38. ଯୀଶୁ ଘି ସାଙ୍ଗେ ବିଶ୍ୱାସ୍ଘାତ୍
Listen to this story Audio file · 6.9 MB
The words of this recording are below, in Kisan.
ଜାମା ବରଷ, ୟହୁଦୀ ଆଲାର ପାସ୍କା ପରବ ମାନାଲାର୍ । ଇ ଇଦ୍ଘି ବାରେନୁ ଅନ୍ଟା ପରବ ରାଚାଦ୍ କା ଇୟଁ ବଛର୍ ଘି ଆଘ୍ଲି ପାରମେଶ୍ୱରସ୍ ହୁସ୍କୀ ପୁରଖାର ଘି ମିଶ୍ର ଘି ଦାସ୍ ସ୍ତିନ୍ ବାଛାବାଚ୍କା ଚାସ୍ । ଲାଗ୍ଭାଗ୍ ତିନ୍ ବରଷ ଘି ବାଦ୍ନୁ ଯୀଶୁସ୍ ସାମାନ୍ ରୂପସ୍ତିନ୍ ପ୍ରଚାର୍ କାମ୍ନା ଆରୁ ଶିକ୍ଷା ଚିଇନା ସୁରୁ କାମ୍ଚାସ୍ । ଯୀଶୁସ୍ ନିଜର୍ ଚେଲାରିନ୍ ତେଙ୍ଗିୟାସ୍ କା ହୁସ୍ ହୁସ୍କୀ ସାଙ୍ଗେ ଯେରୁଶାଲେମ୍ନୁ ପାସ୍କା ପରବ୍ ମାନାଗେ ସୋଚାଲାର୍, ଆରୁ ଏନେହିଁ କା ହୁସ୍ ହୁସାନ୍ ପିଟ୍ର ଚୋର୍ ।
ଯୀଶୁସ୍ ଘି ଚେଲାର୍ ସ୍ତିନ୍ ଅଣ୍ଟା ୟହୁଦା ନାମେ ଘି ଆଲାସ୍ ରାଚାସ୍ । ୟହୁଦା ପ୍ରେରିତ ଜାମାର ଘି ଧାନୁ ଥାଇଲି ଉଇନା ଘି ଜିମ୍ମେଦାରି ରଚାଦ୍, ଲେକିନ୍ ସବୁବାକେନ୍ ହୁସ୍ ହୁ ଥାଇଲିନ୍ ସ୍ତି ପାଇସା ଅଥ୍ରା ହୁଆ ଲାସ୍ । ଯୀଶୁସ୍ ଆରୁ ଚେଲାର୍ ଯରୁଶାଲେମ୍ ନୁ ଆଣସ୍ନା ଘି ବାଦ୍ ଇହୁଦାସ୍ ୟହୁଦୀ ଆଗୁଆର୍ ଘି ଚାହାଁଗେ କେରାସ୍ । ହୁସ୍ ଧାନ୍ ଘି ବାଦ୍ଲି ନୁ ଯୀଶୁସିନ୍ ହୁବ୍ଡ଼ାର୍ ଘି ହେକ୍ଖାନୁ ଧାରଚାସ୍ ବୁଲି କିରି କାତ୍ଥା ଚିଚାସ୍ । ହୁସ୍ ଆହାଲାସ୍ କା ୟହୁଦୀ ଆଗୁଆର୍ ଗ୍ରହଣ ମା’ ନାନାଲ୍ଗାର କା ଯୀଶୁସ୍ ହିଁ ମାସିହସ୍ ରାଦାସ୍ । ହୁସ୍ ଆହାଲାସ୍ କା ହୁସ୍ ହୁସିନ୍ ପିଟାଗେ ସୋଚାଲାର୍ ।
