39. यीशु पर मुकद्दमा चलता है

आब इ आधा राइत केय समय रहेय| उ सेनिक यीशु केय महायाजक केय घोर लाईकेय या किया कि उ यीशु सेय सवाल करेय लेय चाहे रहेय| पतरस दूर से वोकर पीछा केर रहल रहेय| जब सैनिक यीशु केय घर मेन्य लाय गेलेय तेय पतरस बहार रुइक केय खुद केय आग सेय गर्म करेय लागलेय|

घर केय भीतर यहूदी अगुवा नें यीशु पर मुकद्दमा चालेल केय| उ वोकर विरुद्ध झूठा बात केय बोलेय केय लिये बहुतेय सेय झूठा गवाह केय लाईकेय आईलेय| हालाँकि वोकर बात एक दोसर सेय सहमत नायं रहेय यहे लिये यहूदी अगुवा इ साबित नायं केर पेलकेय कि उ कोनो बात केय दोषी रहेय| यीशु नें कुछ नायं कहल्केय|

अंतिम मेन्य महायाजक नें सीधा यीशु केय ओर देख केय कहलेकेय हमरा बता कि किया तोयं ही जीवित परमेश्वर केय बेटा मसीह छि?

अंगिका यीशु नें कहल्केय हम्मे छिये आरो तोयं हमरा परमेश्वर केय साथ बैठल हुवेय आरो स्वर्ग सेय आबेत हुवेय भी देख भी| महायाजक नें आपन कपड़ा फाईर लेल्केय किया कि जे यीशु नें कहल्केय उ उ बात पर बहुतेय गुस्सा रहेय| उ दोसर अगुवा पर चिलेलेकेय हमरा इ बात बताबेय केय लिये कोनो आरो गवाह केय जरुरी नायं छे कि इ आदमी नें कि करनें छेय! तोयं नें खुद ही वोकरा इ कहेत सुईन लेनेय छेय कि उ परमेश्वर केय बेटा छिये| वोकरा बारे मेन्य तोहर कि निर्णय छो|

सब यहूदी अगुवा नें महायाजक केय जबाब देल्केय उ मरे केय योग छेय! तब उ नें यीशु केय आँख पर पट्टी बाँध देल्केय वोकरा पर थूकलेकेय वोकरा मारलेकेय आरो वोकर मजाक उड़ेल्केय|

आरो पतरस जब उ घर केय बहार इंतजार केर रहल रहेय| तब एक दासी लड़की नें वोकरा देखलेकेय| उ नें वोकरा सेय कहल्केय तोयं भी यीशु केय संग रही! पतरस नें मना केर देल्केय| बाद मेन्य कोनो दोसर लड़की नें इ बात केय कहल्केय| आरो पतरस नें फेरो सेय मना केर देल्केय| लास्ट मेन्य कुछ लोग नें कहल्केय हमें जाने छिये कि तोयं यीशु केय संग रहेय किया कि तोयं दोनों गालील सेय छि|

तब पतरस नें कहल्केय यदि हम्मे इ मनुष्य केय जानेय छिये तोयं परमेश्वर हमरा श्राप दिये लेकिन ही पतरस केय इ तरह शपथ खाय केय बाद एक मुर्गा नें बाँग देल्केय| यीशु नें पीछू मुड़ केय केय पतरस केय देख्लेकेय|

पतरस वहाँ सेय चेल गेले आरो फूट-फूट केय कानलेय| वेहा टाइम यीशु केय पकरवाबेय बाला यहूदा नें देखलेकेय कि यहूदी अगुवा नें यीशु केय मृत्युदंड देने छेय| यहूदा बहुतेय दुःखी होय गेले आरो जाय केय खुद केय मायर देल्केय|

आब उ देश केय राज्यपाल पिलातुस रहेय| उ रोम केय लिये काम करेय रहेय| यहूदी आगुवे यीशु केय वोकरा लंग लायकेय आईलेय| उ चाहे रहेय कि पिलातुस वोकरा मृत्युदंड दिये आरो वोकरा माईर दिये| तब पिलातुस नें यीशु सेय पूछलेकेय किया तोयं यहूदी सब केय राजा छि?

यीशु नें जबाब देल्केय तोयं सच मेन्य ही कहनें छि| लेकिन हमर राज्य यहाँ पृथ्वी केय नायं छिये| यदि होत्ये तेय हमर दास हमरा लिये युद्ध करतेय| हम्मे पृथ्वी पर परमेश्वर केय बारे मेन्य सही बताबेय केय लिये आईल छिये हर एक आदमी जे सही मेन्य प्रेम करे छिये|उ हमर सुनतेय छेय| पिलातुस नें कहल्केय तेय सही कि छिये?

यीशु केय संग बात करे केय बाद पिलातुस नें बाहर भीड़ केय पास जाय केय कहल्केय हम्मे ऐसन कोय कारण नायं पता कि इ मनुष्य मायर देय जाय केय योग्य छो| लेकिन यहूदी अगुवा आरो भीड़ नें हल्ला केर केय कहल्केय वोकरा क्रूस पर चढ़ाय देहि| पिलातुस नें जबाब देल्केय उ कुछो भी गलत करे केय दोषी नायं छेय| लेकिन उ आरो भी ऊँची आवाज मेन्य हल्ला करे लागलेय| तब पिलातुस नें तीसरा बेर कहल्केय उ दोषी नायं छेय|

पिलातुस दोयर गेलेय कि उ भीड़ दंगा शुरू केर देल्केय यहे लिये उ आपन सैनिक द्वारायीशु केय क्रूस पर चढ़ाबेय केय लिये माईन गेले| रोमी सैनिक नें यीशु केय कोड़ा लगाबेय लागलेय आरो वोकरा राजसी कपड़ा पेनेलकेय आरो वोकर माथा पर काँटा सेय बनाल मुकुट राखलेकेय| तब उ इ केह केय वोकर मजाक उड़ाबेय लागलेय देखि यहूदी केय राजा|