23. यीशु का जन्म

यूसुफ नाम केय ऐगो धर्मी आदमी केय संग मरियम केय मगनी होय चुकल रहेय| जब उ नें सुनलेय कि मरियम गर्भवती छेय ते उ जानेय रहेय कि उ वोकर बच्चा नायं छिये| मगर उ मरियम केय बदनाम नायं करेलेय चाहे रहेय यहे लिये उ नें वोकरा पर दया करे केय आरो वोकरा चुप चाप तलाक देय केय लिये सोचलेकेय| मगर ऐकरा सेय पहिने कि उ ऐन करतेय ऐगो स्वर्गदूत नें वोकरा सपना मेन्य आईकेय वोकरा सेय बात कर्लेकेय|

उ स्वर्गदूत नें कहल्केय हे यूसुफ, मरियम केय आपन कनियाँ केय रूप मेन्य लाईकेय आबेय सेय मत डर| वोकर भीतर जे बच्चा छिये उ पवित्र आत्मा केय ओर सेय छिये| उ ऐगो बेटा केय जन्म देतेय| वोकर नाम यीशु राखिये ( जेकर मतलब छिये यहोवा बचाबेय छेय ) किया कि उ लोग केय वोकर पाप सेय बचेतेय|

अतः यूसुफ नें मरियम सेय बिहा कर्लेकेय आरो वोकरा आपन कनियाँ केय रूप मेन्य घर लाइ केय आईलेय मगर वोकर बच्चा केय जन्म देय तक उ वोकर संग नायं सुतलेय|

जब मरियम केय जन्म देय केय समय नजदीक रहेय|तेय उ नें आरो युसूफ नें बैतलहम जाय केय एक लंम्बा यात्रा करलकेय|ओकरा वहाँ जाय लेय ही रहेय किये कि रोमी अधिकार इस्राएल मेन्य रहेय बाला सब लोग केय गिनती करेय लेय चाहेय रहेय| उ चाहेय रहेय कि सब लोग वहाँ जाय जहाँ ओकर पूर्वज रहेय रहेय|राजा दाऊद केय जन्म बैतलहम मेन्य भेल रहेय|आरो उ मरियम आरो युसूफ दुनो केय पूर्वज रहेय|

मरियम आरो युसूफ बेतलहम गेलेय मगर वहाँ जानवर केय राखेय बाला जगह केय अलावा वोकर ठहरय केय लिये कोनो जगह नायं रहेय|वहेय जगह रहेय जहाँ मरियम नें आपन बच्चा केय जन्म देलकेय|उ नें वोकरा चरनी मेन्य सुतायल्केय किये कि वहाँ वोकरा लिये कोय बिछावन नायं रहेय उ नेंय वोकर नाम यीशु राखलकेय|

उ रात वहाँ पास केय खेत मेन्य कुछ चरवहा आपन भेड़ केय झुण्ड केय रखबाली करेय रहेय|अचानक सेय एक चमकदार स्वर्गदूत वोकरा पर प्रकट भेलेय|आरो उ डरी गेलेय|उ स्वर्गदूत नें कहलकेय नें डर किये कि हमर पास तोरा लिये सुभ संदेश छेय|। बैतलहम मेन्य मसीह, प्रभु केय जन्म भेल छेय|

जाय केय उ बच्चा केय खोज कर,आरो तोय ओकरा कपरा मेन्य लपटल रहेय आरो चरनी मेन्य सुतल पईभी ‘’अचानक सेय आकास स्वर्गदूत सेय भेर गेलेय| उ परमेश्वर केय स्तुति केर रहल रहेय| उ नें कहलकेय कि सब महिमा स्वर्ग मेन्य विराजमान परमेश्वर केय मिललेय| पृथ्वी पर उ लोग मेन्य शांति होयतेय जेकर उ चिंता करेय छेय|

तब स्वर्गदूत चेल गेलेय| उ चरवहा भी आपन भेड़ केय छोयर केय बच्चा केय देखयलेय गेलेय| तुरंत ही उ जगह पर पहुंचलेय जहाँ यीशु रहेय आरो उ नें वोकरा चरनी मेन्य सुतल पइलकेय जेना कि उ स्वर्गदूत नें कहनेय रहेय| उ बहुत उत्साहित रहेय|तब उ चरवहा वापस आय गेलेय जहाँ वोकर भेड़ रहेय उ नें जेय कुछ देखलकेय आरो सुनलकेय उ सब केय लिये उ परमेश्वर केय स्तुति करेय रहेय|

पूर्व मेन्य दूर एगो देश मेन्य कुछ मरद रहेय|उ नें सितारा केय अध्ययन करनेंय रहेय आरो वें बहुत बुद्धिमान रहेय| उ नें एगो असामान्य सितारा केय आसमान मेन्य देखलकेय|उ नें कहल केय कि एकर अर्थ छेय कि यहूदिय केय एक नया राजा केय जन्म होल छेय|यहेलिये उ नें उ बच्चा केय देखयलेय आपन देश सेय यात्रा करेय केय निर्णय करलकेय| एक लम्बा यात्रा केय बाद,उ बेतलहम अईलेय आरो उ घर पइलकेय जहाँ यीशु आरो वोकर मांय–बाप रुकल रहेय|

जब ई मरद नें यीशु केय आपन मांय केय साथ देखलकेय तेय उ नें घुटना टेक केय वोकर आराधना करलकेय| उ नें यीशु केय महंगा उपहार देलकेय| फेरो उ घोर वापस चयल गेलेय|