8. ପାରମେଶ୍ୱରସ୍ ୟୁସୁଫ୍ ଆରୁ ହୁସ୍ ଘି ପରିବାର୍ ବୋନ୍ ବାଚା ବାଦାସ୍

ଇୟଁ ବଛର୍ ଘି ବାଦ୍‌ନୁ, ଯେବାକେନ୍ ୟକୁବସ୍ ପାଚ୍ କି ମାନ୍ ଚାସ୍ କେର୍ କା ଚାସ୍, ତା ହୁସ୍ ନିଜର୍ ପିୟାର୍ କୁକ୍କସ୍ ୟୂସୁଫ୍ ହୁସ୍ ଘି ଭାଇ ଗୁଠିର୍ ଘି ଯାଞ୍ଚ୍ ପାର୍ତାଲ୍ କାମାଗେ ତାଇୟାସ୍ ଯେ ଗୁଠି ଘି ଝୁଁଡି଼ ବୋନ୍ ଦେଖ୍ ଭାଲ୍ କାମାଲାର୍।

ୟୁସୁଫ୍ ଘି ଭାଇ ଗୁଠିର୍ ହୁ ସିନ୍ ହିସିଂଗା କାମାଲାର୍ ଏନ୍ଦେର୍ ଗେ କା ହୁବଡ଼ାର୍ ଘି ତାମ୍ବାସ୍ ହୁ ସିନ୍ ବାଗ୍ ଗେ ପିୟାର୍ କାମାଲାସ୍ ଆରୁ ଏନ୍ଦେର୍ ଗେ କା ୟୁସୁଫ୍ ସାପ୍ନା ଏରାଲାସ୍ ହୁସ୍ ହୁବଡ଼ାର୍ ଘି ଶାସକ୍ ମାନୋ କୋସ୍। ଯେ ବାକେନ୍ ୟୁସୁଫ୍ ନିଜର୍ ଭାଇ ଗୁଠିର୍ ଘି ଚାହାଁନୁ କେରାସ୍ ବାକେନ୍ ତା ହୁବଡ଼ାର୍ ହୁ ସିନ୍ ହିଁ କିରି ଆରୁ ହୁ ସିନ୍ ଦାସ୍ ଗୁଠିର୍ ଘି ବେପାର୍ କାମୁ ଆଲାର୍‌ଗେ ବିସେଚାର୍।

ଏଡ଼ପା କିର୍ନା ଘି ଆଗ୍ଲି ୟୁସୁଫ୍ ଘି ଭାଇ ଗୁଠିର୍ ୟୁସୁଫ୍ ଘି ଚିଢ଼ା ବୋନ୍ ଚାରି କିରି ଏଡ଼ା ଘି ହେଁସୁ ନୁ ଚେଦିୟାର୍ ଚିଚ୍‌ଚାର୍। ଆରୁ ହୁବଡ଼ାର୍ ଚିଢ଼ା ବୋନ୍ ନିଜର୍ ତାମ୍ବାସିନ୍ ଏଦିଆର୍ କା ହୁବଡ଼ାର୍ ଇ ସୋଚାର୍କା ଏକା ଜଙ୍ଗଲ୍ ତା ଜାନ୍ତୁଦ୍ ୟୁସୁଫସ୍ ସିନ୍ ପିଟ୍‌ଟାଚିଦାସ । ୟାକୁବ୍ ମୁରୁକ୍ ଦୁଖୁନୁ ରାଚାସ୍।

