3. ବାଢ଼ି

ଢେର୍ ସମୟ ଘି ପାଛଲି, ଦୁନିଆଁ ନୁ ଜୁକକୁ ଆଲାର୍ ରାଲାର୍ । ହୁବ୍ଡ଼ାର ମୁର୍ ଖେନିନ୍ ବାଦ୍ ମାସ୍ ଆରୁ ଝାଗ୍ ଡ଼ିୟା ମାନ୍ ଚାର୍ କେର୍ କା ଚାର୍ । ଇବଦ୍ ଏତ୍ କ ଖାରାପ୍ ରାଚାଦ୍ କା ପାରମେଶ୍ୱରସ୍ ଅଣ୍ଟାବାଡ଼୍କା ବାଢି ତି ଇ ଜାମା ଦୁନିଆଁ ବୋନ୍ ଡୁଵା ବାଗେ ମୋନ୍ ନୁ ସୋଚ୍ଚାସ୍ ।

ଲେକିନ୍ ପାରମେଶ୍ୱରସ୍ ନୁହୁସିନ୍ ବାନେ ହାକଖାଲାସ୍ । ହୁସ୍ ବାଦ୍ ମାସ୍ ଆଲାର୍ ଘି ମାଝାନୁ ରାନାବାଲା ଉର୍ତୁ ଧାର୍ମିକ ଆଲ୍ ରାଚାସ୍ । ପାରମେଶ୍ୱରସ୍ ନୁହୁସିନ୍ ତେଂଗିୟାସ୍ କା ହୁସ୍ ଅଣ୍ଟା ବାଡ଼େଟେ ବାଢ଼ି ବାର୍ ନା ବାଲା ରାଇଦ । ହୁଦ୍ ଘି ଲାଗାନ୍ , ହୁସ୍ ନୁହୁସିନ୍ ଅଣ୍ଟା ବାଡ଼େ ଟେ ଡଂଗା ବାନା ବାଗେ ତେଂଗିୟାସ୍ ।

ପାରମେଶ୍ୱରସ୍ ନୁହୁସିନ୍ ଲାଗ୍ ଭାଗ ୧୪୦ମିଟର ଲାମ୍ବା , ୨୩ ମିଟର ଅସାର୍ ଆରୁ ୧୩.୫ ମିଟର ଉଚ୍ଚା ଡଂଗା ବାନାବାଗେ ତେଂଗିୟାସ୍ । ନୁହୁ ସିନ୍ କାଂକୁ ତି ବାନା ବାଗେ ରାଚା ଆରୁ ହୁନ୍ନୁନ୍ତି ନ୍ତି ମାହାଲା , ଜୁକକୁ ବାଖ୍ରା ଗୁଠି ଅଣ୍ଟା ଛାତ୍ ଅଣ୍ଟା ଖିଡ଼୍ କି ବାନା ବାଗେ ରାଚା । ହୁ ଡଂଗା ନୁ ନୁହୁସ୍ ହୁସ୍ କି ପରିବାର୍ , ଆରୁ ଏହେଁଲାନ୍ ନ୍ତା ଜାମା ଜାତି ଘି ଜାନ୍ତୁ ଗଠିନ୍ ବୋନ୍ ହୁ ବାଢ଼ି ନ୍ତି ହିପାଜିତ୍ ନୁ ଉଇୟସ୍ ।

ନୁହୁସ୍ ପାରମେଶ୍ୱରସ୍ ଘି କାତଥା ମେଂଚାସ୍ । ହୁସ୍ ଆରୁ ହୁସ୍ କି ହାଦୁର୍ ଗାନେ ହନେ ନିନ୍ ହି ଡଂଗା ବାନା ବାଚାସ୍ ଏସ୍ କେ ପାରମେଶ୍ୱରସ୍ ତେଂକାଚାସ୍ ହନେନ୍ । ଏନ୍ଦେର୍ ଗେ କା ହୁ ଡଂଗା ମୁରୁଖ୍ ବାଡ଼େ ଟେ ରାଚା ଇଦ୍ ଘି ଲାଗାନ୍ ହୁବନ୍ କାମାଗେ କେତ୍ କ ବଛର ଲାଗିୟାଦ୍ । ନୁହୁସ୍ ଆଲାରିନ୍ ବାର୍ ନା ବାଲା ବାଢ଼ି ଘି ବିଷୟ ନୁ ଚେତାବାନି ଚିଚ୍ଚାସ୍ ଆରୁ ହୁବ୍ଡ଼ାରିନ୍ ପାରମେଶ୍ୱରସ୍ ଘି ତାରା ମନ୍ ବନ୍ ଫିର୍ତାଗେ ତେଂଗିୟାସ୍ , ଲେକିନ୍ ହୁବ୍ଡ଼ାର୍ ହୁସ୍ ଘି ମିୟାଁ ବିଶ୍ୱାସ୍ ମା କାମଚାର୍ ।