ମହାୟାଜକସ୍ ଘି ତେଙ୍ଗନାନୁ ୟହୁଦୀ ଆଗୁଆଁର ଯୀଶୁସିନ୍ ହୁବ୍ଡ଼ାର୍ ଘି ହେଖାନୁ ଧାର୍ତାଗେ ଲାଗାନ୍ ୟହଦାସ୍ ସିନ୍ ତିସ୍ ଚାନ୍ଦି ଘି ଶିକ୍କା ଚିଇଚାର୍ । ଇଦ୍ ହୁ ଲେଖାସ୍ତିନ୍ ମାଞ୍ଚାଦ୍ ଯେସ୍ କେ କା ଭବିଷ୍ୟବକ୍ତାର୍ ତେଙ୍ଗାଚାର୍ କା ମାନଦ୍ । ୟହୁଦା ମାଞ୍ଚାସ୍ କେରାସ୍ ଆରୁ ଧାନ୍ନୁ ହୋଇ କିରି ବୁଙ୍ଗାସ୍ ଚିଇଚାସ୍ । ହୁ ଯୀଶୁସିନ୍ ଗିରପ୍ ତାର୍ କାମ୍ନାନୁ ହୁସ୍କୀ ସହାୟତା କାମ୍ନା ଘି ଲାଗାନ୍ ଅଣ୍ଟା ସମୟ ବୋନ୍ ବେଦା ଗେ ଲଗିୟାସ୍ ।
ଯେରୁଶାଲେମ୍ ନୁ, ଯୀଶୁସ୍ ନିଜର୍ ଚେଲାର୍ ଘି ସାଙ୍ଗେନୁ ପାସ୍କା ପରବ ମାନାବାଚାସ୍ । ପାସ୍କା ଘି ଭୋଜ୍ ଘି ସମୟନୁ, ଯୀଶୁସ୍ ଆସ୍ମ୍ମା ହୋଇ କିରି ତୋଡ଼ିୟାସ୍ । ହୁସ୍ ତେଙ୍ଗିୟସ୍,“ ଇବୋନ୍ ହୁଆ ଆରୁ ମହାଁ । ଇଦ୍ ଏଙ୍ଘାଁଏ ଶାରିରହ ଜେନ୍ଟା ଏନ୍ ନିମାଗେ ଲାଗାନ୍ ଚିଇୟାଲ୍ ଦାନ୍ । ଇଦିନ୍ ଏଙ୍ଗାନ୍ ମନେ ଉଇକେର୍ । ଇ ଲେଖାନ୍ସ୍ତିନ୍, ଯୀଶୁସ୍ ତେଙ୍ଗିୟାସ୍ କା ହୁସ୍ ହୁବ୍ଡ଼ାର୍ ଘି ଲାଗାନ ଖିୟସ୍ କୋସ୍, ଲେକିନ୍ ହୁବଡ଼ାର୍ ଗେ ଲାଗାନ୍ ହୁସ୍ ନିନ୍ ଶରିର୍ ବୋନ୍ କାଳି ଚାଢ଼ାବୋଚେସ୍।
ଆରୁ ଯୀଶୁସ୍ ଅଣ୍ଟା ଦାଖ୍ରାସ୍ ଘି ଗିଲାସ୍ ଅଚ୍ଚାସ୍ ଆରୁ ତେଙ୍ଗିୟାସ୍,“ ଇବୋନ୍ ହାପ୍ପା । ଇଦ୍ ପୁନ୍ନା ଶପଥ ଘି ଏଙ୍ଘାଁଏ ହେସୁଁଦ୍ ଯେନ୍ଟା ଏନ୍ ତୁନ୍ଦନ୍ ଚୋନ୍ ଲେକିନ୍ ପାରମେଶ୍ୱରସ୍ ନିମାଏଁ ପାପ୍ ବୋନ୍ ମାଫ୍ କାମୋସ୍ । ଜାମା ବାକେନ୍ ଇବୋନ୍ ହାପ୍ନା ବାକେନ୍ ଏଙ୍ଘାଁଏ ୟାଦ୍ନୁ ଇବୋନ୍ କାମା ଜେନ୍ଟା ଏନ୍ ଆକ୍କୁନ୍ କାମାଲ୍ଦାନ୍ ।”
