ହୁବ୍ଡ଼ାର୍ ଆଲାର୍ ୟରୁଶାଲେମ୍ ଆଣ୍ସିୟାର୍ ବାକେନ୍ ହୁବ୍ଡ଼ାର୍ ମନ୍ଦିର୍ ବୋନ୍ ଆରୁ ଅହୋନ୍ ପାଡ଼ା ଘି ଚାରିପାଖା କାଥିବୋନ୍ ଆରୁ କାମ୍ଚାର୍ । ଫାରଶି ଆଲାର୍ ଆକୁନ୍ତକ୍ ହୁବ୍ଡ଼ାରିନ୍ ଶାସନ କାମାଲ୍ଗାର୍ ଲେକିନ୍ ଆରୁ ଅହୋନ୍ ଫିର୍ ସେ ସପଥ ରାଜିନୁ ରାଲ୍ଗାର୍ ଆରୁ ମନ୍ଦିର୍ନୁ ଆରାଧାନା କାମାଲ୍ଗାର୍ ।
୨ ରାଜା ୧୭; ୨୪-୨୫; ୨ ବଂଶାବଳୀ ୩୬; ଏଜ୍ରା ୧-୧୦; ନିହିମୀୟା ୧-୧୩ ସ୍ତିନ୍ ଅଣ୍ଟା ବାଇବେଲ୍ ଘି କାଥ୍ନୀ
Free to use, adapt, and share under an open license (CC BY-SA 4.0).