۱۴- تایهین بِصَحْراء

بعد ما الله إنطیٰ بِني إسرائيل الشَريعة، هداهُم صوب يِبِلْ سينا. هما چان لازم إيطيعون الشَريعَة عَلْشَان عهد إللي چان بینهم و بین الله. أرادة الله چان هيچي الي بني اسراييل يرحون الأرض الموعود يعني أرض كنعان. حضور الله شِبْهِ الغِمْ چان جِدامْهُم و الوادِم چانوا إتِبعونِه.

الله چانْ اِمْواعِدْ إبراهیم و إسحاق و يعقوب يِنطي أرض الموعود لِخَلفَتْهُم. أمَّان بذاك الوكت، چانت اتعيش طوايف چثیره بِسِم كنعان. هُما ما چان عِدهم إیمان بالله و إيعبدونه، و چانت أعمالهم شر و إيعبدون الأصْنَام.

الله گِلِل بِني إسرائيل: «بس توصْلُون الأرُض الموعود لآزم إتْفکون أرواحکم مِن إهل كنعان و إتْدَمرون كِلْ أصْنَامْهُم ولاتعاشرونهم و لاتْناسبونْهُم. لو ماتبعون أوامری هذه إیراوي، بِدالي تعبدون الأصنام.»

من وصلوا بِني إسرائيل علیٰ حُدود أراضي كنعان، نبی موسى إنْتِخَب إثنَعَشْ شَخْص، مِن كِل طايفه نَفَر واحد. هو عَلَّمْهُم شلون يِتْجِسِسون مِن إهل كنعان خاطر يحَسِّب هما قویْیِن لو إضعَاف.

إلثنَعَش نَفَر، إربعین يوم سافروا کل أرض كنعان و بَعدين رِدَّوا. هما گالو: «الگاع خضرا و الثمر زاید.» بس عَشر نفرات مِن الجُواسيس گالوا: «الدِیِّرْ آمْنِه و إلوادم قویین لو نِهْجِم عليهُم إيغلبونه و نِتكِتِل.»

بعدين إثنين مِن الجُواسيس بِسِم كاليب و يوشع گالوا: «صِدِگ إهل كنعان قویین و هیکل، بس إحْنِه نگدر نُغلِبْهُم! لأن الله إيحارِب إلنِه.»

بس بني الاسرائیل ماخذوا حَچي يوشع و كاليب و عَصِبوا و گِلوا لموسى و هارون: «ليش يِبِتونِه هِل بکان الیِرعِبْ؟ إحنا لازِمْ ظالّينْ اِبْمَصُرْ. لو نِهجِم عليهُم إنموت، و کل نِسوانّه و إولادْنِه إيصيرون عبيدْهُم.» هُما رادوا يِنتِخبون غِير زَعيم حتي إيرَجِّعْهُمْ المَصر.

الله غَضَب علیهُم و حِضَر خِيمِة الإجتماع و گال: «إنتُم عَصِتوني، الخاطر هاي كِلكُم إتيهون بِصحراء وکل الزِلْمِه فوگ العشرين سنة غیر کالیب و یوشَع إيموت بصحراء، و ما یشوف أرض الموعود.»

لمِّا إلوادم سِمْعَوا كلام الله إتنِدِموا مِن ذِنِبْهُم و رادوا إيهِجْمون علىٰ إهل كنعان. موسى نِبِهْهُمْ لایرحون، لأن الله ماچان إمرافِجهم. بس هُمَّا ماسِمْعَوا كِلام نبي موسى.

هُمَّا إنْهِزْموا بِلحَرُب و وايد مِنهُم إنكِتِلُوا لان الله ما چان إمرافجهُم. من بَعدِه بني إسرائیل رِجعوا من أرض كنعان و تاهوا إربعین سِنِه بصحراء.

إبهِل إربعین سِنِه إللي بِني إسرائيل چانوا تايهين بصحراء، الله چان يِطْعَمْهُم. نَعَم عليهم خُبُز بِسِم «مِنّا». چان إيوديلهم الطِيور حتى يأكلون لَحَمْهِن. إبذاك الوكت بِقُدرِة الله مِلابِسهم و نِعِلْهُم أکثر داوُمِن.

بِقُدرِة الله، نِبَع المَاي مِن بین الصَخَر الشِرِبهم. او کل الهایه، بِني إسرائيل چانوا يعِاتْبون الله و نبي موسى و إیدِردِمون. بس الله چان وِفِي بِعَهدِه وِيِّه إبراهیم و إسحاق و يعقوب.

فِرد مرّه اللي ناس ماچان عِدْهُم ماي لِشِرِب، الله گِلِلْ موسى: «گِل إلصَخْرَة یجْري مِنهِه المَاي.» بس نبي موسی بچان ما یُأمِر الصَخرَة، ضَرَبْها مَرْتِين بِلْعَصا و هِچ هَانْ الله و نِبَع الماي إبگِد الکِل، بس الله غَضَب علی نبي موسى و گال: «إنتِ ما إتدش أرض الموعود.»

إبهِل إربعین سِنِه البِني إسرائيل چانوا تايهين بصحراء، كِلْمَن چان أمعاند الله، مات. الله إردود هِداهُم جریب الأرض الموعود. من نبي موسى شِيّب، الله إختار يوشع زعیم بني اسرايیل و وَعَد موسى یوم من الایام، إيودِي لِلناس نبي مِثلِه.

الله أمر موسى يِصعَد فوگ يِبِل عالي حتى إيشوف أرض الموعود او هو شاف الأرُض، بس الله ماسِمَحْلِه يِدخِل بیها. بعدین نبي موسى إتوفِه و بِني إسرائيل ثلاثين يوم حِزنولِه. يوشع صار زعیمهم او هو چان طیب، لأن چان مِعتِمد بِالله و إيطيعِه.