۳- السِيِل

مِنْ بَعَد إسْنين، كِثْرَت الوادم علي الأرض وزادت حتي الله صمم يدمر الدنيا بسيل عظيم.

بِسْ الله چَانْ راضِي مِنْ نوح. هُوَ چَانْ زلمه عَادِل و چان عَايِشْ بِين إلأشرار. الله نِبِّهْ نوح من إلسِيل و گِل لِنوح: سَوّي مَرْكَبْ چيبير.

الله گِلْ لِنوح إللي إيسِوّي مَرْكَبْ بِه طول ۱۴۰، عَرِضْ ۲۳ و إرتِفاع ۱۳/۵ مِتِر. نوح چَان لازِمْ إيسِوّي المَرْكَبْ ثِلِثْ طَبَقات مِنْ شِجْرَةِ السَروْ. هذا اِلْمَرْكَبْ چان يِلِزْمِه سِگُفْ وغُرَفْ وَ شِباچ. المَركَبْ إنصَنَع خاطر نوح و إهله و الحِیوانات يِنْحَفْظُونْ مِن إلسِيل إلعَظيم.

نوح طَاعْ الله. هو و ثلث أولاده سووا المركب مثل ما الله أمَرهُم، چهِ المركب وايد چان چبير.طَوَلْ إسنِینْ لمان ما انْصِنِعْ المرکب. نوح نَبَه إلنَاس بان یِجي سِیلْ وَلازِم إيتوُبون. بِس هُما ما أجِّنَو كَلامْ نوح.

الله أمَر نوح و إهلِه إيْلِمون إکِّلْ کافِي إلْهُمْ وَ للبهايم . وَکتْ إللي کِل شِي جِهَز، الله گِلْ لِنوح وُصَلْ وَکْتهِ حَتی إنتم الثِماِنْیه يعني إنتِ و مَرتَك، ثِلِث أولادك و چِنَاینِکْ اترکبون الْمَركَب.

الله هدي من كل حيوان و طير، ذِكر و نثيه صوب نوح، خاطر يحُطهن بلمركب بوِکتْ السِیل یِظِلِنْ ابأمان . و الله، وده سِبِعْ یُوزْ من البهايم ذِکَرْ و نِثْیِه إللي چَانِنْ إیْنَاسْبِنْ لِلْضَحِیهِ صوب المرکب، الله سَکْ بَاب المَرکَب وَکتْ إللي کِلْها دِخلَت.

بَعَدین مُطرت أربَعین يوم بدون وگفه وفرد شكل چان الماي ينبع من الأرض الي حتي الايبال اتغطن.

کِلْ المَخْلوقاتْ إللي چَانِن إیعیشِنْ عَلی الأرض إنْهِلْکِنْ، إلا إلناس وَ الحِیواناتْ إللی دِشِّو المَركَب و المَركَب سیّس علي الماي و ظَلْ إبْأمان.

مِنْ بَعدْ مَا بِنِدْ المُطَر، ظل المَركَب خِمِس تِشْر امسیّس علی إلمایْ. إبْهَای المُدّه گام إلمَاي یِنزِلْ و المَركَب وُگُفْ علی فرد یِبِلْ. أمَّانْ الگاع چَانِتْ بَعَدْهِي حَدْرِ المَایْ. مِن بَعَد ثِلِثْ تِشْر بَیْنَنِ الْایْبالْ

مِنْ بَعَدْ أرْبِعینْ یُومْ، نوح وَدِّ غْراب بَاراْ المَركَب، حتِی ایدَوُرْ و یلگه گاع ناشفه. اِلِغْراب طَارِ بِس مَا لِگِه شي.

مِنْ بَعَدهِ، نوح وُدِّ حَمامِه و الحَمامِه هِمْ ما لِگِتْ گاع يابسه، او رِدِّت يِمه. نوح مِنْ بَعَدْ إسْبوعْ اردود ودّالحمامه و هاي المره رجعت الحمامه ويايبِه وياها ورگت زيتون! الماي نِزِلْ و الخُضَارْ خَضَّرَ.

نوح نُطَر بَعَدْ إسبوعْ، وَ وَدِّ الحَمامِه لِمَرَّه الثالْثِه. هِلْمَرَّاْ مَارِجْعَتْ الحَمامِه. المَایْ چَانْ نازِلْ وَ الحَمامِه لِگِتْ الهه بچان علی گاع.

مَنْ بَعَدْ شَهْرینْ الله گِلْ لِنوح: «إنْتِ و إهْلِك و البهايم طُلْعو بَارَّا المَركَب، خَلفُوا و يِيبُو أوْلادْ و تِرْسُوا الْأَرضْ.» و هِچْ صار نوح او إهْلِه طُلْعوا مِن المَركَب.

نوح مِن بَعَدْ ما ترک المَرکَب، سوا مَذْبَحْ و ذِبح الذِبايح الي چان يايبهن أویَا. الله فَرَحْ مِن هَٰذِه العَمِلْ وَ بارِکْ إهْلِهْ.

بَعْدِيِّنْ الله هِچْ وَاعَدْ: «بَعَدْ مَا راحْ إدِمِرْ اُوْ إلعَنْ الأرضْ الخاطر بلاوي الناس بِل سِيلْ ؛ رَغَم إللي گلْبِ الإنسانْ خْاطِي مِنْ زِغْره.»

بَعْدِيَّنْ الله الخاطر یِثبِت وَعْدِه، ظَهرأوَّلْ قُوس و قَزَحْ بلسمه. كل وكت من چان قوس و قزح يبين بلسما، الله و شعبه، چانو يتذكرون وعد الي بيناتهم.