ପାରମେଶ୍ୱରସ୍ ନୁହୁ ଆରୁ ହୁସ୍ ଘି ପରିବାର୍ ବୋନ୍ ନିଜର୍ ଲାଗାନ୍ ଆରୁ ଜାନ୍ତୁ ଗୁଠିରଗେ ଯେତ୍ କୋ ଦାର୍‍କାର୍ ହତ୍ କୋ ଅନାଗେ ଅଣ୍ଠାଣ୍ ସାନ୍ କାମାଗେ ହୁକୁମ୍ ଚିଚ୍‍ଚାସ୍ । ଯେତେ ବାକେନ୍ ଜାମା କିଛି ଜୁଗାଡ଼ ମାଂଚା କେରା, ତା ପାରମେଶ୍ୱରସ୍ ନୁହୁ ସିନ୍ ତେଂଗିୟାସ୍ କା ହୁ ସମୟ ହୁସ୍ କି , ହୁସ୍ କି ଆଲିଗାନେ, ହୁ ମୁନ୍ ଟା ହାଦୁର୍, ଆରୁ ହୁବ୍ଡ଼ାର୍ ଘି ଆଳି ଗୁଠିରିନ୍ – ଯେତେରିନ୍ ମେଶା କାମିକିରି ଆଠ୍ ଲୋକ୍ ରିନ୍ ଡଂଗାନୁ କାଲାଗେ ରାଚାଦ୍ ।

ପାରମେଶ୍ୱରସ୍ ଜାମା ଜାତି ଘି ଜାନ୍ତୁ ଆରୁ ଆଣ୍ଡ୍ରିୟା ଅଡ଼ା ଆରୁ ମାଇଁ ବୋନ୍ ନୁହୁ ସାନ୍ ତାଇୟାସ୍ ଏନ୍ଦେର୍ ଗେ କା ହୁବ୍ଡ଼ାଦ୍ ଡଂଗାନୁ କାଲା ଅଂଗର୍ ଆରୁ ବାଢ଼ି ସମୟ ନୁ ହିପାଜିତ୍ ନୁ ରା ଅଂଗର୍ । ପାରମେଶ୍ୱରସ୍ ଏନ୍ନେ ଜାମା ଜାତି ଘି ଜାନ୍ତୁ ଗୁଠିନ୍ ସାତ୍ତେଟା ଆଣ୍ଡ୍ରିୟା ଆରୁ ଆଠେଟା ମାଇଁ ଗୁଠିବୋନ୍ ଏକାନ୍ ବୋନ୍ ବାଲି ଆର୍ତାଗେ ବ୍ୟବହାର୍ କାମାଗେ ଅଂଗର୍ । ଯେତେବାକେନ୍ ଜାମା ଡଂଗା ଗେ ଆଣସିଆର୍ ବାକେନ୍ ଖୁଦ୍ ପାରମେଶ୍ୱରସ୍ ଡଂଗା ଘି ପାବୁବୋନ୍ ଢ଼ାପ୍ ଚାସ୍ ଚିଚ୍ ଚାସ୍ ।

ହୁବା କେନ୍ ଚେପୁ ବାର୍ ନା ସୁରୁ ମାଂଚା କେରା, ଆରୁ ଚେପୁ ବାର୍ତେ ରାଚା, ବାର୍ତେ ରାଚା । ମା ଆଟ୍ କ୍ରି କିରି ଚାଲିଶ୍ ଉଲ୍ଲା ଆରୁ ଚାଲିଶ୍ ମାହାଁ ତୋକ୍ ଚେପୁ ପୁଇତେ ବାର୍ତେ ରାଚା । ଜାମା ଦୁନିଆଁ ନ୍ତା ହାର୍ ଅଣ୍ଟା ଚିଜ୍ , ଏତ୍କ ତକ୍ କା ମିୟାଁ ନ୍ତିନ୍ ମିୟାଁ ପାର୍ତାଦ୍ ଭି ଆମ୍ମୁନୁ ଡୁବ୍ରା କେରା ।

