37. ଯୀଶୁସ୍ ତାର୍ତିନ୍ ଲାଜାର୍ସିନ୍ କେଚ୍କାନ୍ତି ଉଜ୍ତାନା ।
Listen to this story Audio file · 4.1 MB
The words of this recording are below, in Kisan.
ଲାଜାର୍ ନାମେ ଘି ଅନ୍ଟା ଆଲ୍ ରାଚାସ୍ । ହୁସ୍ଘି ଜୋଢେ ବୁହୁଣି ରାଚାର୍ ହୁବ୍ଡାର୍ ଘି ନାମେ ମରିୟମ୍ ଆରୁ ମାର୍ଥା ରାଚାର୍ । ହୁବ୍ଡାର୍ ସାଫାର୍ ଯୀଶୁଘି ଗେହେରା ସାଙ୍ଗେର୍ ରାଚାର୍ । ଉନ୍ଦୁଲ୍ , ନେର୍ ଯୀଶୁସିନ୍ ତେଙ୍ଗିୟାର୍ କାଁ ଲାଜାର୍ ମୁରୁକ୍ ବେମାର୍ନୁଆତଲ୍ଦାସ୍ । ଯେ ବାକେନ୍ ଯୀଶୁସ୍ ଇବୋନ୍ ମେନ୍ଚାସ୍ ବାକେନ୍ ହୁସ୍ ତେଙ୍ଗିୟାସ୍,“ ଇ ବେମାର୍ ଲାଜାର୍ସ୍ ଘିଖିନା ଘି ସମୟ୍ ମାଲ୍ଲାଦିନ୍ । ଇଦ୍ଘି କାରଣ, ଇବ୍ଢା ଆଲାର୍ ପାର୍ମେଶ୍ୱରସିନ୍ ଆଦର୍ କାମାଗେ ପ୍ରେରିତ କାମୋର୍ ।
ଯୀଶୁସ୍ ନିଜର୍ ସାଙ୍ଗେରିନ୍ ବାନେ ହାକ୍ଖାଲ୍ଗାସ୍,ଲେକିନ୍ ଏକାସାନ୍ ହୁସ୍ରାଚାସ୍ ହୁସାନ୍ ହୁସ୍ ଦୁଇଦିନ୍ ତକ୍ ହକ୍ଚାସ୍ । ହୁ ଦୁଇଦିନ୍ ଘି ଫାଛଲି ହୁସ୍ ନିଜର୍ ଚେଲାରିନ୍ ତେଙ୍ଗିୟାସ୍, “ବାରା” ଇହୁଦା ଗେ କିର୍ରୋତ୍ ।” ଚେଲାର୍ ତେଙ୍ଗ୍ୟାର୍,“ଲେକିନ୍ ହେ ଗୁରୁ ଆକ୍କୁନ୍ କିଛି ସମୟ୍ ଘି ଆଘଲି ହୁସାନ୍ତା ଆଲାର୍ ନିଙ୍ଗାନ୍ ପିଟାଗେ ବେଦ୍ଦାଲ୍ଗାର୍ ।” ଯୀଶୁସ୍ ତେଙ୍ଗିୟାସ୍ ଏମ୍ହାୟ୍ ସାଙ୍ଗେସ୍ ଲାଜାର୍ ହାନ୍ଦ୍ରାସ୍ କେର୍କାଦାସ୍, ଆରୁ ଏଙ୍ଗାନ୍ ହୁସିନ୍ ଏଜ୍ନା ରାଇଦ୍ ।”
ଯୀଶୁସ୍ ଘି ଚେଲାର୍ ତେଙ୍ଗିୟାର୍ ,“ ହେ ପ୍ରଭୂ ଯଦି ଲାଜାର୍ସ୍ ହାନ୍ଦରାକ୍ ଦାସ୍ତା ବାନେ ମାନସ୍ କୋସ୍ ।” ହୁବା କେନ୍ ଯୀଶୁସ୍ ହୁବ୍ଡାରିନ୍ ସାଫା ସେ ତେଙ୍ଗିୟାସ୍,“ଲାଜାର୍ସ୍ କେଚାସ୍ କେର୍କାଦାସ୍ ଏନ୍ ଖୁସି ଆତଲ୍ଦାନ୍ କା ଏନ୍ ହୁସାନ୍ ମାଲ୍ଲାରୁନ୍,ଇଦ୍ଘିଲାଗାନ୍ ନିମ୍ ଏଙ୍ଗାନ୍ ବିଶ୍ୱାସ୍ କାମା ଅଙ୍ଗର୍ ।”