ବାକେନ୍ ଯୀଶୁସ୍ ନିଜର୍ ଚେଲାରିନ୍ ତେଙ୍ଗିୟାସ୍,“ ନିମାଏଁସ୍ତିନ୍ ଅଣ୍ଟା ଆଲାସ୍ ଏଙ୍ଗାନ୍ ଧାର୍ତୋସ୍ ।” ଚେଲାର୍ ଚକ୍ରାର୍ କେରାର୍, ଆରୁ ମେନାଗେ ଲାଗିୟାର୍ କା ନେଦ୍ ଏନ୍ନେ ନାଲ୍ଖୁ କାମ୍ର । ଯୀଶୁସ୍ ତେଙ୍ଗିୟାସ୍,“ ଏଙ୍ଘାଏ” ଧାରନା ବାଲା ଆଲାସ୍ ହୁସ୍ ଯେନ୍ଟା ଏନ୍ ଇ ଆସ୍ମ୍ମା ଘି ଖାଣ୍ଡେ ଚିୟାଲ୍ ଦାନ୍,” ବାକେନ୍ ହୁସ୍ ଆସମ୍ମା ୟହୁଦାସ୍ କେ ଚିଇଚାସ୍ ।
ହୁ ଆସ୍ମ୍ମା ବୋନ୍ ହୋନା ଘି ବାଦ୍ନୁ, ୟହୁଦାନୁ ସୈତାନ୍ ସାମ୍ରା କେରା । ୟହୁଦା ଉର୍ଖି କିରି ଯୀଶୁସିନ୍ ଗିରପ୍ତାର୍ କାମାଗେ ଲାଗାନ୍ ୟହୁଦୀ ଆଗୁୱାସ୍ କି ମାଦେତ୍ କାମାଗେ ଚୁଙ୍ଗାସ୍ ଚିଇଚାସ୍ । ଇ ମାହାଁ ଘି ସମୟ ରାଚାଦ୍ ।
ଅନ୍ନା ପାଛ୍ଲି, ଯୀଶୁ ଆରୁ ହୁସ୍କୀ ଚେଲାର ଜୈତୁନ୍ ପାର୍ତ୍ତା ଗେ କେରାର୍ । ଯୀଶୁସ୍ ତେଙ୍ଗିୟାସ୍,“ ନିମ୍ ଜାମାର ଇନ୍ନା ମାହାଁ ଏଙ୍ଗାନ୍ ଆମ୍ବର ଚୋର । ଇଦ୍ ଲେଖା ରାଇଦ୍,“ ଏନ୍ ଚାରୱାହା ଜାମାର୍ ଘିଲାଗନ୍ ଖୟିନ ଆରୁ ଭେଡ଼ି ଗୁଠିଦ୍ ତିତର୍ – ବିତର ମାନର୍ କୋର୍ ।”
ପାତ୍ରସ୍ ଜାବାବ୍ ଚିଇଚାସ୍,“ ଭାଲେ ହି ବାକୀର୍ ଜାମାର୍ ନିଙ୍ଘାନ ଆମ୍ବର ଚୋର, ଏନ୍ ମା’ ଅମ୍ବେଦାନ୍ !” ବାକେନ୍ ଯୀଶୁସ୍ ପାତ୍ରସ୍ ସିନ୍ ତେଙ୍ଗିୟାସ୍,” ସୈତାନ୍ ନିମା ଜାମାରିନ୍ ହୁଆ କାଲା ବେଦାଲିଦ୍, ଲେକିନ୍ ହେ ପାତ୍ରସ୍, ଏନ୍ ନିଙ୍ଘାଏ ଲାଗାନ୍ ବିନ୍ତି କାମ୍ଚକା ଦାନ୍ କା ନିନ୍ ବିଶ୍ୱାସ୍ ସ୍ତିନ୍ ମା’ ଚୁକ୍ରେଏ । ଆରୁ ଭି, ଇନ୍ନାନ୍ତା ମାହାଁନୁ, ହେରୁ ଘି ଚିର୍ରାର୍ନାସ୍ତିନ୍ ଆଘ୍ଲି ନିନ୍ ତିନି ଥର୍ ଇନ୍କାର କାମୋୟୋ କା ନିନ୍ ଏଙ୍ଗାନ୍ ଆହାଲ୍ ଦା ହିଁ ମାଲ୍ଲା ।”
