49. ପାରମେଶ୍ୱରସ୍ ଘି ପୁନା କାତଥା

ଅଣ୍ଟା ସ୍ୱରଗ ଦୂତଦ୍ ଅଣ୍ଟା ଜୁୱାନ୍ କୁକାଏ ମାରିୟାମ୍ ବୋନ୍ ତେଙ୍ଗିୟାଦ୍ କା ହୁ ପାରମେଶ୍ୱରସ୍ ଘି ହଦୁସିନ୍ ଜନମ ଚିୟ । ହୁଦ ଆକୁନ୍ ଡ଼ିଣ୍ଡା ରାଚାଦ୍, ଲେକିନ୍ ପବିତ୍ର ଆତ୍ମା ହୁଦ୍‌ଘି ଚାହାଁ ବାର୍‌ଚା ଆରୁ ହୁଦ୍ ପୁଟ୍‌ରୀ ମାଞ୍ଚାଦ୍ । ହୁଦ୍ ଅଣ୍ଟା ହାଦ୍ଦୁ ସିନ୍ ଜନମ ଚିଇଚାଦ ହୁସ୍ ଘି ନାମେ ହୁଦ୍ ଯୀଶୁ ଉଇୟା । ଇଦ୍‌ଘି ଲାଗାନ୍, ଯୀଶୁ ପାରମେଶ୍ୱର୍ ଆରୁ ଆଲର୍ ଦୁଇ ଲୋର୍ ଆତଲନାର୍।

ଯୀଶୁସ୍ ଜୁକ୍କୁନ୍‌ତି ଚମତ୍‌କାର କାମ୍‌ଚ୍‌କା ଦାସ୍ ନେର୍ ଏରକାନା କା ହୁସ୍ ପାରମେଶ୍ୱରସ୍ ହୁସ୍ ଆମ୍ମୁ ମିୟାଁ ଏକିୟାସ୍ ଆରୁ ଆନ୍ଧି ବୋନ୍ ସାନ୍ତି କାମଚାସ୍ । ହୁସ୍ ମୁରୁଖ୍ ନ୍ତି ବିମାର୍ ଆଲାରିନ୍ ବାନେ ନାଞ୍ଚାସ୍ ଆରୁ ଜୁକ୍କୁସ୍ତିନ୍ ଆଲାରସ୍ତିନ୍ ଭୂତତୁଗୁଠିନ୍ ଅଥ୍‌ରାସ୍, ହୁସ୍ କେଚ୍‌କା ଆଲାରିନ୍ ଉଜ୍‌ତାଚାସ୍ , ଆରୁ ହୁସ୍ ପାଞ୍ଚଟା ଆସ୍‌ମା ଆରୁ ଜୋଡ଼େ ଇଞ୍ଜୋ ୫୦୦୦ ଆଲାରିନ୍ ଅନ୍‌ନ୍ତାଗେ ବାରାବାରି ଅନ୍ନା ବୋନ୍ ନୁ ବାଦ୍‌ଲାଚାସ୍ ଚିଇଚାସ୍ ।

ଯୀଶୁସ୍ ଅଣ୍ଟା ବାଡ଼୍‌କା ମାଷ୍ଟର ଭି ରାଚାସ୍ । ଜେନ୍‌ଟା ଭି ହୁସ୍ ଶିଖା ବାଚାସ୍, ହୁ ହୁସ୍ ଶୁଦ୍ଧ ତିନ୍ ଶିଖାବାଚାସ୍ । ଜେନ୍ ହୁ ଆଲାରିନ୍ କାମାଗେ ତେଙ୍ଗ୍‌ଦାସ୍ ହୁସ୍ ହୁବ୍ଡ଼ାର୍‌ଗେ କାମ୍‌ନା ରାଇଦ୍ ଏନ୍ଦେର୍‌ଗେ କା ହୁର୍ ପାରମେଶ୍ୱରସ୍ ଘି ହାଦୁସ୍ । ଉଦାହରଣ ଘି ଲାଗାନ୍, ହୁସ୍ ଶିଖାବାଲାସ୍ କା ନିମାରିନ୍ ଦୁସରା ଆଲାରିନ୍ ହୁଦ୍‌ଘି ନିୟମ୍‌ସ୍ତିନ୍ ପ୍ରେମ୍ କାମ୍‌ନା ଘି ଜରୁରୀ ରାଇଦ୍ ଯେସ୍‌କେ ନିମ୍ ନିଜରବନ୍ ପ୍ରେମ୍ ନାନ୍ଦାର୍ ।