ଯେତେବାକେନ୍ ଯୀଶୁସ୍ ଲାଜାର୍ସ୍ ଘି ପାଡ଼ାଗେ ଆଣସିଆସ୍ ବାକେନ୍ ଲାଜାର୍ସିନ୍ କେଚ୍କାନ୍ତି ଆଘଲି ଚାର୍ଦିନ୍ ମାନ୍ଚାକେର୍ଚିକିଚା । ମାର୍ଥା ଯୀଶୁସିନ୍ ଭେଟ୍ ମାନାଗେ ବାହାରି ଉର୍ଖୀୟା ଆରୁ ତେଙ୍ଗିୟା ,“ହେ ପ୍ରଭୂ ଯଦି ନିମ୍ ଇସାନ୍ ରାଚ୍କା ରୋଏ ନେ ହାଲେ ଏଙ୍ଘାୟଁ ଭାଇସ୍ ମାଁ କେଚ୍କାରାଦସ୍ନେ । ଲେକିନ୍ ଏନ୍ ବିଶ୍ୱାସ୍ କାମେନ୍ କା ଯାହା କିଛି ଭି ନିନ୍ ପାର୍ମେଶ୍ୱର୍ସିନ୍ ନିୟଁଏ ହାଲେ ହୁସ୍ ନିଙ୍ଗାଗେ ଚିଅସ୍ ।”
ଯୀଶୁସ୍ ତେଙ୍ଗିୟାସ୍, “ଜି ଉଠନା ଆରୁ ଜିୱାନ୍ ଏନ୍ ହି ରାଦାନ୍ । ନେର୍ରିନ୍ ଏଙ୍ଗାନ୍ ବିଶ୍ୱାସ୍ କାମ୍ନାର୍ ଯଦି ହୁସ୍ ଖିୟସ୍କୋସ୍ ଭୀ ହାଲେ ଭି ଉଜ୍ଜୋସ୍ କୋସ୍ । ନେର୍ରିନ୍ ଏଙ୍ଗାନ୍ ବିଶ୍ୱାସ୍ କାମ୍ନାର୍ ହୁବ୍ଡ଼ାର୍ ଏକ୍ଲାଭି ମା’ ଖିନାଁର୍ । ଏନ୍ଦେର୍ ନିନ୍ ଇନୁ ବିଶ୍ୱାସ କାମ୍ଦି ?” ମାର୍ଥାଦ୍ ଜାବାବ୍ ଚିଚ୍ଚା, “ ହେ ପ୍ରଭୂ ଏନ୍ ବିଶ୍ୱାସ୍ କାମେନ୍ କା ନିନ୍ ପାର୍ମରଶ୍ୱର୍ସ୍ ଘି ହାଦ୍ଦୁ ମସିହି ରାଦାଏ ।”
ବାକେନ୍ ମାରିୟମ୍ ବାର୍ଚା । ହୁଦ୍ ଯୀଶୁସ୍ ଘି ହେଡ୍ଡୁନୁ ଖାତ୍ରିକିରି ତେଙ୍ଗିୟାଦ୍,“ହେ ପ୍ରଭୂ ଯଦି ନିନ୍ ଇସାନ୍ ରାଚାକ ରୋଏନେ ହାଲେ ଏଙ୍ଘାୟ୍ ଭାଇସ୍ ମା ଖିଦାସନେ ।” ଯୀଶୁସ୍ ହୁବଡାରିନ୍ ମେନ୍ଚାସ୍,“ନିମ୍ ଲାଜାର୍ସିନ୍ ଏକାସାନ୍ ଉଇକାଦାର୍?” ହୁବ୍ଡାର୍ ହୁସିନ୍ ବାତାବାଚାର୍ ମାସ୍ଣାନୁ । ବାରା ଆରୁ ଏରା ।“ ବାକେନ୍ ଯୀଶୁସ୍ ଅଲିହିୟାସ୍ ।
ହୁ ମାସ୍ଣାଦ୍ ଅନ୍ଟା ଗୁମ୍ଫାରାଚା ହୁଦ୍ଘି ଘୁମାନୁ ଅନ୍ଟା ଚାଁଚାଁବୋନ୍ ଲୁଢ୍କାବାଚାକାଚାର୍ । ଯେତେବାକେନ୍ ଯୀଶୁସ୍ ମାସ୍ଣାନୁ ଆଣସିୟାସ୍ ବାକେନ୍ ହୁସ୍ ହୁବ୍ଡାରିନ୍ ତେଙ୍ଗିୟାସ୍,“ଚାଁଚାଁବୋନ୍ ହାଟାବାଚା । ଲେକିନ୍ ମାର୍ଥାଦ୍ ତେଙ୍ଗିୟାଦ୍,“ ହୁସ୍ କେଚ୍କାନ୍ତି ଚାର୍ଦିନ୍ ମାନ୍ଚାକେର୍କିଚି । ହୁନ୍ନୁନ୍ତି କିତ୍କା ଲେଖା ବାସାଲିଦ୍ ।
