2. पाप दुनियाँ मेन्य प्रवेश केर रहल छेय|

आदम आरो वोकर कनियाँ परमेश्वर दुवारा वोकरा लेय बानेल गेल उ सुन्दर बगीचा मेन्य खूब खुश रहेय| वोकरा मेन्य कोय कपरा नायं पिनेह रहेय फेरो इ बात नेंय वोकरा सेय कोनो लाज नायं करनें रहेय, किया कि दुनिया मेन्य पाप नायं रहे| उ अक्सर उ बगीचा मेन्य बुलय रहे आरो परमेश्वर सेय गोप केर रहल रहेय|

मगर उ बगीचा मेन्य ऐगो साँप रहेय| उ बहुत धुत रहेय| उ नेन्य उ जलानी सेय पुछलेकेय,” कि सचमुच मेन्य परमेश्वर नायं तोरा इ बगीचा केय कोनो भी गाछ केय फल खाय सेय मना करनें छाव|

उ जलानी नेंय जबाब देलकेय, " परमेश्वर हमरा सेय कहनें छेय कि हम्मे उ भला आरो बुरा केय ज्ञान केय गाछ केय अलावा कोनो भी गाछ केय फल खाय सकेय छिये| परमेश्वर हमरा सेय कहनें छेय कि अगर तोय उ फल केय खाय यावोकरा छू भी,लेभि तेय तोयं मैर जेभी|"

उ साँप उ जलानी केय जबाव देलकेय, " ‘इ सच नायं छिये! तोयं नायं मर्भी| परमेस्वर जानेय छेय की जहिने तोय उ फल केय खैभी, तोय परमेश्वर केय समान होय जैइभी आरो वोकरा समान अच्छा आरो खराब समझेय लागभी|"

उ जलानी नेंय देखलेकेय कि उ फल मन भावना रहेय आरो स्वादिष्ट झलकेय देय रहेय|उ भी समझदार बनेलेय चाहे रहेय यहे लिये उ फल केय तोड़ केय खाय लेलकेय| फेरो उ नेंय आपन दूल्हा केय जे वोकरा साथ रहेय आरो उ फल देल्केय आरो उ नेंय फल खाय लेल्केय|

अचानक सेय वोकर आँख खुल गेलेय आरो ओकरा पता चललेय कि उ नंगा रहेय|आरो उ नेय पत्ता केय एक साथ सीके वोकर कपड़ा बनाकेय उ आपन देह केय झांपेय केय कोशिश करलेकेय|

तब पुरूष आरो वोकर कनिया नेंय उ बगीचा मेन्य बुलते हुये परमेश्वर केय आवाज सुनलकेय| तब उ दुनो परमेश्वर सेय नुकाय गेलेय तब परमेश्वर आदम केय आवाज लगाल्केय तोयं कहाँ छि? तब आदम नेंय जवाब देलकेय हम्मे तोरा बगीचा मेय बुलेयत सुनलिये आरो हम्मे डेर गेलिये किया कि हम्मे नंगा रिहेय| यहे लिये हम्मे नुकाय गेलिये|"

फेरो परमेश्वर नेंय पूछलकेय तोरा केय बतयलको कि तोयं नंगा छि? किया तोंय उ फल खेलिये छि जेकरा खाय के लिए हम्मे तोरा मना करलेय रिहो? मर्द नेंय कहल्केय तोयं हमरा जे जलानी देले रहो उ ही जलानी नेंय हमरा फल खाय लेय देलेय रहेय तब परमेश्वर नेंय जलानी सेय पुछलेकेय तोयं इ कि करलिः? तब उ जलानी बोललेय साँप नेंय हमरा धोखा दाय दलकेय|

परमेश्वर नेंय साँप सेय कहल्केय तोयं शापित छि! तोयं आपन पेट केय बल चलभी आरो मेट चाटभी| तोयं आरो इ जलानी एक दोसर सेय घृणा करभि आरो तोहर संतान आरो वोकर संतान भी एक दोसर सेय घृणा करतेय इ जलानी केय वंश तोरा माथा केय चूईर देतेय आरो तोयं वोकर ऐड़ी केय कटभी|"

तब परमेश्वर नेंय जलानी सेय कहल्केय, " हम्मे तोरा बच्चा जन्माबेय मेय बहुत कस्ट देबो|तोयं आपन दूल्हा केय लालसा करभि आरो उ तोरा पर प्रभुता करतोय|"

परमेश्वर नेंय पुरूष सेय कहल्केय तोयं आपन कनियाँ केय सुनलिः आरो हमर कहल नायं मानलीय| यहे खातिर धरती श्रापित भेलेय आरो तोरा अनाज उगबे लेय तोरा बहुत मेहनत करेलेय परतोय आब तोयं मैयर जैभी आरो तोहर देह मेट मेय मिल जाइतेय| उ मर्द नेंय आपन कनियाँ के नाम हव्वा राखलेकेय जेकर अर्थ हुवेय छेय जीवन देव वाली", किया कि उ सब जाती के माय होतेय| आरो परमेश्वर नेंय आदम आरो हव्वा केय जानवर केय चमरी सेय बनल कपड़ा पैहीने लेकेय|

फेरो परमेश्वर नेंय कहल्केय, " आब अच्चा खराब जानेय सेय मनुष्य हमर तरह भाय गेलेय यहे लिए वोकर जीवन केय गाछ केय फल नायं खाय लेय देना चाही कि उ हमेसा केय लिये जिन्दा रहेय| यहे लिये परमेश्वर नेंय आदम आरो हव्वा केय उ बगीचा सेय बाहर केर देल्केय आरो परमेश्वर नेंय केकरो भी जीवन केय गाछ केय फल खाय सेय उ बगीचा केय गेट पर शक्तिशाली स्वर्गदूतों केय खड़ा केर देल्केय|