ହାଇକା ଏହେଁଲାନୁ ରାନାବାଲା ଯେତେ ଅଣ୍ଟା ଚିଜ୍ କେଚ୍ଚାକେରା , ହୁ ଆଲାର୍ ଆରୁ ଜିବ୍ ଜାନ୍ତୁ ବୋନ୍ ଆମ୍ବିକିରି ଯେତେନାର୍ ଡଂଗାନୁ ରାଚାର୍ । ହୁ ଡଂଗା ଆମ୍ମୁମିୟାଁ ତେହେର୍ତେ ରାଚା ଆରୁ ଡଂଗା ଘି ଉଲତା ଯେତେ ଚିଜ୍ ବୋନ୍ ମୁଲହାନ୍ତି ବାଚ୍ଛାରାର କେରାର୍ ।

ଚେପୁ ବାର୍ନା ବନ୍ଦ୍ ମାନ୍‌ଚାକା ଘି ପାଚ୍ଛଲି, ପାଞ୍ଚ ମାହିନା ତକ୍ ହୁ ଡଂଗା ଆମ୍ମୁନୁ ତେହେର୍ତେ ରାଚା, ଆରୁ ହୁ ସମୟ ନୁ ଆମ୍ମୁ କମ୍ ମାନ୍ତେ କେରା । ଲେକିନ୍ ଉନ୍ଦୁଲ୍ ହୁ ଡଂଗା ଅଣ୍ଟା ପାର୍ତା ଘି ଚୁନ୍ଦିନୁ ଟିକ୍ରାଦ୍, ଲେକିନ୍ ଦୁନିଆଁ ଆକୁନ୍ ତକ୍ ଭି ଆମ୍ମୁନୁ ସ୍ତିନ୍ ଡୁବ୍ରା କେର୍‌କିଚା । ତିନ୍ ମାହିନା କି ବାଦ୍ ନୁ, ପାର୍ତା ଘି ଚୁନ୍ଦି ଗୁଠି ଏଥେରା ଗେ ଲାଗିୟା ।

ଫିର୍ ଆରୁ ଚାଲିଶ୍ ଦିନ୍ ଘି ପାଛଲି, ନୁହୁସ୍ ଅଣ୍ଟା କାଉବୋନ୍ ଇବନ୍ ଏ ରାଗେ ବାହାରି ତାଇୟାସ୍ ଏନ୍ଦେର୍ ଆମ୍ମୁ ହାଇୟା କେର୍‌କିଚାଦ୍ । ହୁଁ କାଉ ହାଇକା ଏହେଁଲା ବୋନ୍ ବେଦାଗେ ଇସାନ୍ ହୁସାନ୍ ଉଢ଼ିୟାର୍ତେ କେରା, ଲେକିନ୍ ହୁଦ୍ ଗେ ଏନ୍ନେ ଏନ୍ଦେର୍ ହି ଜାଗା ମା ହାଖ୍ ରା ।

ଆରୁ ପାଛଲି ନୁହୁସ୍ ଅଣ୍ଟା ପେରୁଆଁ ବୋନ୍ ବାହାରି ତାଇୟାସ୍ । ଲେକିନ୍ ହୁଦ୍ ଗେ ହି ଏକାସାନ୍ ଭି ଏହେଁଲା ମା ହାଖ୍ ରା, ଇଦ୍‌ଘି ବାଦ୍ ନୁ ହୁଦ୍ ନୁହୁସ୍ ଘି ଚାହାନୁ କିରିୟା ବାର୍ ଚା । ଅନ୍ ହାଟେ ଘି ବାଦ୍ ନୁ ହୁସ୍ ହୁ ପେରୁଆଁ ବୋନ୍ ଆରୁ ହି ତାଇୟାସ୍, ଆରୁ ହୁଦ୍ ନିଜର୍ ଥୁମଣା ନୁ ଜୈତୁନ୍ ଘି ଡାଡ଼ାବୋନ୍ ଧାର୍ଚା ବାର୍ଚା । ଆମ୍ମୁ ବାତ୍ତାଗେ ଲାଗାଲା, ଆରୁ ହୋପା ଗୁଠି କୁନ୍ଦାଗେ ଲାଗିୟା ।