ଚେଲା ଚୁଟିଆରିନ୍ ବିସ୍ନା ବାଲାର୍ ହୁ ଆଲାର୍ ୟୁସୁଫ୍ ସିନ୍ ମିଶ୍ର ରାଜି ଅଚ୍ଚାର୍ କେରାର୍। ନିଲ୍ ଜୋଡ଼ୁ ଘି ଖାଣିନୁ ବାଶ୍ରା କେର୍ କା ଚାଦ୍ ମିଶ୍ର ରାଜି ଅଣ୍ଟା ବାଡ଼୍‌କା ଆରୁ ତାକତ୍ ବର୍ ରାଜି ରାଚାଦ୍ ହୁ ଦାସ୍‌ସିନ୍ ବିସ୍ନା ବାଲାର୍ ୟୁସୁଫ୍ ସିନ୍ ଅଣ୍ଟା ଧନୀ ସାର୍କାରି ନାଲ୍ଖୁ କାମ୍ନାବାଲାର୍ ନକର୍ ଘି ରୂପ୍ ନୁ ବିସ୍‌ୟାର୍ ଚିଚାର୍ । ୟୁସୁଫ୍ ନିଜର୍ ମାଲିକସ୍ ଘି ବାନେ ଲେଖାନୁ ସେବା ଗୁଠି କାମ୍ଚାସ୍, ଆରୁ ପାରମେଶ୍ୱର୍ ୟୁସୁଫ୍ ସିନ୍ ଆଶିଷ୍ ଚିଚାସ୍ ।

ହୁସ୍ ଘି ମାଲିକ୍ସ୍ ଘି ଆଲି ବୋନ୍ ୟୁସୁଫ୍ସ୍ ଗାନେ ଚୁତା ଗେ କୋଶିସ୍ କାମାଲାଦ୍, ଲେକିନ୍ ୟୁସୁଫ୍ସ୍ ଇ ଗୁଠିନ୍ ପାରମେଶ୍ୱରସ୍ ଘି ବିରୁଦ୍ଧ୍ ନୁ ପାପ୍ କାମା ଗେ ଇନ୍କାର୍ କାମ୍ ଚେଇ ଚାସ୍ । ହୁଦ୍ ଖିସାରା କେରାଦ୍ ଆରୁ ୟୁସୁଫସ୍ ମିୟାଁ ଝୁଠା ଆରୋପ୍ ଲାଗା ବାଚାଦ୍, ବାକେନ୍ ହୁସ୍ ସିନ୍ ଗିରପ୍ ତାର୍ କାମିକିରି ଥାନାନୁ ତାୟାର୍ ଚିଚାର୍। ଇ ତୋକ୍ କା ଥାନାନୁ ଭି, ୟୁସୁଫ୍ ପାରମେସଶ୍ୱର୍ସ୍ ଘି ସାଙ୍ଗେ ସାଚ୍ଚା ରାଚାସ୍ ଆରୁ ପାରମେଶ୍ୱର୍ସ୍ ହୁ ସିନ୍ ଆଶିଷ୍ ଚିଚ୍ ଚାସ୍।

ଦୁଇ ବଛର୍ ଘି ବାଦ୍ନୁ, ୟୂସୁଫ୍ ଆକ୍କୁନ୍ ତୋକ୍ ଭି ଥାନାନୁ ରାଚାସ୍ ଭାଲେ ହି ହୁସ୍ ନିର୍ଦ୍ଦୋଷ୍ ରାଚାସ୍। ଅଣ୍ଟା ମାହାଁନୁ, ଫିରୋନ୍, ଯେସ୍କେ କା ମିଶ୍ର ଆଲାର୍ ନିଜର୍ ରାଜା ସିନ୍ ଚିର୍ ରା ରାଲାର୍ ହୁସ୍ ଜୋଡ଼େ ସାପ୍ନା ଏରିୟାସ୍ ଜେ ବୋଦ୍ ହୁ ବୋନ୍ ହୁସ୍ ବାଗ୍ଗେ ଛାଟ୍ ପାଟ୍ ରାସ୍ କେରାସ୍ । ହୁଦ୍ ଘି ନେର୍ ଭି ସାମ୍‌ଝାକିରି କିରି ହୁ ସିନ୍ ହୁ ସାପ୍ନା ଘି ଅରଥ୍ ବୋନ୍ ବାତା ବାଗେ ପଲ୍ଲିଆର୍।