ପାତ୍ରସ୍ ଯୀଶୁସିନ୍ ତେଙ୍ଗିୟାସ୍,“ ଭାଲେ ହି ଖିୟନ୍ କୋନ୍, ଏନ୍ ଏକ୍ଲା ଭି ନିଙ୍ଘାନ୍ ଇନ୍କାର୍ ମା’ କାମ୍ଦାନ୍ !” ବାକି ଜାମା ଚେଲାର୍ ଭି ଏନେନ୍ ତେଙ୍ଗିୟାର୍ ।
ବାକେନ୍ ଯୀଶୁ ନିଜର୍ ଚେଲାର୍ ଘି ସାଙ୍ଗେ ଗତ୍ସ୍ମନୀ ନାମେ ଘି ଆଡ଼ା ଗେ କେରାର୍ । ଯୀଶୁସ୍ ନିଜର୍ ଚେଲାରିନ୍ ବିନ୍ତି କାମାଗେ ତେଙ୍ଗିୟାସ୍ ତାକି ସୈତାନ୍ ହୁବ୍ଡ଼ାରିନ୍ ଘି ପରୀକ୍ଷା ମା’ କାମୋଦ୍ । ବାକେନ୍ ଯୀଶୁ ନିଜେ ବିନ୍ତି କାମାଗେ ବୁଙ୍ଗାସ୍ ।
ଯୀଶୁସ୍ ତିନ୍ ଥର୍ ବିନ୍ତି କାମ୍ଚାସ୍, “ହେ ଏଙ୍ଘାଏ ବୁଆ, ଲେକିନ୍ ସମ୍ଭବ ରାଇଦ୍ ତା ଦାୟା କାମିକିରି ଇ ଦୁଃଖୁ ଘି ପ୍ୟାଲା ହାପ୍ପା ଲାଗାନ୍ ଏଙ୍ଘାଗେ ଆମ୍ବାଚିୟା । ଲେକିନ୍ ଆଲାର୍ ଘି ପାପ୍ ଛେମା କାମ୍ନା ଚିନା ଘି ଲାଗାନ୍ ଆରୁ ପାବୁ ମାଲ୍ଲା ଦିନ୍, ତା ନିଙ୍ଘାଏ ହିଁ ଇଛା ପୁରା ମାନୁ ।“ ଯୀଶୁ ମୁରୁଖ ପାରିସାନ୍ ରାଚାସ୍ ଆରୁ ହୁସ୍କୀ ଗୋରାମ୍ ହେଁସୁ ଘି ଟିପା ଘି ସାମାନ୍ ରାଚାଦ୍ । ହୁସିନ୍ ତାକାତବୋର୍ ଚିୟାଗେ ଲାଗାନ୍ ପାରମେଶ୍ୱରସ ଅଣ୍ଟା ସରଗ୍ ଦୂତ୍ ବୋନ୍ ତାଇୟାସ୍ ।
ଜାମା ବାକେନ୍ ବିନ୍ତି ଘି ପାଛ୍ଲି, ଯୀଶୁ ନିଜର୍ ଚେଲାର୍ ଘି ଚାହାଁ ଗେ କିର୍ଦାସ୍ , ଲେକିନ୍ ହୁବ୍ଡ଼ାର୍ ହାନ୍ଦ୍ରାର୍ କେର୍ କା ଚାର୍ । ଯେବାକେନ୍ ଯୀଶୁ ତିସ୍ରା ଥର୍ କିରିୟାସ୍ସ୍ତା ଯୀଶୁସ୍ ତେଙ୍ଗିୟାସ୍, “ଜାଗ୍ରା କାଲା! ଏଙ୍ଘାଁଏ ଧାର୍ତୁର୍ ଇ ସାନ୍ ରାନାର୍ ।”
