9. परमेश्वर मूसा केय बोलाबेय छे

यूसुफ केय मरे केय बाद बाद वोकर सब रिश्तेदार मिस्र में बेस गेलेय| उ आरो वोकर वंशज काय साल तक मिस्र में ही रहेय आरो उ नें बहुतेय संतान केय जन्म देल्केय्य| उ इस्राएली कहलेले|

काय सौ साल केय बाद इस्राएलिय सब केय संख्या बहुतेय बेइड गेल रहेय| आरो मिस्री लोग आब इ बात केय लिये आभारी नायं छेय कि वोकर मदद करे केय लिये युसूफ नें बहुत कुछ करनें रहेय| उ इस्राएलिय सेय डेर गेले किया कि उ संख्या में वोकरा बहुतेय ज्यादा रहेय| यहे लिये उ समय मिस्र पर शासन करे बाला फिरौन नें इस्राएलिय सब केय मिस्रिय सब केय दास बनाय देल्केय|

मिस्रि सब नें इस्राएलिय सब केय बहुतेय सब ईमारत आरो यहाँ तक कि काय गो नगर सब बनाबे केय लिये मजबूर करलेकेय| उ कठिन परिश्रम नें वोकरा जीवन केय बहुतेय दुःखदायी बनाय देल्केय, लेकिन परमेश्वर नें वोकरा आशीर्वाद देल्केय आरो वोकरा आरो ज्यादा संतान जन्म भेलेय|

फिरौन नें देख्लेकेय कि इस्राएलिय केय बहुत संतान सब जन्म होय रहल छे, यहे लिये उ नें आपन लोग सब केय इस्राएलिय सब केय सब नर बच्चा सब केय नील नदी में फेंक केय मायर देके आदेश देल्केय

ऐगो इस्राएली जलानी नें ऐगो नर बच्चा केय जन्म देल्केय| उ नें आरो वोकर पति नें जेतना वोकरा हो सक्लेय उ बच्चा केय नुकाय केय राखलेके|

जब उ लड़का केय माय –बाप वोकरा आरो ज्यादा नायं नुकाय सक्लेय ते उ नें वोकरा मरे जाय सेय बचाबेय केय लिये ऐगो हेलेय बाला टोकरी में नील नदी केय काता सरकंड केय बीच में रेख देल्केय| वोकर बडकी बहिन नें इ देखेय केय लिये वोकर देखरेख करलेकेय कि वोकर संग कि होतेय|

फिरौन केय बेटी नें उ टोकरी केय देख केय वोकर भीतर देख लेकेय| जब उ नें ऐगो बच्चा केय देख लेकेय ते उ नें वोकरा आपन बच्चा केय रूप में लाय लेल्केय| आरो उ ऐगो इस्राएली जलानी केय वोकरा दूध पिलाबेय केय लिये काम पर रेख लेल्केय बिना जानल किन इ बच्चा केय वास्तविक माय छिये| जब उ बच्चा ऐतना बड़ा होय गेलेय कि आब वोकरा आपन माय केय दूध केय जरुरत नायं छेय तेय उ फिरौन केय बेटी केय पास वोकरा लौटाय देल्केय, वोकर नाम मूसा रिहेय|

एक दिन, जब मूसा बड़ा होय गेल रहेय तेय उ देख्लेके कि ऐगो मिस्री ऐगो इस्राएली केय पिट रहल छेय| मूसा नें आपन संगी इस्राएली केय बचबेय केय कोशिस कर्लेकेय|

जब मूसा नें सोचलेकेय कि वोकरा कोय नायं देखतेय ते उ नें उ मिस्री केय मायर डाललेके आरो वोकर लास केय दफ़न केर देल्केय| लेकिन मूसा नें जे करनें रहेय वोकरा कोय नें देख लेले रहेय|

फिरौन केय मालूम होय गेलेय कि मूसा नें कि करने छेय| उ नें वोकरा मायर डालेय केय कोशिस कर्लेकेय, लेकिन मूसा मिस्र सेय जंगल में भाईग गेलेय| फिरौन केय सैनिक वोकरा वहाँ खोईज नायं सक्लेय|

मिस्र सेय दूर जंगल में मूसा ऐगो चरवाहा बेन गेले रहेय| उ वहाँ ऐगो जलानी सेय बिहा केर लेल्केय आरो दुई गो बेटा केय जन्म देल्केय|

मूसा आपन ससुर केय भेड़ा केय झुण्ड केय देख रेख करे छेय| एक दिना उ ऐगोजलते हुवे झाड़ी केय देख लेकेय जे भस्म हुवे बिना जेर रहल रहेय| वोकरा देखेय केय लिये उ उ झाड़ी केय पास गेलेय| जब उ वोकर बहुते पास रहेय ते परमेश्वर नें वोकरा सेय बात कर्लेकेय| उ कहल्केय हे मूसा आपन जूता केय उतार दही| तुइं ऐगो पवित्र जगह पर खड़ा छि|

परमेश्वर नें कहल्केय हम्मे आपन लोग सब केय दुःख केय देखने छेय| हम्मे तोरा फिरौन केय पास भेज्बो ताकि तोय इस्राएलिय केय मिस्र केय दासत्व सेय निकेल लाब्लेकेय| हम्मे वोकरा कनान देश देबेय उ देश जेकर हम्मे अब्राहम, इसहाक आरो याकूब से प्रतिज्ञा करनें छिये|

मूसा नें कहल्केय अगर लोग सब नें जनेय ले चाहेल केय कि हमरा केय भेजने छेय ते हम्मे कि कहिये? परमेश्वर नें कहल्केय जे हम्मे छिये सेय हम्मे छिये| वोकरा सेय कहल्केय हम्मे छिये नें हमरा तोरा पास भेजने छेय| वोकरा सेय इ भी कही हम्मे तोहर पूर्वजों अब्राहम, इसहाक आरो याकूब केय परमेश्वर यहोवा छियो।' हमर इ नाम सदा केय छिये|

मूसा डरे रहेय आरो फिरौन केय पास जाय ले नायं चाहे रहेय किया उ सोचलेकेय कि उ अच्छा सेय नायं बोइल सकते यहे लिये परमेश्वर नें मूसा केय भाय हारून केय वोकर मदद करे केय लिये भेज्लेकेय|