42. यीशु स्वर्ग को लौट जाता है

जेय दिन परमेश्वर नें यीशु केय मरल मेन्य सेय जीवित करनें रहेय,वोकर दूईगो चेला पास केय गांव मेन्य जाय रहल रहेय| चल्तेय हुवेय उ यीशु केय साथ जेय भेल रहेय| वोकर बारे मेन्य बात करेय रहेय,वोकरा आसा रहेय कि उ मसीह रहेय,लेकिन तब भी उ मारल गेल रहेय| आब उ जलानी कहेय छेय कि उ फेरो सेय जीवित होय गेलेय छेय| उ नायं जानेय रहेय कि कोण बात पर विश्वास करनाय छेय|

यीशु नें वोकर पास जाय केय वोकर साथ चलनायं शुरू कर्लेकेय लेकिन उ वोकरा पह्चाईन नायं पाईल केय| उ नें पुछले केय कि उ कि बारे बात केर रहल रहेय| उ नें वोकरा पिछला दिन मेन्य यीशु केय संग हुवल सब घटना केय बारे मेन्य बेतेलकेय| उ नें सोचलेकेय कि उ कोनो परदेसी सेय बात केर रहल रहेय जे कि नायं जाने रहेय किन यरूशलेम मेन्य कि भेल रहेय|

तब यीशु वोकरा समझेलकेय कि परमेश्वर केय वचन मसीह केय बारे मेन्य कि कहेय छेय| बहुतेय पहिनें भविष्यद्वक्ता नें कहनें रहेय कि बुरा लोग मसीह केय पीड़ित करतेय आरो मायर देतेय| लेकिन भविष्यद्वक्तानें इ भी कहनें रहेय कि उ तीसरा दिन जी उठलेय|

जब उ वोकर नगर मेन्य पहुंचलेय जहाँ उ दुई आदमी रुकलेय चाहेय रहेय,तब तक लमसम शाम होय गेल रहेय उ नें यीशु केय वोकर संग रुके केय लिये न्योता देल्केय कि अतः उ वोकर संग एक घोर मेन्य गेलेय| आपन शाम केय भोजन केय खाय केय लिये बैठ गेलेय| यीशु नें एक रोटी केय लेयकेय वोकरा लिये परमेश्वर केय धन्यवाद देलेकेय आरो फेर वोकरा तोरलकेय| अचानक सेय उ नें जायेन गेलेय कि उ यीशु रहेय|लेकिन वहेय समय वोकर आँख सेय ओझल होय गेलेय|

उ दुई आदमी नें एक दोसर सेय कहलकेय "उ यीशु रहेय! यहे लिये जब उ नें हमरा परमेश्वर केय वचन केय समझेय नें रहेय तेय हम बहुत उत्साहित रहेय तुरंत ही उ निकेयल केय वापिस यरूशलेम केय चेइल गेलेय|जब उ पहुंचलेय तेय उ नें चेला केय बतेइल केय कि यीशु जिन्दा छेय! हम्मे वोकरा देखनें छिये!

जब चेला बात करेय रहेय तेय,यीशु अचानक सेय उ घोर मेन्य वोकर साथ प्रकट भेलेय|उ नें कहलकेय तोरा शांति मिलेय!चेला नें सोचल केय कि उ कोनो भूत रीहेय लेकिन यीशु नें कहलकेय कि तोंय किये डरेय छि?तोंय इ किये नायं सोचेय छि कि इ सचमुच मेय हम, यीशु छिये?हमर हाथ आरो गोर केय देख|भूत केय पास ऐहेन देह नायं रहेय छेय जेहेंन हमरा पास छेय|इ देखावय केय लिये कि उ भूत नायं रहेय उ नें खाय लेय कुछ मांगल केय|उ नें वोकरा मछली केय एक टुकरा देलकेय आरो उ नें वोकरा खाय लेलकेय|

यीशु नें कहल केय हमरा बारे मेन्य परमेश्वर केय वचन जेय कुछ भी कहेय छे उ घटित होतय|हम तोरा बताय देने रिहयो कि एकर हुवल जरूरी छेय|तब यीशु नें वोकरा परमेश्वर केय वचन केय अच्छा सेय सझइलेकेय|उ नें कहलकेय बहुत पहीले भविष्यद्वक्ता नें लिखने रहेय कि हम मसीह केय दुःख उठाबेय लेय परतेय मोरय लेय परतेय उ आरो फेरो तीसर दिन मोरल मेन्य सेय जियल उठय लेय परतेय|

उ भविष्यद्वक्ताअ नें इहोय लिखनें रहेय कि हमर चेला परमेश्वर केय वचन केय घोषणा करतेय|उ हर एक केय पश्चाताप करेय लेय बतेइतेय|यदि उ एहेंन करेय छेय तेय परमेश्वर वोकर पाप केय माफ करतेय| हमर चेला इ संदेश केय प्रचार करेय लेय यरूशलेम सेय शुरू करतेय|तब उ सब जगह सब जाती मेन्य जइतेय| तोंय सब हमर हर एक बात केय आरो काम केय गवाह छेंय जेय होम कहने रिहो आरो करनें रिहो आरो उ सब केय भी जेय होमर साथ भेलेय|

पहिलेय चालीस दिन केय दौरान, यीशु आपन चेला पर का्य बार प्रकट भेलेय| एक बार तेय उ एक ही समय मेन्य 500 सेय अधिक लोग पर प्रकट भेलेय| उ नें आपन चेला पर काय तरीका सेय सावित करलकेय कि उ जिन्दा रहेय आरो उ नें वोकरा परमेश्वर केय राज्य केय बारे मेन्य शिक्षा देल्केय|

यीशु नें आपन चेला सेय कहलकेय परमेश्वर नें स्वर्ग आरो धरती केय हर एक आदमी पर शासन करेय केय अधिकार देनेंय छेय|यहा लिये आब हम तोरा सेय कहेय छियो जाय केय सब जाती केय लोग केय चेला बनाय एहेन करेय केय लिये तोरा वोकर बाप बेटा आरो पवित्र आत्मा केय नाम सेय बपतिस्मा देयलेय छेऊ जेय कुछ हम तोरा आज्ञा देने छियो उ सब बात केय मनाय केय भी आरो तोरा वोकरा सिखावय लेय छोअ याद रख हम हमेसा तोहर साथ रहेबउ|

यीशु केय मरल मेन्य सेय जिय उठय केय चालिस दिन केय बाद,उ नेण आपन चेला सेय कहलकेय,”जब तक हमर बाप तोरा सामर्थ नायं देय छेय तब तक यरूशलेम मेन्य रुकल रोह|उ तोरा पर पवित्र आत्मा भेजय केय द्वरा एहेन करतउ तब यीशु नें स्वर्ग मेन्य चेल गेलेय आरो एक बादल नें वोकरा वोकर नजर सेय छुपाय लेलकेय| स्वर्ग मेन्य यीशु सब चीज पर शासन करेय लेय परमेश्वर केय दहिना बगल बईठ गेलेय