31. यीशु का पानी पर चलना

पांच हजार लोग केय खाना खिलावय केय बाद, यीशु नेंय आपन चेला सेय नाव मेन्य जाय केय लिये कहलकेय| उ नेंय वोकरा झील केय दोसर तरफ चेल जायकेय लिये कहलकेय जबकि उ थोरे देर केय लिये वहीं रुक गेलेय| अतः चेला चेइल गेलेय आरो यीशु नेय भीड़ केय विदाय केर देल्केय ताकि उ आपन घर जाय| एकर बाद यीशु प्रार्थना करेय केय लिये एक पर्वत पर चेल गेलेय।वहां उ अकेला रहेय आरो उ नेय देर रात तक प्रार्थना करलकेय|

उ समय चेला आपन नाव केय खेपेत हुवे जाय रहल रहेय,लेकिन हवा वोकर विरुद्ध बड़ी जोर से बहय रहेय| बहुत रात होय गेला पर भी उ खाली झील केय बीच में ही पहुँचल रहेय|

उ समय यीशु नें प्रार्थना करनायं समाप्त केर देल्केय आरो आपन चेला केय पास वापस जाय केय लिये शुरू करलेकेय| उ नाव केय तरफ जाय केय लिये पानी केय उपर चलेय लागलेय|

तब चेला नें वोकरा देखलकेय| उ बहुत डेर गेलेय किया कि उ नें सोंचले रहेय कि उ कोनो भुत छिये|यीशु जानय रहेय कि उ डइर गेल रहेय यहे लिये उ नें वोकरा आवाज दायकेय कहलकेय,”डर मत इ हम छिये!”

तब पतरस नें यीशु सेय कहलकेय, " हेय, इ प्रभु यदि तोंय छिये तेय हमरा पानी पर चेलय केय तोरा पास आबेय केय आदेस देंही|यीशु नें पतरस सेय कहलकेय,या!"

अतः पतरस नाव सेय उतर गेलेय आरो यीशु केय लंग जाय केय लिये पानी केय सतह पर चलनायं शुरू कर्लेकेय|लेकिन थोरा दूर जाय केय बाद उ नें आपन आँख केय यीशु सेय फेर लेल्केय आरो लहर केय देखय लागलेय आरो तेज हवा केय महसूस कर्नायं शुरू केर देल्केय|

तब पतरस डेर गेलेय आरो पानी मेन्य डूबेय लागलेय| उ हल्ला करेय लागलेय, "हे प्रभु हमरा बचा!"यीशु नें वहेय समय हाथ बढ़ाय केय वोकरा पाकेर लेलकेय| तब उ नें पतरस सेय कहलकेय,’’तोहर विश्वास बहुत कम छो तोरा सुरक्षित रखाय केय लिये तोंय हमरा पर भरोसा किये नायं कईलिहं?"

तब यीशु आरो पतरस नाव पर चेड गेलेय आरो तुरंत हवा केय बहनायं बंद भाय गेलेय| पानी शान्त होय गेलेय|चेला नें चकित होय केय यीशु केय आगू घुटना टेक देल्केय| उ नें वोकर आराधना करलकेय आरो वोकरा सेय कहलकेय, "सचमुच तोंय परमेश्वर केय बेटा छिंये|