۱- إلخِلْقِة

بِالْبِدايِة، اللّٰه خَلَقْ کِلْ شیْ اِبْهَلْشِکِلْ: هُوَ خِلِقْ الْدِنْیِهْ اُو كِلِّ إلْمَخْلوقاتْ اِبْسِتْ أَيّام. مِنْ بَعَدْ خِلْقَةِ الْأَرْضْ، چهِ الله ما چان مِنْطي شِكِل للأشيا، كِل بكان چان ظَلْمَه و خالي، بس روح الله چان يِرَفْرُف علي الماي.

بعدين الله گالْ: «إيصِير ضُوّاْ» وَ صَارْ ضُوّاْ. الله شَاف الْضُوّاْ زِينْ اُو سَمَّا "نَهار" الله فُصَلِ الظلام مِنَ الْضُوّا اُو سَمَّا "لِیَلْ" الله خَلَقْ إلضُوّاْ اِبيُومِ الْأَوَّل.

اِبْیَوْمِ الْثانیْ مِنَ الْخِلْقِهْ، اللّٰه گالْ: «إیصیرْ غُطأ عَلَیٰ الْمَاي» اُو هِچْ صارْ. الله سَمِّأ ذَاكِ الغُطَا سِمَا.

اِبْیَوْمِ الْثالِثْ اللّٰه گالْ: «اِلْمایِ الْحَدْرِ السِمَا یِنْجِمِعْ اِبْفِرِدْ بِچانْ حَتِیْ تِظْهَرْ گاع الْيابْسِه.» وَ سَمِّأ الگاع الْيابْسه « أَرِضْ » و الْمایْ «بَحَرْ» اللّٰه شَاف شِيء إللي خِلِقِه زِينْ.

بَعْدِيِّنْ الله گَال: «ايِخَضَركل نوع شِجَر و خَضَار علي الگاع» اُو هِچْ صَارْ. الله شَاف شِيء إللي خِلِقِه زِينْ.

اِبْیَوْمِ الْرابِعْ مِنَ الْخِلْقَهْ،، اللّٰه گالْ: « یِظْهَرْ الْضُوّا بِلْسِّمِهْ .» و اِبْهَلْشِکِلْ اللّٰه خَلَقِ الْشَمِسْ، اِلْگُمٰرْ و اِلْنیومْ حَتِی الگاع تِضْوَ. اِلْهَایِهِ إنْفِصَل اليل من النهار،ونْفِصْلَن الفصول من السنين. الله شاف شِيء اِلْلی خَلَقَه زِينْ.

اِبْیَوْمِ الْخامِسْ، اللّٰه گالْ: البحَر ينْتِرِس من السمَچ و الطيور اتطير بِسِما. هِچْ هوِ خَلَقْ إلسِمِچوِ الْطِیورْ . الله شاف شِيء اللي خَلَقَه زِينْ و بَارَكْه.

اِبْیَوْمِ إلْساتْ مِنَ الْخِلْقِهْ، اللّٰهْ گالْ: «تِنْتِرِس الگاع من كل نوع حيوان وَ شِيء إللي الله گَالْ، صَارْ. چَانَنْ الْحِیْواناتْ، إلْوُحوشْ، زَواحِفْ وُ الْحَشَراتْ. الله شَافْ شِيء إللي خِلِقِه زِينْ و فَرَحْ.

بَعْدِيِّنْ الله گَال: «نِخْلِقِ الإنسان بشبِهْنَه حَتَّيْ یِحْکُمْ عَلَیٰ الْأَرُضْ وِ الْحِیْواناتْ.»

بَعْديّن الله خَذِهْ إشوي من التراب وسوا بشكل إنسان و نُفَخ من روحِ الْحَیاةْ بی. الله سمّا آدِمْ وَسواله بِسْتانْ چِبیرْ حَتِیْ ایعیشْ بيه ويدير باله عليه.

الله حَط إبوسطت البستان شجرتين خاصه، وُحْدِهْ مِنْهِنْ شِجْرَةِ إلْحَیاةْ وَ إلْثانیِهْ شِجْرَةِ إلْمَعْرَفَةِ الْخَیرِ وَ الْشَّرْ، الله گَل لِآدِمْ يِگْدَرْ يَاكِلْ مِنْ ثُمَر كِل هاي الشجر، إلَّا ثُمَر شِجْرَةِ الْخِيرْ وُالْشَّرْ. لُو يَاكِل مِنْ ثَمَرْها، رَاحْ إیمُوت.

بَعْدِيِّنْ الله گال: «مُو زِينْ آدِمْ إیْضِل وَحْدِه.» لَإِنِ الحيوان ما چان يناسب آدم، حَتِّي ايعَاوْنِّه.

اِلْهایهِ اللّٰه نَوَمْ آدِمْ اِبْنَوْمْ ثِجيلْ. بَعْدِیِّنْ خِذِه وِحْدِه مِنِ إضْلوعا و خِلِقْ مِنْهِهْ المَرَاْ و یابْهِهْ یِمْ آدِمْ.

مِنْ آدِمْ شافْهِهْ، گالْ: «هَایِه تِشْبِهْني. إسِمِّيهِ المَرَاْ، لِأَنْ مأخُوذِهْ مِن إلْزِلْمِهْ.» إبْخَاطِرْ هاي إلْزِلْمِهْ يِتْرِكْ أُمَا و أُبو وَ ایروح لِمَرْتِهْ و تالي، إثْنِينْهُمْ، إیصیرونْ فرد روح.

اللّٰه خِلِقْ إلْزِلْمِهْ و الْمَرَاْ اِبْشِباهْتِهْ. هُوَ بارَكْهُمْ او گَال: « خَلفُوا و يِيبُو أوْلادْ و تِرْسُوا الْأَرضْ.» الله شَافْ كِلشي إللي خِلِقِة زِينْ اُو فَرَحْ. کِل هِذِا صَارِ إبیوم إلسَاتْ.

مِنْ صَارْ يُومِ السابِعْ، أَلله خَلَّصْ الْخِلْقَهْ و بَارَكْ يومِ السابِعْ وَ قَدَّسَه؛ لَأَنْ چان یَوْمْ إلْلي الله إرْتاحَ مِنْ بَعَدِ الْخِلْقِهْ. إبْهَشِكِلْ أَلله خَلَقْ إلعَالَمْ و كِلْ إلْمَخْلوقَاتْ.