49. परमेश्वर की नई वाचा

ऐगो स्वर्गदूत नेंय ऐगो जबान जलानी मरियम सेय कहल केय कि उ परमेश्वर केय बेटा केय जन्म देभी| उ अभी कुँआरी रहेय, लेकिन पवित्र आत्मा वोकरा लंग आइलेय आरो उ गर्भवती हुलेय| उ नेंय ऐगो बेटा केय जन्म देलकेय जैकर नाम उ नेंय यीशु राखलेकेय| यहे लिये यीशु परमेश्वर आरो मनुष्य दुनो छिये|

यीशु नेंय बहुतेय सेय चमत्कार करले केय जै देखाबेय छेय कि उ परमेश्वर छिये| पैन पर चेललेय आरो आँधी केय शांत कर्लेकेय| उ नेय बहुतेय सेय बीमार लोग केय चंगा कर्लेकेय आरो बहुतेय सेय लोग सब मेन्य सेय दुष्टात्मा केय निकाल लेकेय| उ नेंय मरल हुवेय लोग केय जिन्दा केर देल्केय आरो उ नेंय पाँच रोटी आरो दुई मछलि केय 5,000 लोग केय खिलाबेय केय लिये पर्याप्त खाना मेन्य परिवर्तित केर देल्केय|

यीशु ऐगो महान मास्टर भी रिहेय| जे कुछो भी उ नेंय सीखेलकेय उ वोकरा सिद्धता केय संग सिखेल केय जे उ लोग सब सेय करेय केय लिये कहेय छेय उ वोकरा करना चाही किया उ परमेश्वर केय बेटा छिये| उदाहरण केय लिये उ नेंय सिखेल केय कि तोरा दोसर लोग सब केय वेहा रीती सेय प्रेम करे केय जरुरी छेय| जैना तोयं खुद केय प्रेम करेय छिये|

उ नेय इ भी सिखेल केय कि तोरा सब समान सब सेय ज्यादा सेय अधिक आरो आपन संपत्ति सेय भी अधिक परमेश्वर केय प्रेम करना चाही|

यीशु नेंय कहल केय कि संसार मेन्य कोनो भी चीज केय प्राप्त करे सेय ज्यादा अच्छा छेय परमेश्वर केय राज्य मेन्य हुवेय वोकर राज्य मेन्य तोरा प्रवेश करे केय लिये जरुरी छेय कि परमेश्वर तोरा तोहर पाप सेय बचेतेय|

यीशु नेंय कहल केय कि कुछ लोग वोकरा ग्रहण करतेय| परमेश्वर उ लोग सब केय बचेय तेय लेकिन दोसर लोग वोकरा ग्रहण नायं करतेय| उ नेंय इ भी कहल केय कि कुछ लोग अच्छा धरती केय समान छेय किया कि उ यीशु केय बारे मेन्य शूभ सन्देश केय स्वीकार केर लेय छेय आरो परमेश्वर वोकरा बचाबेय छेय| लेकिन कुछ लोग रास्ता केय कठोर धरती केय समान छेय| परमेश्वर केय वचन बिया केय समान मार्ग पर गिरेय छेय लेकिन वहाँ कुछो भी नायं उगे छेय| इ लोग यीशु केय बारे मेन्य सन्देश केय अस्वीकार केर देय छेय| उ वोकर राज्य मेन्य प्रवेश करे सेय इंकार केर देय छेय|

यीशु नेंय सिखेल्केय कि परमेश्वर पापी सब सेय बहुतेय प्रेम करेय छेय| उ वोकरा माफ़ करे लेय चाहे छेय आरो वोकरा आपन संतान बनाबेय लेय चाहे छेय

यीशु नेंय इ भी बतेल केय परमेश्वर पाप से घृणा करेय छेय| किया कि आदम आरो हव्वा नेंय पाप करले केय यहे लिये वोकर सब वंशज नेंय भी पाप करले केय| इ संसार मेन्य रहेय बाला हर एक आदमी पाप करेय छेय आरो परमेश्वर सेय दूर रहेय छेय| हरेक आदमी परमेश्वर केय दुश्मन छिये|

लेकिन परमेश्वर नेंय इ संसार मेन्य रहेय बाला हरेक आदमी सेय इ रीती सेय प्रेम करलेकेय वोकर आपन एकलौता बेटा केय दाय देल्केय ताकि परमेश्वर वोकरा दण्ड नायं दिये जे वोकरा पर विश्वास करे छेय| ऐकर बजाय उ वोकर संग हरदम केय लिये रहतेय|

तोयं मरे केय लायक छिः किया कि तोय पाप करनें छि| तोरा सेय परमेश्वर केय गुस्सा हुनाय सही मेन्य छे ऐकर अपेक्षा उ यीशु पर गुस्सा भेलेय| उ नेंय यीशु केय क्रूस केय मृत्यु दाय केय दण्ड देल्केय|

