25. शैतान यीशु की परीक्षा करता है

यीशु केय बपतिस्मा हुवेय केय तुरंत बाद ही पवित्र आत्मा वोकरा जंगल मेन्य लाय गेलेय| यीशु वहाँ चालीश दिन आरो चालीश राइत रहेय| उ समय उ नें उपवास कर्लेकेय आरो शैतान नें यीशु केय पास आईकेय पाप करवबेय केय लिये वोकर परीक्षा कर्लेकेय|

पहिने शैतान नें यीशु सेय कहल्केय यदि तोय परमेश्वर केय बेटा छिये तोय इ पत्थर केय रोटी बनाय देहि ताकि तोय खाय सकी|

मगर यीशु नें शैतान सेय कहल्केय परमेश्वर केय वचन मेन्य इ लिखल छेय जीवित रहेय केय लिये लोग केय केवल रोटी केय जरुरी नायं छेय मगर वोकरा हर उ बात केय जरुरी छेय जे परमेश्वर वोकरा सेय कहे छेय|

तब शेतान यीशु केय मंदिर केय सब सेय ऊँचा सीर पर लाय गेलेय| उ नें ओकरा सेय कहलकेय यदि तोंय परमेश्वर केय बेटा छियें तेंय यहाँ सेय निचा कुईद जोय किये कि लिखल छेय परमेश्वर तोरा उठाबेय केय लिये आपन स्वर्गदूत केय आज्ञां देतय कि तोरा पाँव पर पत्थर सेय ठेस नायं लागेय|

मगर यीशु नें उ नायं कर्लेकेय जे शैतान नें वोकरा सेय करे केय लिये कहनें रहेय| ऐकर बाजय उ कहल्केय परमेश्वर हरेक सेय कहे छेय तोय प्रभु आपन परमेश्वर केय परीक्षा नायं करिहे|

फेरो शैतान नें वोकरा संसार केय सब राज्य देखलेकेय| उ नेंय वोकरा देखेलकेय कि उ केतना शक्तिशाली रहेय आरो उ केतना खुश रहेय| उ नें यीशु सेय कहल्केय हम्मे तोरा इ सब देबो यदि तोय घुटना टेक केय हमर उपासना कर।"

यीशु नें जबाब देल्केय हे शैतान हमरा लंग सेय चेल जा! परमेश्वर केय वचन मेन्य उ लोग केय आदेश देय छेय केवल आपन प्रभु परमेश्वर केय आराधना कर| परमेश्वर केय रूप मेन्य केवल वोकरे केय आदर कर|

यीशु नें शैतान केय परीक्षा सेय हार नायं मन्लेकेय यहे लिये शैतान वोकरा लंग सेय चेल गेले| तब स्वर्गदूत यीशु केय सेवा टहल करे लागले|