ହୁସ୍ ଏନ୍ନେ ହିଁ ଶିଖାବାଚାସ୍ କା ନିମାଗେ ଜାମ ଜିନିସ୍ ଗୁଠିସ୍ତିନ୍ ବାଗଗେ ଆରୁ ନିଜର ଧାନ୍ନୁ ସ୍ତିନ୍ ଭି ବାଗେ ପାରମେଶ୍ୱରସିନ୍ ପ୍ରେମ୍ କାମ୍‌ନା ରାଇଦ୍ ।

ଯୀଶୁସ୍ ତେଙ୍ଗିୟାସ୍ କା ସଂସାର ନୁ ଏନ୍ଦ୍‌ରିନ୍ ଭି ଜିନିଷବନ୍ ହାକ୍‌ଖନ୍‌ସ୍ତିନ୍ ବାଗେ ବାନେ ରାଇ ପାରମେଶ୍ୱରସ୍ ଘି ରାଜିନୁ ମାନ୍ନା । ହୁସ୍‌କୀ ରାଜିନୁ ନିମାଗେ କରନା ଘି ଜରୁରୀ ରାଇଦ୍ କା ପାରମେଶ୍ୱର ନିମାରିନ୍ ନିମାଏ ପାପ୍‌ସ୍ତିନ୍ ବାଚାବୋସ୍ ।

ଯୀଶୁସ୍ ତେଙ୍ଗିୟାସ୍ କା କିଛି ଆଲାର ହୁସିନ୍ ଗ୍ରହଣ କାମୋର । ପାରମେଶ୍ୱର ହୁବ୍ଡ଼ା ଆଲରିନ୍ ବାଛାବସ୍ । ଲେକିନ୍ ଦୁସ୍‌ର ଆଲାର୍ ହୁସିନ୍ ଗ୍ରହଣ ମା’ କାମୋର୍ । ହୁସ୍‌ ଏନ୍ନେ ଭି ତେଙ୍ଗିୟାସ୍ କା କିଛି ଆଲାର୍ ବାନେ ଏହେଁଲା ଘି ସାମାନ ରାନାର୍, ଏନ୍ଦେର ଗେ କା ହୁବ୍ଡ଼ାର ଯୀଶୁସ୍ ଘି ବାରେନୁ ବାନେ ଜାନ୍‌କାରୀ ବୋନ୍ ଗ୍ରହଣ କାମ୍‌ନାର ଚିଇନାର୍, ଆରୁ ପାର୍‌ମେଶ୍ୱର ହୁବ୍ଡ଼ାରିନ୍ ବାଛାବା ଦାସ୍ । ଲେକିନ୍ କିଛି ଆଲାର ପାବୁ ଘି କଠୋର ଏହେଁଲା ଘି ସାମାନ୍ ରାନାର୍ । ପାରମେଶ୍ୱରସ୍ ଘି ବାଚାନ୍ ମାଞ୍ଜିଘି ସମାନ୍ ପାବୁନୁ ଖାତାରିଦ୍; ଲେକିନ୍ ହୁସାନ୍ କିଛି ଭି ମା’ କୁନ୍ଦିଦ୍ । ଇବଡ଼ା ଆଲାର୍ ଯୀଶୁସ୍ ଘି ବାରେନୁ ଜାନ୍‌କାରୀ ବନ୍ ଗ୍ରହଣ ମା’ କାମ୍‌ନାର ଚିଇନାର୍ । ହୁବ୍ଡ଼ାର ହୁସ୍‌କୀ ରାଜିନୁ କରାଗେ ଇନ୍‌କାର କାମନାର୍ ଚିଇନାର୍ ।

