36. ବାଦ୍‌ଲାର୍‌ନା

ଅଣ୍ଟା ଉଲ୍ଲା, ଯୀଶୁସ୍ ନିଜର ମୁନ୍‌ଟା ଚେଲାର୍, ପାତ୍‌ରାସ୍, ୟାକୁବ୍, ଆରୁ ୟୁହନ୍ନାରିନ୍ ନିଜର ସାଙ୍ଗେ ଅଚାସ୍ କେରାସ୍ । (ଇ ୟୁହୁନ୍ନା ନାମେ ଘି ଚେଲା ହୁ ଆଲାସ୍ ମାଲ୍‌ଦାସ୍ ନେର୍ ଯୀଶୁସିନ୍ ବାପ୍‌ତିସ୍‌ମା ଚିଚ୍‌କାଚାସ୍) ହୁବ୍ଡ଼ାର୍ ବିନ୍‌ତି କାମାଗେ ଅଣ୍ଟା ଉଚ୍ଚା ପାର୍ତ୍ତାନୁ କେରାର୍ ।

ଯେତେ ବାକେନ୍ ଯୀଶୁସ୍ ବିନ୍‌ତି କାମାଲ୍‌ଗାସ୍ ବାକେନ୍ ହୁସ୍ ଘି ଚେହେଁରା ବିଡ଼ି ଘି ଲେଖା ବିଲ୍ଲି ମାଞ୍ଜା କେରା । ହୁସ୍ ଘି ଚିଢ଼ା ବିଲ୍ଲି ଲେଖା ପାଣ୍ଡ୍‌ରୁ ମାଞ୍ଜା କେରାର୍, ଏସ୍‌କେ ଏ ଦୁନିଆନୁ ନେରିନ୍ କାମା ଅଙ୍ଗର୍ ହୁସ୍ତିନ୍ ତି ଭି ବାଗେ ପାଣ୍ଡ୍‌ରୁ ।

ବାକେନ୍ ମୂଷା ଆରୁ ଏଲିୟାହା ଭବିଷ୍ୟବକ୍ତା ପ୍ରଗଟ୍ ମାଞ୍ଚାର୍ ଇ ଆଲାସ୍ ଇ ଧାର୍‌ତି ମିଆଁ ଇ ସମୟ ସ୍ତିନ୍ ହାଜାର୍ ହାଜାର୍ ବଛର୍ ଘି ଆଘ୍‌ଲି ରାଲ୍‌ଗାର୍ । ହୁବ୍‌ଡ଼ାର୍ ଯୀଶୁ ସିନ୍ ହୁସ୍‌ଘି ଖିନା ଘି ବିଷୟନୁ କାଥା କାମ୍‌ଚାକା ତେଙ୍ଗକାଚାର୍ ଏନ୍ଦେର୍ ଗେ କା ଦୁସ୍ ଜାଲ୍‌ଦି ଲେନ୍ ୟେରୁଶାଲେମନୁ ଖିୟସ୍ କୋସ୍ ।

ଯେତେବାକେନ ମୂଷା ଆରୁ ଏଲିୟାହ ଯୀଶୁସ୍‌ଗାନେ କାଥା କାମାଲ୍‌ଗାର୍ ବାକେନ୍ ପାତ୍‌ରାସ ଯୀଶୁସ୍‌ମିନ୍ ତେଙ୍ଗିୟାସ୍, “ଏମାଗେ ଇସାନ ରାଆଗେ ବାନେଦ୍ ଏମ୍ ମୁନ୍‌ଟା ବେଦି ବୋନ୍ କାମ୍‌ଚାର୍, ଅଣ୍ଟାନିଘାୟ ଲାଗାନ୍ ଅଣ୍ଟା ମୂଷାଶ୍ ଘି ଲାଗାନ୍ ଆରୁ ଅଣ୍ଟା ଏଲିୟାହମ୍ ଘି ଲାଗାନ ।“ ଲେକିନ୍ ପାତ୍‌ରାସ୍ ବାଲ୍‌କାଚାସ୍ କା ହୁସ୍ ଏନ୍ଦେର୍ ତେଙ୍ଗାଲ୍ ଦାସ୍ ।

ଯେତେବାକେନ୍ ପାତ୍‌ରାସ୍ କାଥା କାମାଲଗାସ୍, ବାକେନ୍ ଅଣ୍ଟା ଉଜଲେ ବିଲ୍ଲି ବାଦ୍‌ଲି କିଆଁ ବାରିକିରି ହୁବ୍ଡ଼ାର୍ ଘିନୁ ଛାବ୍‌ରାକେରା । ଆରୁ ହୁବ୍ଡ଼ାର୍ ବାଦ୍‌ଲିନତିନ୍ ଅଣ୍ଟା ଆୱାଜ୍ ବୋନବାରତେ ମେନ୍‌ଚାର୍ ହୁବୋଦ ତେଙ୍ଗିୟାନ, “ଇ ବୋନ୍ ଏଙ୍ଘାୟ ବାଦ୍‌ଦୁ ନେକାବୋନ୍ ଏନ୍ ବାନେ ହାଖ୍‌ଦାନ । ଏନ୍ ହୁସିନ୍ ଖୁସି ଆତ୍‌ଲଦାନ୍ । ହୁସିନ୍ ମେନା ।“ ହୁବ୍ଡ଼ା ମୁନ୍‌ଟା ଚେଲାର ଏଲଚିୟାର କେରାର୍ ଆରୁ ଏହେଁଲା ନୁ ଚୁତେର୍ ଚିଚ୍‌ଚାର ।

ବାକେନ୍ ଯୀଶୁସ୍ ହୁବ୍ଡ଼ାରିନ୍ ଏଁସ୍‌ରାର୍ ଆରୁ ତେଙ୍ଗ୍‌ୟାସ୍, “ଆମା ଏଲଚା । ଚୁଆଁ କାଲା ।“ ଯେତେବାକେନ୍ ହୁବ୍ଡ଼ାର୍ ଚାରିହି ତାରା ଏରିୟାର୍ ବାକେନ୍ ନେର୍ ଉର୍‌ଦୁ ଆଲ ଆକ୍‌କୁନ୍ ହିଁ ହୁସାନ୍ ରାଚାସ୍ ହୁବୋନ ଯୀଶୁସ୍ ରାଚାସ୍ ।

ଯୀଶୁ ଆରୁ ହୁବଡ଼ା ମୁନ୍‌ଟା ଚେଲାର୍ ହୁ ପାର୍‌ତା ତିନ୍ କିର୍‌ରିକିରି କିଆଁ ଏତ୍‌ତିଆର ବାର୍‌ଚାର୍ । ବାକେନ ଯୀଶୁସ୍ ହୁବଡ଼ାରିନ୍ ତେଙ୍ଗିୟାସ୍, ଆକ୍‌କୁନ ଯେନ୍‌ଟା ଇସାନ୍ ମାନ୍‌ଚା ହୁଦ୍‌ଘି ଚାର୍‌ଚା ନେକାନ ଭି ଆମ୍‌କେ କାମା । ଏନ୍ ଜାଲ୍‌ଦି ଲେନ୍ ଖିଅଁନ କୋନ୍ ଆରୁ ଆରୁହୋନ୍ ଉଜ୍‌ଜୋନ କୋନ୍ । ହୁଦ୍‌ଘି ପାଛ୍‌ଲି, ନିମ୍ ଆଲାରିନ ତେଙ୍ଗା ଅଙ୍ଗର୍ ।“