۱۶- الِمنَجِّینْ

بَعَد مُوت يوشع، بنی إسراييل گامو يِعَانْدون الله و ماطُردواْ أهل كنعان مِن أراضيهم و بِدال ما يعبدون الله گامو يعبدون أصنام آل كنعان. بِذاك الزمان بني اسراييل ما چان عِدهم ملك، علی مود هذا كِلمن چان يفكر شِنْهي الصَحْ، چان يسوي.

عِناد بنی إسراييل خِله چَم مَرَّه يِكررون غَلطَتْهم و هيچي چانَت الدوره: بِلأول عَانِدواْ الله لِسنين طويلِه و الله چان هيچي يجازيهم؛ يخلي عِدوانهُم بِلحَرب يغلبوُنهم و ينِهْبون حَلالْهم و تالي يِكتِلونهم. بعد سنين من إتعَذِّبو، تابو و طِلْبو مِن الله يِفرِجِلْهم.

كِل ما بني إسرائيل يتوبون، الله يوِديلْهم واحد حتی إینِجیْهم و يحارب عِدوانْهم و يِنتِصِرعليهم. هيچي الله چان يِنزِل عليهم لِسِلوَه و سلام و ذاک الشخص يِحْكُم عليهم بِلعِدالِه. الله ودّ وايد أشخاص الخاطر إينِجّي بني إسراييل. و بَعد نوبه الله خِلّه بني إسرائيل بوِحْدَه مِن لحروب ينْكسرون من آل مديان، و بعد مرّه هَم وُدالْهم واحد إینِجیْهم.

حَد سَبع إسنين چانو لمِديان ينِهْبون بني إسرائيل و يشردون مِنهم ابيِحرحتّي قوم مديان لايلگونهم. بلآخر دَعَوا الله حتي ينجيهُم.

فِديوم زلْمَه مِن بني إسراييل بإسِم جَدعون، چان بِلْبوگه يِدِگ الْحِنْطَه خاطر جَماعت آل مديان لايشوفونه و نهبونه. بِلبُكان ظَهَرعليه المَلك يَهُوَه و گِله: «هاك يا لمْحارِب لشِجاع، الله وياك، گوم و روح نجي قوم اسراييل من آل مديان.»

أبو جدعون، چان هادي لمَذبح مالته الفرد صَنَم. أول ما طلب لرب من جدعون يهدم لمذبح. بَس چِه جدعون چان يخاف مِن الناس نِطَر حد نِص ليل و بَعدين هَدّم لمذبح. جريب من مكان لي هدّم لمَذْبح، بناله مَذبَح يديد و خلّه عليه ذِبايِح.

يوم لثاني الصبح، عصُبَت لناس مِن شافو واحد محَدّم لمَذبَح. هجموا علي بيت جدعون خاطر يموتونه. بَس ابو جدعون گللهُم ؛ ليش إنتُم تِردون تساعدون الله؟ اذا الله يدّعي انا الله، خلو يحافظ علي نفسه! هيچي لناس يازو منِ قتل جدعون.

مِن بَعَد مُده اِردود، آل مديان العدّتهم چانت زايده و ماينحَسبون، ايوو حتي يِنهبُون بنی اسراييل. جدعون فِزَع كِل قُومه خاطر يحارْبون آل مديان. طُلَبْ جدعون مِن الله يراوي عَلامتين خاطر يطْمًئن، الرَب حقيقتاً رايد منه ينجّي بنی إسراييل.

أول نِشان الطلبه جدعون، إن الله يحِطْ گِطعَه مِن يلْد لخَروف علی لگاع و يِرِش عليها نِديٰ بدون ما تتْبَلّل لگاع. الله سَوا مِثِل ما گال جدعون. يوم لثاني طَلَب جدعون مِن الله، إن لگاع تتبلّل بس ليلده تظِل ناشفه، هَمْ الله سَوَه مثِل ما طَلَب منه جدعون. بِهَل علامتين إقْتَنَع جدعون، الله يريد مِنَه ينِجي بنی إسرائيل من آل مديان.

إثنين و ثلاثين ألف حارس مِن بني إسرائيل إيَو يِم جدعون، بس الله گِلاله؛ هِذولِه وايدين. الخاطرهای جدعون رِجَّع إثنين و عشرين ألف جندي إلچانو يِخافُون مِن لحرب، إردود الله گل الجدعون؛ هِذول هم زايدین. بعدین رَجّع مِنهم و بَس خلّي ثلث ميّت نَفر.

بْذيچ ليله الله گِل لجدعون: «روح بِلبوگه لِمْعَسكَر المديان، وسْمَعْ شي گولون، بَس تِسمَع حَچيهُم يروح لخوف مِنَك وتِهْجِم عليهم.» راح جدعون للْمًعَسكر سِمَع فَدْ واحد يسولِف حِلْمَه لصاحبه و الزلمه يرد عليه و يگلّه: «تدري تري تَفسير حِلمِك معناته آل جدعون ينْتَصرون علينا بهلحرب.» وجدعون بس سمع السالفه حمد الله و شِكَرَه.

مِن رِجَع جدعون للمعسكر، إنْطيٰ كل جندي بوق و خُمره مِن طين و بيها مَشعل. بَسْ چَل ليل و عَسْكَر لمديان قفو، جدعون حاصَرهُم. عسكر جدعون لچانو ٣٠٠ نفر، قَطو لمَشاعل بِلْخُمرات خاطر لايِنْشافون.

و العسكر كَسِرو الخُمرات و كل بكان ضُوا. و مِن چانو ينفخون بِلبوق يشعرون و يگولون: «السِيف لألله و جدعون، السِيف لألله و جدعون.»

الله حَيَّر آل مديان و خلاهم يِتْكاتِلون. جدعون فِزَع باجي بني إسرائيل من إبيوتْهم خاطر إيطاردون آل مديان. هما كتلو عده زايده منهم و طردو الباقي مِن أراضي إسرائيل. إبذاك اليوم ١٢٠ ألف نفر من آل مديان إنكِتلو. هيچي الله نجّي بني إسرائيل.

الشعب رَاد يِنْتَخب جدعون ملك. بَس هُوَ ما رِضيٰ و طلب مِن النّاس ينْطونِه مَفاتیل مِن ذهب الحَصِلو غِنيمِه، و لنّاس هم إنطو ذهب وايِد.

بلذهب لي حَصَّله جدعون، صَنَعْلِه ثُوب، مثل ثُوب الكَهَنه. بَس للأسَف گامت لناس تعبد الثوب الصَنَعَه جدعون. و چِهِ بَعد مَرّه لِنّاس نسو ربهم، الله خلّه عدوانهم ينتصرون عليهم. الوادم اردود تابت عند الله و بَعد مرّه الله ودالهم مُنجی و تكررت القضيه.

و بَعَد مرّه تكررت القضيه: بني إسرائيل یذنبون و يتوبون و إردود الله يوديلهم منجی. لسنينِ الله چَان يودي أشخاص خاطرينَجّون بني إسرائيل.

بِنَهایه بني إسرائيل طلبوا مِن الله مثل باجي الطوایف يوديلهم ملك قوي و شجاع خاطر يگدَر يحميهم بلحروب. الله هِم إنْطاهم مَلک مثل ما رادو، بَس الرَب ماچان راضي مِن طلبهم.