۱۷- عَهْد الله إوْيِه دَاوُد

شَاوُلْ چان أوَّل مَلِك إسرائيل و مِثِل ما الناس طِلبوا من الله قوي و شجاع و حلو. أوَّل مِن حِكَم شَاوُل چان خُوشْ مَلِك. بَس إشوي إشوي تِبَدّل و صار وايد شَرور و گام يِعاند و ما يطيع الله. علیٰ مود هاي الله نِصَب غير مَلِك بِدالِه و چان إسمه دَاوُد.

الله إنْتَخَب شَاب مِن بني إسرائيل خاطر يجَهْزَه بچان مَلِك شَاوُل. دَاوُد، چان رَاعي غَنَم مِن أهَل بيت لَحْم. و چَم مره نَجّه لغَنَم من حَمْلات السَبِع و لخِرِس و كِتِلهِن. هو چان زِلمِه مُتِواضع و يِعتِمد علیٰ الله و يطيع رَبِه.

بِذاك زمان إللي دَاوُد چان شاب، حارِب واحِد إسمِه جُلْيَاتْ إللي چان طولِه ثلاث إمتار و قوي و غَلَبَه، الله ساعد دَاوُد و كِتِل جُلْيَاتْ و نِجِه بنی إسرائيل. مِن بَعَدها چَم مره دَاوُد غَلَب عِدوانِه و صار جُندي بَطَل و شِجاع و چان یقود أكثَر لِحُروب. ولناس چانو وايد يِحِمْدونِه.

مَحَبَة ناس لِدَاوُد خَلّه شَاوُل يِحِسدِه وبِهلْحَاله صَمَم شَاوُل، يكتِل دَاوُد. بِس دَاوُد چان شَارِد بِلدَوَّه و ضَم روحه. يوم مِن الأيام إللي شَاوُل و لعَسكر مالته، چانو يدَورون علیٰ دَاوُد، فَجأتاً شَاوُل دِخل ليِحِر إللي دَاوُد ضَمْ روحه بي. شَاوُل مَاشَاف دَاوُد، بِس دَاوُد هَلْگَد إتدِنّا شَاوُل إللي گَصْ گِطْعَا من إهدومه. مِن شَاوُل طَلَع من ليحر، دَاوُد صَاحْلَه و رَاوَا گطعَه من ملابس شَاوُل إللي خِذاها منه. هِچِي دَاوُد ثَبِّت لِشَاوُل هو مايريد يِكِتْلِه ويصير مَلِك بِچانِه.

بَعدِين شَاوُل إنكِتَل بِوحْدِه مِنِ لحُروب و دَاوُد صار مَلِك. هو چان خُوشْ مَلِك و لنَاس تريده. الله هِم بَارَك دَاوُد و خِلّا يِتوَفَق بِكِل أعمَالِه. دَاوُد إشتِرِك بِوايِد مِنِ لحُروب و بِعُون الله غَلَب كل عِدوَان بني إسرائيل. هو فِتَح أُورُشَلِيم و سواها عاصِمة بني إسرائيل. دَاوُد عَاشْ و مَاتْ بأُورُشَلِيم. حَدْ أربعین سِنه چان مَلِك لِسرائيل و بهاي لمُدَه إسرائيل چَانِت قَويِه و غَنيِه.

دَاوُد رَاد يِبْنيلِه مَعبَد خاطر بني إسرائيل يعِبدون الله، و یقِدْمُون ذِبايِحْهُم بيهِ. حَدْ أربَعِ مية سِنِه لناس چانو يِعبدون الله و يِذبْحون ذِبايِحْهُم بِمكان يسِمُونِه خيمَة الاجتماع إللي نبي مُوسَی چان بَانيهِه.

بِس الله وَدّه نبي بِسِم نَاثَانْ لِدَاوُد و گِلِّه: «لِأن چِنِت بِحُروب وَايدِه، إنت ما تِبْنيلِي لمَعبد، أمَّان إبنِك يِبْنِي و انا أبَارْكَنِك. واحد من ذُرِيتِك حَدْ لأبِد يِتْسَلَط علیٰ لشعب. و ذاك لشخص لي من ذُرِيِّة دَاوُد، و حَدْ الأبد يظِل مَلِك، چان المَسيح. المَسِيح چان هو إللي الله إختارَه خاطر يِنَجي لعالم مِن لذُنُوب.»

وَكت إللي ملک دَاوُد سِمَعِ لكلام، حِمَد الله و شِكَرَه. الله هِمْ عَلّه شَأنِه و بارَكَه. بِس دَاوُد ماچان عِنْدَه عِلِم، الله يَمْتَه يحَقِق وُعُودِه. بِس هِسِه دَرِنا بني إسرائيل مِن زِمان مَلِک دَاوُد حَدْ ظهور المَسِيح لازم ينتَظرون ألف سنه.

إسنين طويله مَلِک دَاوُد حِكَم بِلْعِدالَه. هو چان مُطيع لِرَّب و الله هَم چان يبَاركَه. بِس ابْهَلْحالَه آخرعُمره إرتِكَب ذَنِب چيبير.

يوم من الأيام مِن چان طَالِع كِل لعَسكر لِلحَرُب، دَاوُد باوع مِن فوگِ لقَصر و شَافلَه مَرَه حِلوَه چانَت تِسبَح. هُوَ ماچان يعَرِفها بس إفتَهَم إسِمها بَتْشَبَع.

و بِدال مايُوز مِنِ لوُسوَاس لصار بي، وَدَّالِه شخص إيیِبلِه للمَره. دَاوُد گَظَه لِيله ويالمره و بَعدين وَدَاها لبيتْهَه. بَعَد مُدّه بِتْشَبَع وَدَت لِدَاوُد رِسالِه و گَلّتله أنا حِبلِه.

زوج بِتْشَبَع، چانوا يسَمونَه إُورِيَّا و چان واحَد من أحْسَن جُنُود دَاوُد. بذاكِ لوَكِت أُورِيَّا چان بِلحَرب و بعيد علیٰ لبيت. دَاوُد وَدِّه علیٰ أُورِیَّا و گِلّه روح لِبِتَك و ظِل يِم مَرتِک. بِس أُورِيَّا مَا قِبَل يِرجَع لِلبِيت.عَلَمُود هاي، بعد مَره دَاوُد دَزْ أُورِيَّا لحَرُب و وَصَیٰ قَائِد لمِيدَان إنو يخَلون أُورِيَّا بِأوَّل الخَطْ، خاطِر يِنْكِتِل. وهِچِي أُورِيَّا إنكِتِل بِلحَرُب.

بَعَد مَا إنْكِتَل أُورِيَّا، دَاوُد تِزَوَج مَرْتَه. و جابَتْلَه وَلَد. بِس الله چان مِعَصِب من عَمْلَت دَاوُد. هِچِي الله وَدِّه نَبي نَاثَان خاطِر إينَبِه دِاوُد مِن خَطيّه لِرتِكَبْها. دَاوُد إعْتِرَف إبذَنْبَه و الله غُفَرْلَه. دَاوُد حَدْ آخِرعُمْرَه حتیٰ بأصْعَب مَراحِل حَياتِه ظَلْ يطيع الله.

إبِن دَاوُد صَار فِدوَه لِخَطيتَه و مَاتْ. و وَايِد من أهالي دَاوُد عانِدو و نِزَل من شَإنَه. بِس الله حتیٰ مِن دَاوُد چان يعَانِد، وُفیٰ بِوَعْدَه وِيّا، بَعدين دَاوُد إتْزَوَج بَتْشَبَع و الله رِزَقْهُم إبوَلد سَمو سُلَيْمَان.