ପାରମେଶ୍ୱର୍ସ୍ ୟୁସୁଫ୍ ସାପ୍ନା ଘି ଅରଥ୍ ବୋନ୍ ତେଙ୍ଗନା ଘି ଲାଏକ୍ ବାନା ବାଚ୍କା ଚାସ୍ । ଇ ବାକେନ୍ ଫିରୋନସ୍ ୟୁସୁଫ୍ ସିନ୍ ଥାନା ସ୍ତିନ୍ ନିଜର୍ ଚାହାନୁଁ ମହିୟାସ୍। ୟୁସୁଫସ୍ ହୁ ସିନ୍ ହୁ ସାପ୍ନା ଘି ଅରଥ୍ ତେଙ୍ଗିୟାସ୍ ଆରୁ ତେଙ୍ଗିୟାସ୍ ,”ପାରମେଶ୍ୱର୍ସ୍ ଭାର୍ ପୁରିନୁ ଚାଷ୍ ଗୁଠି ସାତ୍ ବରଷ୍ ତକ୍ ମାନୋଦ୍ ବାଦ୍ନୁ ଆକାଲ୍ ସାତ୍ ବରଷ୍ ତକ୍ ତାଇନା ବାଲା ଆତଲ୍ ଦାସ୍ ।”

ଫିରନ୍ ୟୁସୁଫ୍ ସିନ୍ ବାଗ୍ଗେ ପସନ୍ କାମାଗେ ଲାଗିୟାସ୍ କା ହୁସ୍ ହୁସିନ୍ ମିସ୍ରି ଘି ଦୁସରା ଜାମା ସ୍ତିନ୍ ଶକ୍ତିସାଲି ଆଲାସ୍ ବୋଲି କିରୀ ସେବାନୁ ଉଇୟାସ୍ ।

ୟୁସୁଫ୍ସ୍ ଆଲାରିନ୍ ବାନେ ଚାସ୍ କାମାଗେ ଲାଗାନ୍ ସାତ୍ ବରସ୍ ଘି ଭିତରେ ନୁ ଜୁକକୁ ଲେଖା ଅନାଗେ ଜାମା କାମାଗେ ତେଂଗିୟାସ୍ । ଯେ ବାକେନ୍ ସାତ୍ ବରସ୍ ଘି ମରୁଡି଼ ବାରଚାଦ୍ ବାକେନ୍ ୟୁସୁଫ୍ ଆଲାରିନ୍ ହୁଅନ୍ନା ବୋନ୍ ବିସିୟାସ୍ ତାକି ହୁବଡାର୍ ଘି ଚାହାନୁ ଅନାଗେ ଲାଗାନ୍ ଜାରୁରତ୍ ପୁରା ମାନୋଦ୍ ।

ଇ ଆକାଲ୍ ବୋଦ୍ ମିସ୍ରି ରାଜିନୁ ଖାଲି ମା ରାଚା,ଲେକିନ୍ କାନାନ୍ ରାଜିନୁ ଭି ଭାୟାନାକ୍ ରାଚାଦ୍ ଏକାସାନ୍ ୟାକୁବ୍ ଆରୁ ହୁସ୍ ଘି ପାରିବାର୍ ଗୁଠି ରାଲାର୍ ।

ଇ ଲେଖାନୁ ୟାକୁବସ୍ ନିଜର୍ ସାବସେ ବାଡକା ହାଦୁସିନ୍ ଅନ୍ନାଗେ ହେନ୍ଦାଗେ ଲାଗାନ୍ ମିସ୍ରି ରାଜି ଗେ ତାଇୟାସ୍ । ଯେ ବାକେନ୍ ହୁବଡାର୍ ଅନ୍ନା ହେନ୍ଦ୍ ନା ବାକେନ୍ ୟୁସୁଫ୍ ଘି ଚାହାଁନୁ ଇଲଚାର୍ ବାକେନ୍ ହୁ ଭାଇ ଗୁଠିର୍ ୟୁସୁଫ୍ ସିନ୍ ଚିହ୍ନାଗେ ପଲ୍ଲିୟାର୍ । ଲେକିନ୍ ୟୁସୁଫ୍ ହୁବଡାରିନ୍ ଚିହ୍ନଚାସ୍ ।