ଯୀଶୁସ୍ ଶିଖାବାଚାସ୍ କା ପାରମେଶ୍ୱର ପାପିରିନ୍ ମୁରୁଖ୍ ପ୍ରେମ୍ କାମ୍ ଦାସ୍ । ହୁସ୍ ହୁବଡ଼ାରିନ୍ ମାପ୍ କାମାଆଗେ ଚାହାଲ୍ ଦାସ୍ ।ଆରୁ ହୁବଡାରିନ୍ ନିଜର୍ ସାନ୍ତାନ୍ ବାନାବାଗେ ଚାହାଲଦାସ୍ ।

ଯୀଶୁସ୍ ଏନେ ଭି ତିଙ୍ଗିୟାସ୍ କା ପାରମେଶ୍ୱର ପାପ୍‌ବୋନ୍ ହାଣ୍‌ଦାସ୍, ଏନ୍ଦେରଗେ ଆଦମ୍ ଆରୁ ହାୱାଦ୍ ପାପ୍ କାମ୍‌ଚାର୍, ଇଦ୍‌ଘି ଲାଗାନ୍ ହୁବ୍ଡ଼ାର୍ ଗି ଜାମା ବାଉଁଶାର୍‌ଗୁଠିର୍ ଭି ପାପ୍ କାମ୍‌ଚାର୍ । ଇ ସଂସାରନୁ ରାନା ବାଲା ହାର୍ ଅନ୍ଟା ଆଲାର୍ ପାପ୍ କାମନାର୍ ଆରୁ ପାରମେଶ୍ୱରସ୍ ସ୍ତିନ୍ ଗେଛ୍ଛା ମାନନାର୍ କାନାର୍ ।ହାର ଅଣ୍ଟା ଆଲାର୍ ପାରମେଶ୍ୱରସ୍ ଘି ଶତ୍ରୁର୍ ।

ଲେକିନ୍ ପାରମେଶ୍ୱରସ୍ ଇ ସଂସାରନୁ ରୁର୍ ହାର୍ ଅଣ୍ଟାସିନ୍ ଇ ରିତିନୁ ପ୍ରେମ୍ କାମ୍‌ଚାସ୍ । ହୁସ୍ ନିଜର ଅଣ୍ଟାଟୁଖା ହାଦ୍ଦୁସିନ୍ ଚିଇଚାସ୍ ଲେକିନ୍ ପାରମେଶ୍ୱର୍ ହୁବ୍ଡ଼ାରିନ୍ ଦଣ୍ଡ୍ ମା’ ଚିଇଦାସ୍ ଜେନ୍ ହୁସ୍‌କୀ ମିଆଁ ବିଶ୍ୱାସ୍ କାମ୍‌ନାର୍ । ଇଦ୍‌ଘି ଚାଲତେ, ହୁବ୍ଡ଼ାର୍ ହୁସ୍‌କୀ ସଙ୍ଗେନୁ ଜାମା ବାକେନ୍ ରୋର୍ ।

ନିନ୍ ଖିନା ଘି ଯୋଗ୍ୟ ରାଦାଏ, ଏନ୍ଦେର୍ ଗେ କା ନିମ୍‌ଗୁଠି ପାପ୍ କାମ୍‌ଚ କାଦାର । ନିମାରିନ୍ ପାରମେଶ୍ୱରସ୍ ଘି ଖିସାର୍‌ନା ମାନ୍ନା ଉଚିତ୍ ରାଇଦ୍; ହୁଦ୍‌ଘି ଚାଲ୍‌ତେ, ହୁସ୍ ଯୀଶୁସ୍ ଘି ମିଆଁ ଖିସାରାସ୍ କେରାସ୍ । ହୁସ୍ ଯୀଶୁସିନ୍ କ୍ରୁସ୍‌ ନୁ ଖିନା ଦଣ୍ଡ୍ ଚିଚାର୍ ।