ଯୀଶୁସ୍ ଜାବାବ୍ ଚିଚାସ୍,“ ଏନ୍ଦେର୍ ଗେକା ଏନ୍ ନିମାରିନ୍ ମାଲ୍ଲା ତେଙ୍କାରୁନ୍ କାଁ ଯଦି ନିମ୍ ଏଙ୍ଗନ୍ ବିଶ୍ୱାସ୍ କାମୋର୍ ହାଲେ ପାର୍ମେଶ୍ୱରସ୍ ଘି ଶାକ୍ତିବୋନ୍ ଏରୋର୍ ?” ଇଦ୍ଗି ଲାଗାନ୍ ହୁବ୍ଡାର୍ ଚାଁଚଁବୋନ୍ ହାଟାବାଚ୍ଚିଚାର୍ ।
ବାକେନ୍ ଯୀଶୁସ୍ ମିଆଁ ସରଗ୍ତାରା ଏରିୟାସ୍ ଆରୁ ତେଙ୍ଗିୟାସ୍,“ ହେ ବୁଆ ଏଙ୍ଘାୟ୍ ମେନ୍ନାଘି ଲାଗାନ୍ ଏନ୍ ନିଙ୍ଗାନ୍ ଧାନ୍ୟାବଦ୍ କାମାଲ୍ଦାନ୍ । ଏନ୍ ଆହାଲ୍ଦାନ୍ କା ନିନ୍ ସାଫା ବାକେନ୍ ଏଙ୍ଘାଏ ମେନ୍ଦାଏ, ଲେକିନ୍ ଏନ୍ ଇସାନ୍ ଇଜ୍କ ସାଫା ଆଲାରିନ୍ ମାଦେତ୍ କାମାଗେ ତେଙ୍ଗକାନ୍ ତାକି ଇବ୍ଡାର୍ ବିଶ୍ୱାସ୍କାମୋର୍କା ନିନ୍ ଏଙ୍ଗାନ୍ ତାଏକାଦାଏ ।” ବାକେନ୍ ଯୀଶୁସ୍ ଚିରାରାଚାସ୍,“ ହେ ଲାଜାରସ୍ ବାହାରି ଉର୍ଖା କାଲା ।”
ଲାଜାରସ୍ ବାହାରି ଉର୍ଖିୟାସ୍ ହୁସ୍ ଆଙ୍କୁନ୍ତୋକ୍ କାଫନ୍ନୁ ଲିପ୍ଟା ରାଚ୍କାଚାସ୍ । ଯୀଶୁସ୍ ହୁସିନ୍ ତେଙ୍ଗିୟାସ୍,“ଇ କାଫନ୍ବୋନ୍ ଅଥ୍ରାଗେ ସାହାୟାତା କାମା ଆରୁ ହୁସିନ୍ ଆଜାଦି କାମାଚା।“ ଇ ଚମତ୍କାର୍ ଘି ଲାଗାନ୍ ଇହୁଦିର୍ ଯୀଶୁସି ନ ବିଶ୍ୱାସ୍ କାମ୍ଚାର୍ ।
ଇଦ୍ଘିଲାଗାନ୍ ଇହୁଦିର୍ ଘି ଧାର୍ମିକ୍ ଆଗୁଆର୍ ଯୀଶୁସିନ୍ ଜାଲ୍ରାର୍ ଲାଗ୍ଗିୟାର୍ ,ଇଦ୍ଗି ଲାଗାନ୍ ହୁବ୍ଡାର୍ ଉପାୟ୍ କାମାଗେ ଅନ୍ଠାଣ୍ ସାନ୍ ଜାମାମାନ୍ଚାର୍ କା ଯୀଶୁ ଆରୁ ଲାଜର୍ସିନ୍ ପିଟାଗେ ପାଡ଼ରୋଦ୍ ।
यूहन्ना 11:1-46 से एक बाइबल की कहानी
Free to use, adapt, and share under an open license (CC BY-SA 4.0).