ୟହୁଦୀ ଅଗୁୱାର୍, ସେନାର, ଆରୁ ଅଣ୍ଟା ବାଡ଼୍କା ଭୀଡ଼୍ ସାଙ୍ଗେନୁ ୟହୁଦାସ୍ ବାର୍ଚାସ୍ । ହୁବ୍ଡ଼ାର୍ ତାଲ୍ୱାର୍ ଗୁଠି ଆରୁ ଲାଠି ଗୁଠି ଅନ୍ଦର୍ କା ଚାର୍ । ୟହୁଦାସ୍ ଯୀଶୁସ୍ ଘି ଚାହାଁ ବାରିକିର ହୁସିନ୍ ତେଙ୍ଗିୟାସ୍,“ ହେ ଗୁରୁ, ଜୋହାର,” ଆରୁ ହୁସିନ୍ ଚୂମା କାମାଚାସ୍ । ହୁସିନ୍ ଗିରଫ୍ତାର୍ କାମୁରୁ ଆଲାସିନ୍ ୟହୁଦୀ ଆଗୁୱାସ୍ ସାନ୍ ପ୍ରଗଟ କାମାଗେ ଲାଗାନ୍ ଏନ୍ନେ କାମ୍ଚ୍କାଚାସ୍ । ବାକେନ୍ ଯୀଶୁସ୍ ତେଙ୍ଗିୟାସ୍, “ହେ ୟହୁଦା, ଏନ୍ଦେର ନିନ୍ ଅଣ୍ଟା ଚୁମାସ୍ତିନ୍ ଏଙ୍ଘାନ୍ ଧାର୍ତାଲ ଦାଏ ?“
ଯେବାକେନ୍ ହୁବ୍ଡ଼ାର୍ ସେନାର୍ ଯୀଶୁସ୍ ସିନ୍ ଧାରାଲାର୍, ତା ପାତ୍ରସ୍ ନିଜର ତାଲ୍ୱାର୍ ବୋନ୍ ଅଥ୍ରାସ୍ ଆରୁ ମହାଯାଜକସ୍ ଘି ଅଣ୍ଟା ସେବକ୍ସ୍ କି ହେବଦାନ୍ ମୁର୍କେ ଚାସ୍ । ଯୀଶୁସ୍ ତେଙ୍ଗିୟାସ୍,“ ତାଲୱାର ବୋନ୍ ଗେଚ୍ଛା କାମା ! ଏନ୍ ନିଜର ବୁଆସ୍ତିନ୍ ଏଙ୍ଘାଏ ବାଛାବାଗେ ଲାଗାନ୍ ସ୍ୱରଗଦୂତ୍ ଘି ଅଣ୍ଟା ସେନା ଘି ଲାଗାନ୍ ବିନ୍ତି କାମା ଅଙ୍ଗନ୍ । ଲେକିନ୍ ଏଙ୍ଗାଗେ ଏଙ୍ଘାଏ ବୁଆସ୍ ଘି କାତ୍ଥା ମାନ୍ନା ରାଇଦ୍ ।“ ବାକେନ୍ ଯୀଶୁସ୍ ହୁ ଆଲାସ୍ ଘି ହେବ୍ଦାବୋନ୍ ବାନେ କାମ୍ଚେଇଚାସ୍ । ବାକେନ୍ ଜାମା ଚେଲାର୍ ବୁଙ୍ଗାର ଚିଇଚାର୍ ।
ମାଥିଉ ୨୬:୧୪-୫୬; ମାର୍କ ୧୪:୧୦-୫୦; ଲୂକ୍ ୨୨:୧-୫୩; ଯୋହନ ୧୨:୬; ୧୮:୧-୧୧ ସ୍ତିନ୍ ଅଣ୍ଟା ବାଇବାଲ୍ ଘି କାଥ୍ ନୀ
Free to use, adapt, and share under an open license (CC BY-SA 4.0).