ଯୀଶୁସ୍ ପାପ୍ ମାଲ୍ଲାନାନୁସ୍; ଲେକିନ୍ ହୁବ୍ଡ଼ାର୍ ପାରମେଶ୍ୱରସିନ୍ ଦଣ୍ଡ ଚିଇୟାଗେ ଚିଇଚାସ୍ । ହୁସ୍ ଖିନା କାନା ଘି ସ୍ୱୀକାର୍ କାମ୍‌ଚାସ୍ । ଇ ନିୟମ୍‌ସ୍ତିନ୍, ନିମାଏଁ ପାପ୍‌ବଦ୍ ଆରୁ ଇ ସଂସାରନୁ ରୁର୍ ଜାମା ଅଣ୍ଟା ଆଲାରଘି ପାପ୍ ବୋନ୍ ଉଠାବାଗେ ହୁସ୍ ଅଣ୍ଟା ପବିତ୍ର ବାଲିଦାନ୍ ରାଚାସ୍ । ଯୀଶୁସ୍ ଖୁଦ୍ ହି ପାରମେଶ୍ୱରସ୍ ଗେ ବାଲିଦାନ୍ କାମ୍‌ଚା ଚିଇଚାସ୍, ଇଦ୍‌ଘି ଲାଗାନ୍ ପାରମେଶ୍ୱର ଏନ୍ଦ୍ରିର୍‌ନ୍ ପାପବନ୍, ଏତ୍‌କତୋକ୍ କା ଭାୟାନାକ୍ ପାପବୋନ୍ ଭି ମାପ୍ କାମ୍‌ଦାସ୍ ।

ଭାଲେ ହି ନିମ୍ ଜୁକ୍କୁସ୍ତିନ୍ ବାନେ ନାଲ୍‌ଖୁନ୍ ନାନାଲ୍‌ଦାର, ତା ହୁଦ୍‌ଘି ଚାଲ୍‌ତେ ପାରମେଶ୍ୱର ନିମାହାରିନ୍ ମା’ ବାଚା ବାଦାସ୍ । ହୁସ୍‌ଘି ସାଙ୍ଗେ ମାନାଗେ ଲାଗାନ୍ ଏନ୍ନେ କିଛି ଭି ମାଲ୍ଲା ରୁଦ୍ ଜେନ୍ ନିମ୍ କାମାଗେ ଅଙ୍ଗର୍ । ଇଦ୍‌ଘି ବାଦ୍‌ଲା, ନିମ୍ ବିଶ୍ୱାସ୍ କାମ୍‌ନା ରାଇଦ୍ କା ଯୀଶୁସ୍ ପାରମେଶ୍ୱରସ୍ ଘି ହାଦ୍ଦୁସ୍, ଆରୁ ହୁସ୍ ନିମାଏଁ ବାଦ୍‌ଲିନୁ କ୍ରୁସ୍ ମିଆଁ କେଚାସ୍, ଆରୁ ଏନ୍ନେ ଭି ପାରମେଶ୍ୱରସ୍ ହୁସିନ୍ ଆରୁସ୍ତିନ୍ ଉଜତାଚାସ୍ ଚିଇଚାସ୍ । ଲେକିନ୍ ନିମ୍ ଇଦ୍‌ଘି ମିଆଁ ବିଶ୍ୱାସ କାମ୍‌ର, ତା ପାରମେଶ୍ୱରସ୍ ନିମାଏଁ ପାପବୋନ୍ ମାପ୍ ନାନୋଚସ୍ ।

