۱۳- عهد الله ویه بني إسرائیل

بَعَدْ مَا عُبْرُوا بني إسْرائيلْ مِنْ بَحْرِالْأحْمَرْ، ألله هِداهُمْ صُوبْ يِبَلْ سيناء. الْيِبَلْ إللي نبی مُوسِي چانْ شَايِفْ علیه عاگول مِشْتَعل. شعب خَيِّمُو یِم الْيِبَلْ.

اللّٰه گَلِ الْموسِی و بَني إسْرائیلْ: «إنْتَمْ لازِمْ دوم إتطیعونیْ و تُوفون إبْعَهَدْ إللي إکتب إویاکَمْ. لوتعمْلونْ هِشي، تنجعلون إلي شعب خاصْ، بلد من الكهنه و اُمّه مُقدسه.»

الشعب جَهَز نَفِسْه إبمُدِّة ثِلِثْ تيام خاطر ایصیرون بحضورالله. الله حِضَر علی یِبَلْ سیناء، اِبْرعيد و دَخانْ و حِسْ بوقْ عالي. موسِی الوحده صَعَد فُوگِ الْیِبَلْ.

بَعْدِیْنْ الله عاهَدْهُمْ و گالْ: «أنَا یَهُوَّهْ رَبَکْ، إللي فَکَّمْ مِنْ إسارَتْ مَصُرْ، لاتِعْبِدْ رب غيري انا.»

لاتِصْنَعْ صنم و تعبده، چه بس أنَا یَهُوَّهْ لازِمْ أَکونْ رَبَکْ، لاتْهِینْ إسْمیْ و إحْتِرِمْ یَوْمِ الْسَبْتْ، سَویْ کِلْ أعْمالَکْ إبْسِتْ أیامْ، لَإنْ إنْتَ إبْیَوْمِ الْسابِعْ لازِمْ تِرتاح و تِذْکُرْنیْ.

إحْتِرِمْ اُمَکْ و اُبوکْ ،لا تِکْتِلْ،لا تِزْني، لاتْبوگْ و لا تْچَذِبْ ولا تُطْمَعْ إبْمالْ و مرت يارك.

شعب إسرائیل قِبْلَ إيطيع أوامِرْ الله و قِبْلَوْا إیصیرونْ لِألله و إیعِبْدونِهْ.

الله همْ گَلِ الْبَنیْ إسْرائیلْ یبنون خَیْمِهْ چِبیرا (خَیْمِهْ الاجتماع) او گَلِّلْهُمْ إشْلونْ يِبْنونْ إلْخيمة إبْكِلْ تَفاصيلهِه و كِلْشي إللي لازِمْ إيكُونْ مُوجود بيهِه. الله اَمَرْ يخيطون ستار چبير يقسّم الْخَیْمِهْ إبقِسِمْتیَنْ. و حضورالله چان إبدار الْوَرَه الستار. بَسْ الكاهِنْ چبیر چان يگدر إيديشْ الْدارْ، و یروحْ إبْحُضورْ الله.

شعب إسرائیل چانْ لازِمْ يبني مَذْبَحْ جِدّامْ الخِيمةِ . كِلْمَنْ چان إيخالِفْ شَريعَة الله، إييبْله ذِبيحَة لِلْمَذْبَحْ و الکاهن يِذْبَحِ الْذِبيحَة لويه الله و يِحرِگه، عَلیٰ الْمَذْبَحْ. الله گالْ دَمْ الْذِبيحَة تستر علي خطية الْمُذنب. إلْهایِهْ الله یِعْفِي عَنِهْ و یِنْحِسِبْ عند الله شَخُصْ إمنزه. الله إختارْ هارون أُخو نبي موسي، و نَسْلِه حَتّي إيصیرون كَهَنَه .

بَعْدِينْ الله كِتَبْ الْعَشِرْ وَصايا عَلي لوحِتين مِنْ صَخَرْ وإنْطاهْا الْموسِی. الله إنْطَاهم بعد قوانين، خاطر إيطيعُونْهن. الله واعَدْهُمْ، لُو يطيعون الْقَوانينْ إيبارِكْهُمْ و يحفظهم و لُو يعاندون، إيجازيهُمْ.

موسِی ظلْ چم يوم فُوگِ يبل سیناء و حاچِهْ الله. اِلْوادِمْ عيزِت اِشْگَدْ ما تانت، یاباوْا ذَهَبِ الْهارونْ و رادَوْ مِنْه إیسویلهُمْ صَنَمْ و إیعِبْدونِهْ بچانْ الله، إلْهایِهْ ذِنْبوا إبْحَگ الله.

هارونْ سوی صَنَمْ من ذَهَب إبْشِکِلْ عیلْ. اِلْوادِمْ عِبْدَتِ الْصَنَمْ و سَووله ذِبیحِهْ! الله اِلْخاطُرْ ذَنِبْهُمْ غضب عليهم و گَلِ الْموسِی، ناوي إیدَمُرْهُمْ اَما موسِی رادْ مِن الله لا یِسوي هذا اِلْشی، الله إستجاب دَعَا موسِی و مادَمَرْهُمْ.

مِنْ نِزَلْ موسِی مِنِ یبَلْ سیناء، چانْ بیدِهْ اِلْلَوْحَتیْنْ إللي الله چانْ کاتِبْ عَلیهِنْ عشر وصايا. مِنْ شافِ الْصَنَمْ، عَصّب و طَگِ الْلَوْحَتینْ بِلْگاعْ و کَسَّرْهِنْ.

بَعْدِینْ حِرَگِ الْصَنَمْ و کِسَّرا و سَوا إتراب، چَبْ الْتراب بِلْمای و جُبَرْهم يشُربون مْنِ الْمایْ. الله نَزَّلْ بَلَاْ عَلَیهم و اکثرهم ماتو.

موسِی بُکانِ الَوحَتینْ إللي چان امکسِرْهِنْ، بعد نوبه صِنَعْ لَوْحتیَنْ و خَرَطهن. اردود صِعَدْ فوگْ الْيِبَلْ و دَعا الله يغفر ذِنوبِ الناسْ. الله إستجاب دعا موسِی و غُفَرْلهم. موسِی نِزَلْ مِنِ الْیبَلْ وَیاب الصَخرْتِینْ إللي الله اردود كِتَب عَلیهِنِ العشر وصايا، وتالي الله هِداهُمْ مِنْ یِبَلْ سیناءْ صوب أرض الموعود.