यीशु नेंय कहीये पाप नायं करलेकेय लेकिन वोकरा परमेश्वर केय वोकरा दण्ड देय लेय देल्केय| उ नेंय मैर जाय केय लिये स्वीकार केर लेल्केय| इ रीती सेय तोहर पाप केय आरो इ संसार मेन्य रहेय बाला हर ऐगो आदमी केय पाप केय उठाय लाय जाय केय लिये उ ऐगो सिद्ध बलिदान रिहेय| यीशु नेय खुद केय परमेश्वर केय लिये बलिदान केर देल्केय यहे लिये परमेश्वर कोनो भी पाप केय यहाँ तक कि भयंकर पाप केय भी माफ़ करेय छेय|

भले ही यदि तोय बहुतेय सेय अच्छा काम करे छिः ते ऐकर द्वारा परमेश्वर तोरा केय नायं बचेतेय| वोकर दोस्त बनेय केय लिये ऐसन कुनो भी नायं छेय जे तोय केर सके छि| ऐकर अपेक्षा तोरा विश्वास करनायं छेय कि यीशु परमेश्वर केय बेटा छिये आरो उ तोरा बदला मेन्य क्रूस पर मैर गेलेय आरो इ भी कि परमेश्वर नेय वोकरा फेरो सेय जिन्दा केर देल्केय यदि तोय ऐकरा पर विश्वास कहिः तेय परमेश्वर तोहर पाप केय माफ़ केर देतेय|

यीशु उ हर ऐगो आदमी केय बचेतेय जे यीशु पर विश्वास करे छेय आरो वोकरा आपन प्रभु स्वीकार करे छेय| लेकिन उ वोकरा नायं बचेतेय जे वोकरा पर विश्वास नायं करे छेय| इ कोय मायने नायं राखेय छेय कि तोय धनि या गरीब छि मरदान हुवेय या जलानी हुवेय या जवान हुवेय या तोय कहाँ रहेय छिः| परमेश्वर तोरा सेय प्रेम करेय छो आरो चाहे छोय कि तो यीशु पर विश्वास करिह कि उ तोहर दोस्त बैन सकेय|

यीशु तोरा बुलाय रहल छो कि वोकरा पा विश्वास कर आरो बपतिस्मा लेय| किया तोयं विश्वास करे छि कि परमेश्वर केय एकलौता बेटा यीशु मसीह छिये? किया तोय विश्वास करेय कि तोयं ऐगो पापी छि आरो इ कि तोय परमेश्वर द्वारा तोरा दंडित करल जाय केय योग्य छि? किया तोयं विश्वास करे छि कि तोहर पाप केय मिटाबेय केय लिये यीशु क्रूस पर मारलेय|

यदि तोय यीशु पर आरो जे उ नेय तोरा लिये करने छो वोकरा पर विश्वास करे छि तेय तोय ऐगो मसीह छि! शैतान आपन अंधकार केय राज्य मेन्य आब तोरा पर शासन नायं करे छेय| आब परमेश्वर आपन प्रकाश केय राज्य मेन्य तोरा पर शासन करेय छेय| उ नेंय तोरा पाप करने सेय रोइक देने छेय जेकरा तोयं करेय रही| उ नेंय तोरा ऐगो नबका उचित जीवन देनेय छेय|

यदि तोरा ऐगो मसीह छिः ते जे यीशु नेंय करने छे वोकर कारण परमेश्वर नेय तोहर पाप सब केय माफ़ केर देने छेय| आब परमेश्वर ऐगो दुश्मन केय अपेक्षा तोरा ऐगो घनिष्ठ दोस्त मानेय छेय|

यदि तोय परमेश्वर केय दोस्त छि प्रभु यीशु केय सेवक छिः ते तोरा उ बात सब केय पालन करे केय इच्छा करभि जे यीशु तोरा यीशु सिखाबेय छो| भले ही तोय ऐगो मसीह छि भले ही शैतान अभी भी पाप करे केय लिये परीक्षा लेतोय| लेकिन परमेश्वर हरदम इ कहे छेय जे उ कहे छेय कि उ करतेय| उ कहेय छेय कि यदि तोय आपन पाप केय मैन लेय ते उ तोरा माफ़ केर देतोय| उ तोहर पाप केय विरुद्ध लारे केय सामर्थ देतो|

परमेश्वर तोहर प्रार्थना करे आरो वोकर वचन पढेय केय लिये कहेय छेय| उ तोहर दोसर विश्वासिय केय संग मिलकेय वोकर आराधना करे केय लिये भी कहे छेय| तोहर दोसर लोग सब केय भी बताना छेय कि उ नेंय तोरा लिये कि करनें छेय| यदि तोयं इ सब काम केय करिह ते तोय वोकर ऐगो पक्का दोस्त बैन जेय भी|