۱۵- أَرْضِ الْمُوعود

وُصَلْ وَكِتْ خاطر بَني إِسرائيل إیدِشون الکنعان إللي هیه الأرض الْموعود. إهناك چانَت ديرَهْ بِسِمْ أريحا إللي محوطه إبطیفانْ عاليِه اتحافظ عليها. يوشَعْ وَدَّ إثْنِين جِواسيسْ لأریحا. چانَت إتْعيش إهناک مَرَا زانیه بِسِمْ راحابْ. إهیه ضَمَّت الجِواسيسْ عِدْها و ساعِدِتْهُمْ إیشِرْدون مِنِ الْديرَه. الجِواسيسْ واعدوها مِنْ بَعَدْ تصرف أریحا، إیحافْظون مِنْهِه و مِنْ اَهَلْهِه.

بني إسرائيل چان لازم إيعُبرون من شط اُردُن حتیٰ يُوصْلون لأرض المَوعود. الله گِلْ لِيوشع: «ودي الكِهِنِه گبلِ الکِل.» من حَطّو ريلٍهُم بلماي، إلماي بَعَد ما جَره و گِدرو يعبرون من گاع اليابسة إذاكِ صوب.

بعد ما بني إسرائيل عِبروا الشط، الله گِل لِيوشع حَضِّر حالکٰ حتی تِهْجِم علیٰ أریحا. الله گِل شعب: لازم إبسِت أيام الكِهِنِه و الحُراس، كِل يُوم مَرَّه إيطوفون الديرِه. هُمَّا هِمْ طاعوا الله.

إبيوم السابِع، چان لازم بني إسرائيل سِبِع مرات إیطوفون الديرِه، و تالي الكِهِنِه إينِفْخُون بلبوق و الوادِم إتگوم إتْصَيِّح. هُمَّا هم هِچ سِواو.

فجأتاً إنْهِدمِن طیفانْ الدیره. بني إسرائيل مثل ما الله أمَرهُم دَمِروا كِل شي الچان بالدیره. چهِ راحاب و إهِلهِه چانو ویا بنی إسرائیل ظلوا بِأمان. من باقي الطوائف بأرض كنعان سِمْعَو بني إسرائيل هَدَّم أريحا، خافو هم إيحَملون عليهم.

الله چان أَمِر بني إسرائيل لا یِتْصَالحون وُيِه إِي طايفه مِن كَنعَان. بس طائفة من كنعان بإسم آل جبعون چذِبو علي يوشع و گلولِه إحنا مو اويا هِذولي و يايين من بكان بعيد. هم رادو ايذِبون إقرانهُمْ اويا يوشع. يوشع و شیوخ بني إسرائيل بِدون ما يِسْتيشيرون الله، إتصالحَو وُيِه آل جِبْعون.

مِن بَعَد ثِلِثْ تِيام، بني إسرائيل إفتِهْموا طايفة جِبْعون مِن إهل كَنعَان. ِعَصُبَوْا مِنْ حيلتَهْم. بِس ما كِسْرو العصّه ویاهم، لأن چانوا كاتبين عَهدهم بِحضور الله. بعد ما شيوخ قبايل من كنعان بإسم آل موريان سمعو آل جبعون و بني إسراييل مِتْصَالْحين، إتِّحدو و لِمّو جيش و هِجمو علی آل جبعون. الخاطر هاي طُلبو من يوشع إيساعدهم.

يوشع و جِيش إسرائيل، لَمان مايوصلون اِلجِبْعونْ كلّ اليل چانو بدَرُب و من غُبْشه بس وصلو، غافِلو آل اموريان وهِجموعليهم.

إبیوم الحرب الله ساعد جیش إسرائيل و حیّرهم و نِزِّل علیهُم حالوب و أکثرهم إتکِتِلو.

إبقدرة الله الشمس بعد ماتْحَرِكِت بِسِمه، حتی جيش إسراييل إيصير عِدهم وكت إيغلبون جيش آل إموريان. الله خلِه بني إسراييل إبذاك اليوم إيفوزون.

بعد ما الله خلِه العَسكر يِنكِسُر، أكثر طوايف كنعان إتِحدو ضد بني إسراييل حتي إيحاربونهُم. يوشع و بني إسراييل هجْمِو عليهم و دِمَروهم.

مِن بَعد هذه الحروب، الله إنْطی كِل طايفه مِن بني إسرائيل سِهِمهِ مِن أرض المَوعود. بَعدِين الله سِكَن الرحمة وسِلوان إبكل حدود إسرائيل.

من شِیِب يوشع، جمع بني إسرائيل. هو ذَكَرْهُم إيطيعون وَعد إللي چانو إمواعدين الله علی يبل سيناء. و شعب إنطو وعد إیضُلونْ وَفيينْ بَالله و إيطيعونْ شَريعْتِهْ.