۲- يدخَل الذَنِب بدنيا
آدِمْ وَ مَرْتِه چَانواْ إیعیشونْ اِبْراحَه إبِسْتان جِمیلْ إللي الله چانْ اِمْسَویْ إِلْهُمْ. رَغَمْ إللي چانواْ عَرَایِه، ما چانَواْ يِسْتِحُونْ، لِإنِ الْذَنِبْ بَعدِه ما چان دَاشْ بِلْدِنْیِة. هُما اکثر ألأَوْکاتْ چَانواْ یِمَشونْ بِلْبِسْتانْ وَ ایْحاچُونْ ربهم.
بس چانَتْ فرد حَیِّهْ اِمْحَیِلِهْ اِبْذاکِ الْبِسْتانْ. إلْحَیِّهْ سِئْلَتْ المَرَاْ: «صِدِگْ الله مِنَعْکَمْ تاكْلُونْ مِنْ ثمر الشجر؟»
اِلْمَراْ جاوُبَتْ: «إحْنِه نِگْدَرْ ناکِلْ مِنْ کِلِ الثمر إلَّا ثمر شِجْرَةِ الْمَعْرِفَةِ إلْخِیْرِ وِ الْشَر. الله گَلالْنِهْ: « لَوْ تاکْلونْ مِن ثمر ذیچِ الْشِجْرَةْ لَوْ حَتِی ، اِتْلِمسونها راحْ إتمُوتونْ.»
اِلْحَیِه گَلَتْ لِلْمَرا : «هَٰذِه مو صَحْ! اِنْتَمْ ما إتْموتونْ، الله یِدْريْ وَکِتْ اِلْلی إنْتَمْ تَأکْلونْ مِنْ ثمر ذیچِ الْشِجْرا مِثِلْ الله اِتْمِيْزون الْزیَنْ مِن شِیِنْ.»
وِ الْمَرَاْ شافَتْ ثمر الْشِجْرَة حِلْوَا وِتبيّين لِذیذِةْ. هِیّه چِهِ رادت تفتِهِم کِلْ شیٔ، شِلْعَتْ مِنِ الْشِجْرَةْ وَ کَلَتْ. بَعْدِیِّنْ اِطَتِ لِرِیِّلْهِ وَ هوَ هَمْ کَلِهْ.
فرد نوب، اِفْتَکَنِ اِعْیُونْهُم وَ اِفْتِهْمَوْ عريانين. آدِمْ وَ مَرتِه سَعَوا إیغَطونْ جِسِمْهُمْ اِبْوَرَگِ الشِجَر.
بَعدِیِّنْ آدِمْ وَ مَرتِه سِمْعَواْ حِسْ الله إللي چَانْ یِمَشِی بِلْبِسْتانْ. هُمّا ضَمَو إرواحهم مِنَ الرب. الله گالْ: « آدِمْ وِیْنَکْ؟» آدِمْ جاوَبْ: «سِمَعِتْ حِسَکْ بِلْبِسْتانْ بس چهِ چِنِتْ عَریانْ، خِفِتْ وَ ضَمِیْتْ روحي.»
بَعْدِیِّنْ الله سِئلْ: «یاهُو گَلالَکْ إنْتِ عَریَانْ؟ کِلِیتْ مِنْ ثمرذِیچِ الشِجْرِة إللي مِنَعْتِکْ مِنْهِه؟» آدِمْ جاوَبْ: «هایِ الْمَرا اِلْلی اِطِتْنیاها، هیِ اِطَتْنیْ مِنْ ذاک ثمر.» بَعْدِیِّنْ الله سِئل مِن المَرَاْ: «های شِنْهی مِنِ اِسْوایِه سَوِّتیهِه؟» المَرَاْ گالَتْ: «اِلْحَیِهْ غَشَّتْنیْ.»
الله گِلْ لِلْحَیِهْ: «إِنْتیْ مَلْعُونِهْ. إتظلين اتسحفين عَلِیْ بَطْنِچْ وَ تَأکْلینْ اِتْرابْ. إنتي وَ المَرَاْ اِتْكُرْهَنْ بَعضْچَنْ وَ اَخَلیْ عِداواْ بیناتْچَن. وَاحِدْ مِن نَسْلِ الْمَرَا، إیدُوسْ راسِچْ و إنتي إتْگُرْسینْ چازِهْ.»
بَعْدِیِّنْ الله گَلْ لِلْمَرا: «أَزَوِّد وِیِعْ اِطْلُوگِچْ. تِنْتَچْلینْ عَلی زِوْجِیچْ اوهَوْ یِتسَلَطْ عَلِچْ.»
الله گَلْ لِلْزِلْمِه: «لَإِنْ خِذیتْ حَچي مَرْتِکْ وَما طِعِتني، راحْ إلْعَنْ إلگاعْ وَ إنتِ تِتْعَبْ وایِدْ الخاطرعيشْتَكْ. بِنَهَایِةْ إتمُوتْ وَ تِرْجَعْ لِتَرابْ.» آدِم سَمِّهْ مَرْتِهْ حَوّا و معناتهاالحَیَاة؛ لَإنْ هِیِهْ لَإزِمْ اِتْصیرْ اُمِّ الْبَشَّرْ. الله لَبَسْهُم إهدوم من يلدالحيوان.
بَعْدِیْنْ اللّٰه گالْ: «هَسِهْ إللي صارِ الْإِنْسانْ مِثِلْنِه و یگِدَرْ ایشَخُصْ اِلْزِیْنْ مِنِ شِيِنْ، لازِمْ مانْخَلیْ یاکِلْ مِنْ ثمر شِجْرَةِ الْحَیاةْ و إیعیش لِلأَبَدْ.» الخاطرهاي اللّٰه طَرَدْهُّم مِنْ ذاکِ الْبِسْتانِ و خَلِّهْ مَلائِکِهْ اتحافظ باب البستان و ايمِنْعونْ آدم و حوا مٍنْ أكِلْ ثمر شِجْرَةِ الْحَياة.
قُصَة مَأخُوذِه مِن کِتاب المُقِدِّس: (کِتاب التّکْوِین فَصل ۳)
مجاني للاستخدام والتعديل والمشاركة بترخيص مفتوح (CC BY-SA 4.0).