ପାରମେଶ୍ୱର ହୁସ୍ ହାର ଅଣ୍ଟା ଆଲାସିନ୍ ବାଚାବୋସ୍ ଜେନ୍ ଯୀଶୁସ୍ ଘି ମିଆଁ ବିଶ୍ୱାସ୍ କାମ୍‌ନାର୍ ଆରୁ ହୁସିନ୍ ନିଜର ପ୍ରଭୁ ଗ୍ରହନ୍ କାମ୍‌ନାର୍ । ଲେକିନ୍ ହୁସ୍ ହୁବଡାରିନ୍ ମା ବାଚାବାଦାସ୍ । ନେର୍ ହୁସ୍ ଘି ମିୟାଁ ବିଶ୍ୱାସ୍ ମା’ ଉଇନାର୍ । ଇଦ୍ ନେର୍ ଭି ମାଇନେ ମା ଉଇନାର୍ କା ନିମ୍ ଧନୀ ୟା, ଗରୀବ, ଆଲାସ୍ ୟା ମୁକ୍କାଦ୍, ପାଚ୍‌କି ୟା ଡ଼ିଇଣ୍ଡା, ଆରୁ ନିମ୍ ଏକାସାନ୍ ରାଦାର୍ । ପାରମେଶ୍ୱର ନିମାରିନ୍ ପ୍ରେମ୍ କାମ୍‌ଦାସ୍ ଆରୁ ଚାହାଦାସ୍ କା ନିମ୍ ଯୀଶୁସ୍ ଘି ମିଆଁ ବିଶ୍ୱାସ୍ କାମା କା ହୁସ୍ ନିମାଁଏ ସାଂଗେ ମାନୋସ୍ କୋସ୍ ।

ଯୀଶୁସ୍ ନିମାରିନ୍ ମେହାଁଲ୍ ଦାସ୍ କା ହୁସ୍ ଘି ମିୟାଁ ବିଶ୍ୱାସ୍ କାମ ଆରୁ ବାତସ୍ମା ହୁଆଁ । ଏନ୍ଦେର୍ ଗେ କା ନିନ୍ ବିଶ୍ୱାସ୍ କାମଲଦାର୍ କା ପାରମେଶ୍ୱରସ୍ ଘି ଅଣ୍ଟା ଟୁଖା ହାଦ୍ଦୁସ୍ ,ଯୀସୁସ୍ ହି ମାସିହୀସ୍ ?ଏନ୍ଦେର୍ ନିମ୍ ବିଶ୍ୱାସ୍ କାମଲଦାର୍ କା ନିମ୍ ଅଣ୍ଟା ପାପିର୍ ଆରୁ ଇ ଭି ନିମ୍ ପାରମେଶ୍ୱରସ୍ ଘି ତାରତି ନିମାରିନ୍ ଦଣ୍ଡ ଚିନା ଘି ଲାଏକ୍ ରାଦାର୍ ?ଏନ୍ଦେର୍ନିମ୍ ବିଶ୍ୱାସ କାମଲଦାର୍ କା ନିମହାଁର୍ ଘି ପାପ୍ ବୋନ୍ ମିଟାବାଗେ ଯୀସୁସ୍ କୁରୁସ୍ ନୁ ଖିଦାସ୍ କାଦାସ୍ ?

ଲେକିନ୍ ନିମ୍ ଯୀଶୁସିନ୍ ଆରୁ ଜେନ୍ ହୁସ୍ ନିମାଏଁ ଲାଗାନ୍ ନାଚ୍‌କାଦାସ୍ ହୁସ୍ ଘି ପିଆଁ ବିଶ୍ୱାସ କା ମାଲ୍‌ଦାର୍, ତା ନିମ୍ ଅଣ୍ଟା ମାସିହିର୍ । ସାଇତାନ୍ ନିଜର ଉହା ଘି ରାଜିନୁ ଆକ୍କୁନ୍ ନିଘାଏଁ ମିଆଁ ଶାସନ ମାଲ୍ଲା କାମୁଦ୍ । ଆକୁନ୍ ପାରମେଶ୍ୱର ନିଜର ପ୍ରକାଶ ଘି ରାଜିନୁ ଏନ୍ ନିମ୍ହାଁ ମିୟାଁ ଶାସନ କାମାଲସ୍ । ହୁସ୍ ନିମାରିନ୍ ପାପ୍ କା ମାଗେ ରକ୍‌ଚା ଚିଇଚ୍ କା ଦାସ୍ ; ଜେସ୍ କେ ନିମ୍ କାମାଲ୍ କାର । ହୁସ୍ ନିମ୍ ହାରିନ୍ ଅଣ୍ଟା ପୁନା, ଉଚିତ୍ ଜୀବନ୍ ଚିଇଚାସ୍ ।

