37. यीशु द्वारा लाज़र को मृतकों में से जिलाया जाना

लाजर नाम एक आदमी रहेय|वोकर दुइगो बहिन रहेय जेकर नाम मरियम आरो मार्था रहेय|उ सब यीशु केय घनिष्ठ दोस्त रहेय|एक दिन कोय नेंय यीशु केय बताईलकेय कि लाजर बहुत बीमार रहेय|जब यीशु नें इ सुनलकेय तेय उ नें कहलकेय,’’इ बीमारी लाजर केय मरला केय बाद समाप्त नायं होतय|एकर बजाय, इ लोग केय परमेश्वर केय आदर करेय केय लिये प्रेरित करतेय|”

यीशु आपन दोस्त सेय प्यार करेय रहेय,लेकिन जहाँ उ रहेय वहाँ उ नें दुई दिन तक इंत्जार करलकेय| उ दुई दिन केय बाद उ नें आपन चेला सेय कहलकेय,” याअ वापस यहूदिया केय चलिये|”चेला नें जबाब देलकेय,”लेकिन हे गुरु अभी कुछ हीय देर पहिले वहाँ केय लोग तोरा मारयलेय चाहय रहेय!”यीशु नें कहल केय, “हमर दोस्त लाजर सुइत गेल छेय आरो हमरा वोकरा जगावय केय छेय|”

यीशु केय चेला नें जबाव देलकेय,”, "हे प्रभु, यदि लाज़र सुतल छेय तेय उ ठीक होय जेइतेय|” तब यीशु नें वोकरा सेय स्पष्ट रूप सेय केह देलकेय,”लाजर मोईर गेल छेय| हम आनन्दित छिये कि हम वहाँ नायं रिहेय,ताकि तोंय हमरा पर विश्वास केइर सकेय|”

जब यीशु लाज़र केय गाँव पहुँचलय तेय लाजर केय मोरल पहिलेय सेय ही चार दिन होय गेल रहेय| मार्था यीशु सेय मिलय केय लिये बहार आइलेय आरो कहलकेय, "हे प्रभु, अगर तोंय यहाँ रहतीहेय तेय हमर भाय नायं मोरतीहय|लेकिन हम विश्वास करेय छिये कि जेय कुछ भी परमेश्वर सेय तोंय मंगवेय उ तोरा देतउ|

यीशु नें जवाब देलकेय, "पुनरुत्थान आरो जीवन हम्मे छिये|जेय कोय हमरा पर विश्वास करेय छेय यदि उ मर भी जाय छेय तेय उ जिंदा छेय|जेय कोय हमरा पर विश्वास करेय छेय उ कभी नायं मोरतय|कि तोंय एकरा पर विश्वास करय छि?” मार्था नें जवाब देलकेय, "हे प्रभु, हम विश्वास करेय छिये कि तोंय परमेश्वर केय बेटा मसीह छिये|”

तब मरियम आईलेय। उ नें यीशु केय चरण मेंय गिर केय कहलकेय, "हे प्रभु, यदि तोंय यहाँ रहतीह तेय हमर भाय नायं मोरतिहय।" यीशु नें वोकरा सेय पूछलेकेय,”तोंय लाजर केय कहाँ राखनें छिं?”उ नें वोकरा बतइलकेय कि,”कब्र मेन्य|याअ आरो देख ले।" तब यीशु काने लागलेय|

उ कब्र मेन्य एक गुफा रहेय जेकर द्वार पर एक पत्थर केय लुढ़काल गेल रहेय। जब यीशु कब्र पर पहुँचलेय तेय उ नें वोकरा सेय कहलकेय, "पत्थर केय हंटाय देहीं।"लेकिन मार्था नें कहलकेय कि वोकर मोंरल चार दिन होय गेल छेय|वोकरा मेन्य सेय दुर्गंध आवय हेतय|”

यीशु नें जवाब देलकेय,”कि हम तोरा सेय नायं कहने रिहो कि यदि तोंय हमरा पर विश्वास करे तेय परमेश्वर केय सामर्थ केय देख भी?"यहे लिये उ नें पत्थर केय हटाय देलकेय|

तब यीशु नेय ऊपर स्वर्ग केय ओर देख केय कहलकेय, "हे पिता हमर सुनय केय लिये हम तोहर धन्यवाद करेय छिये|हम जानय छिये कि तोंय हमेसा हमर सुनय छिये,लेकिन हम यहाँ पर खडा इ सब लोग केय सहायता करेय केय लिये कहलियो ताकि इ विश्वास करेय कि तोंय हमरा भेजने छः।" तब यीशु नें आवाज लगाईल केय, "हे लाज़र, बहार निकइल याअ!”

अतः लाज़र बाहर निकेल गेलेय! उ अभी भी कफन मेंय लिपटल रहेय|यीशु नें वोकरा सेय कहलकेय, "इ कफन केय निकालय मेन्य वोकर मदद कर आरो वोकर आजाद कर|”इ चमत्कार केय कारण बहुत सेय यहूदि सब नेय यीशु पर विश्वास करलकेय|

लेकिन यहूदिय केय राजा धार्मिक अगुवा यीशु सेय जलेय लागलेय,यहे लिये उ योजना बनावय केय लिये एक साथ इकट्ठा हुलेय कि केना यीशु आरो लाजर केय मायर देल जाय|