ଇ ଗୁଠିନ୍ ମାଲୁମ୍ କାମାଗେ ଲାଗାନ୍ କା ହୁବଡାର୍ ବାଦଲାରର୍ କା ମାଲ୍ଲା ହୁବଡାରିନ୍ ଯାଚ୍ ପାରତାଲ୍ କାମନା ଘି ବାଦନୁ, ୟୁସୁଫ୍ ହୁବଡାରିନ୍ ତେଂଗିୟସ୍,” ଏନ୍ ନିମହା ଭାଇ ୟୁସୁଫ୍ । ଆମ୍ଵା ଏଲଚା । ଯେ ବାକେନ୍ ନିମ୍ ଏଂଗାନ୍ ଦାସ୍ ଘି ରୁପ୍ ନୁଏନ୍ ବିସ୍ରା ଚାକାନ୍ ତା ନିମ୍ ବୁରା କାମାଗେ ଠାନ୍ ଚାକାର୍ଁ, ଲେକିନ୍ ପାରମେଶ୍ୱ ର୍ହୁ ବୁରାଇ ସେ ଭାଲାଇ କାମାଗେ ଲାଗାନ୍ ସହୋୟଗ କାମଚାସ୍ । ବାରା ଆରୁ ମିସ୍ରି ରାକାଲା ତାକି ଏନ୍ ନିମାଗେ ଆରୁ ନିମହା ପାରିବାର୍ ଗେ ଲାଗାନ୍ ଅନାଗେ ଜୁଗାଡ଼ କାମାଗେ ଅଗଂନ୍ ।

ଯେବାକେନ୍ ୟୁସୁଫସ୍ ଘି ଭାଇର୍ ଏଡପା କିରିୟାର୍ ଆରୁ ନିଜର୍ ବାଂଗ୍ ସିନ୍ ବାତାବାଚାର୍ କା ୟୁସୁଫ୍ ଆକକୁନ୍ ତୋକ୍ ଭି ଜିନ୍ଦା ଆତଲଦାସ୍ ବାଚାର୍,ହୁସ୍ ଜୁକକୁ ଖୁସି ମାନଚାସ୍ଁ ।

ହାଲେ ହି ୟାକୁବ୍ ଅଣ୍ଟା ପାଚକୀ ବେସକେ ଆଲାସ୍ ରାଚାସ୍ ଫିର୍ ଭି ହୁସ୍ ନିଜର୍ ପୁରା ପାରିବାର୍ ଗାନେ ମିସ୍ରି ରାଜିଗେ ବୁଂଗା ବାରଚାର୍ , ଆରୁ ହୁବଡାର୍ ହୁସାନ୍ ବାସରାର୍ କେରାର୍ । ୟାକୁବସ୍ ଖିନା ଘି ପାହିଲେ , ହୁସ୍ ନିଜର୍ ଜାମା ହାଦୁରିନ୍ ଆଶିଷ ଚିଚ୍ ଚାସ୍ ।

ୱାଦା ଘି ହୁ ପ୍ରତିଜ୍ଞା ଗୁଠିଦ୍ ଯେ କି ପରମେଶ୍ବରସ୍ ଆବ୍ରାହାମସ୍ ଗାନେ କାମଚାକାଚାସ୍ ଇସାହାକ୍ସ୍ ଘି ମିୟାଁ ଆରୁ ହୁଦ୍ ଘି ବାଦନୁ ୟାକୁବ୍ ,ଆରୁ ହୁଦଘି ବାଦନୁ ହୁସ୍ ଘି ବାର ହାଦରୁଗାନେ ଆରୁ ହୁବଡାର୍ ଘି ପରିବାର୍ ଘି ମିୟାଁ ବର୍ଚାକେରାଦ୍ । ହୁ ବାର ହାଦ୍ଦୁର୍ ଗୁଠିର୍ ଘି ବୋନସର୍ ଇସ୍ରାଏଲ୍ ଘି ବାର ଗୋତର୍ ମାନଚା କେରଦ୍ ।