ଲେକିନ୍ ନିମ୍ ଅଣ୍ଟା ମାସିହିର୍ ତା ଜେନ୍ ଯୀଶୁସ୍ ହିଁ କାମ୍‌ଚକା ଦାସ୍ ହୁଦ୍‌ଘି ଲାଗାନ ପାରମେଶ୍ୱରସ୍ ନିମାଏଁ ପାପ୍‌ବନ୍ ମାଫ୍ ନାଞ୍ଚାସ୍ ଚିଇଚାସ୍ । ଆକୁନ୍, ପାରମେଶ୍ୱର ଅଣ୍ଟା ବାଇରି ଘି ଚାଲତେ ନିମାଏଁ ଅଣ୍ଟା ଗେହେରା ସାଙ୍ଗେ ମାନାଲ୍‌ଦାସ୍ ।

ଲେକିନ୍ ନିମ୍ ପାରମେଶ୍ୱରସ୍ ଘି ସାଙ୍ଗେର୍ ଆରୁ ପ୍ରଭୁ ଯୀଶୁସ୍ ଘି ସେବକ ତା ନିମ୍ ହୁ କାତଥାବୋନ୍ ପାଳନ୍ କାମାଗେ ଇଚ୍ଛା କାମୋର୍ ଜେନ୍ ଯୀଶୁସ୍ ନିମାରିନ୍ ଶିଖାବା ଦାସ୍ । ଭାଲେ ହି ନିମ୍ ଅଣ୍ଟା ମାସିହିର୍, ସୈତାନ ଆକୁନ୍ ଭି ପାପ୍ କାମାଗେ ନିମାରିନ୍ ବିଡ୍‌ଚେଚେ ଏରୋଦ୍ । ଲେକିନ୍ ପାରମେଶ୍ୱରସ୍ ଜାମାବାକେନ୍ ହୁବୋନ୍ କାମଦାସ୍ ଜେନ୍ ହୁସ୍ ତେଙ୍ଗଦାସ୍ କା ହୁସ୍ କାମୋସ୍ । ହୁସ୍ ତେଙ୍ଗଦାସ୍ କା ଲେକିନ୍ ନିମ୍ ନିଜର ପାପବୋନ୍ ମାନୋର୍, ତା ହୁସ୍ ନିମାରିନ୍ ମାଫ୍ କାମୋଚସ୍ । ହୁସ୍ ନିମାରିନ୍ ପାପ ଘି ବିରୁଦ୍ଧ ନୁ ଲାଢ଼େଇ କାମାଗେ ଶାକ୍ତି ଚସ୍ ।

ପାରମେଶ୍ୱରସ୍ ନିମାରିନ୍ ବିନ୍ତି କାମାଗେ ଆରୁ ହୁଦ୍‌ଘି ବାଚାନ୍ ବୋନ୍ ପାଢାଗେ ତେଙ୍ଗାଲଦାସ୍ । ହୁସ୍ ନିମାରିନ ଦୁସ୍‌ରା ବିଶ୍ୱାସୀ ଗୁଠିର୍ ଗାନେ ମିଳ୍‌ରିକିରି ହୁସ୍ ଘି ଆରାଧନା କାମାଗେ ତେଙ୍ଗାଲଦାସ୍ । ନିମାରିନ୍ ଦୁସ୍‌ରା ଆଲାରିନ୍‌ ଭି ତେଙ୍ଗ୍‌ନା ରାଇଦ୍ କା ହୁସ ନିମାଏଁ ଲାଗାନ୍ ଏନ୍ଦେର କାମ୍‌ଚକା ଦାସ୍ । ଲେକିନ୍ ନିମ୍ ଇ ଜାମା ନାଲ୍‌ଖୁ ବୋନ୍ କାମା ତା ନିମ୍ ହୁସ୍‌କୀ ଅଣ୍ଟା ପାକ୍କା ସାଙ୍ଗେ ମାନର୍ କୋର୍ ।