ନୁହୁସ୍ ଅନ୍ ହାଟେ ଆରୁ ହକ୍ ଚାସ୍ ଆରୁ ତିନ୍ ଦିନ୍ ଘି ବାଦ୍ ନୁ ପେରୁଆଁ ବୋନ୍ ବାହାରି ତାଇୟାସ୍ । ଇ ବାକେନ୍ ହୁଦ୍ ଗେ ରାଆଗେ ଜାଗା ହାଖ୍ ରା କେରା ଆରୁ ହୁଦ୍ ଆରୁ ମା କିରିୟାଦ୍ । ଆମ୍ମୁ ହାଇୟା ଗେ ଲାଗିୟାଦ୍ ।

ଦୁଇ ମାହିନା ଘି ପାଛଲି ପାରମେଶ୍ୱରସ୍ ନୁହୁ ସିନ୍ ତେଂଗିୟାସ୍, ଆକ୍କୁନ୍ ନିନ୍ ଆରୁ ନିଘାଁ ପାରିବାର ଆରୁ ଜାମା ଜାନ୍ତୁ ବୋନ୍ ଡ଼ଂଗାନ୍‌ନ୍ତି ଉର୍ ଖା ବାରା । ଜୁକୁକ୍ ଗୁଡେ ହାଦ୍ଦୁ ଗୁଠିରିନ୍ ଆରୁ ନାତି ପୁତିରିନ୍ ଜନମ୍ ନାନ୍ନା ଆରୁ ଦୁନିଆନୁ ନିନ୍ଦିରା କାଲା । ଏନ୍ନେ ହି ନୁହୁ ଆରୁ ହୁସ୍ ଘି ପାରିବାର ଡ଼ଂଗାନ୍ ନ୍ତି ବାହାରି ଉରଖିୟାର୍ ।

ନୁହୁସ୍ ଡ଼ଂଗାନ୍ ନ୍ତି ବାହାରି ଉରଖ୍ ନା ଘି ବାଦ୍ ନୁ , ହୁସ୍ ଅଣ୍ଟା ବେଦି ନାଚ୍ ଚାସ୍ ଆରୁ ବାଳି ଦାନ୍ ଚିଆଗେ ବ୍ୟାବହାର କାମ୍ ନା ବାଲା ଜାମା ଜାତି ଘି ଜାନ୍ତୁ ଗୁଠିନ୍ ନ୍ତି ଆଧା ହୁଆକିରି ବାଳି ଆର୍‌ତା ଚାସ୍ । ପାରମେଶ୍ୱରସ୍ ହୁ ବାଳି ଦାନ୍ ସ୍ତିନ୍ ଖୁସି ମାନ୍ ଚାସ୍ ଆରୁ ନୁହୁ ସିନ୍ ଆରୁ ହୁସ୍ ଘି ପାରିବାର୍ ବୋନ୍ ଆଶିଷ୍ ଚି ଚାସ୍ ।

ପାରମେଶ୍ୱରସ୍ ତେଂଗିୟାସ୍,” ଏନ୍ ଶପଥ୍ କାମାଲ୍ ଦାନ୍ କା ମାନୁଆର୍ ଘି ଚାଲ୍ ତେ ଖାରାପ୍ ନାଲ୍ ଖୁ କାମ୍ ନା ଘି ଚାଲ୍ ତେ ଏନ୍ କାଭି ଭି ଏହେଁଲା ବୋନ୍ ସାରାପ୍ ମାଚି ଦାନ୍ ଆରୁ ବାଢ଼ି ନ୍ତିନ୍ ଦୁନିଆଁ ବୋନ୍ ନାସ୍ ମାଁ କାମ୍ ଦାନ୍ , ଲେକିନ୍ ଛୋଟେନ୍ତି ସାମାୟତି ହି ମାନୁଆଁର୍ ପାପୀ ହି ଆତାଲ୍ ନାର୍ ।

ଆରୁ ପାରମେଶ୍ୱରସ୍ ନିଜର୍ ଘି ଚିନ୍‌ହା ଘି ରୁପ୍ ନୁ ପାହିଲାନୁ ଇନ୍ଦ୍ର ଧନୁ ବୋନ୍ ବାନା ବାଚାସ୍ । ଏକିନ୍ ବାକେନ୍ ହି ଆକାଶ୍ ନୁ ଇନ୍ଦ୍ର ଧନୁ ଏଥ୍ରା ହାଲେ, ପାରମେଶ୍ୱରସ୍ ସିନ୍ ୟାଦ୍ କାମୋସ୍ କା ହୁସ୍ ଏନ୍ଦେର୍ ଶପଥ୍ କାମ୍‌ଚକାଚାସ୍ ଆରୁ ହନେହି ହୁସ୍ କି ଆଲାର୍ ୟାଦ୍ କାମୋର୍ ।