۱۸- مُلُوكِيِة إسرائيل تَتَقَسِّمْ

مَلِک دَاوُد حِكَم ۴۰ سِنِه. مِن بَعَد مُوتِه، إبنِه سُلَیْمَان صار مَلِک بني إسرائیل. الله حِچِه وَیِّه سُلَیْمَان و سِئِله: «شتْريد إنْطِیک؟» و سُلَیْمَان طَلَب الحِکمِة من الله. الله فَرَح مِن حَایِة سُلَیْمَان اُو سِوَّا أفْهَم زِلمِه بَلدِنيِه. سُلَیْمَان إتعَلِّم إشیاء وَایدِه اُو چان مَلِک حَکیم. اُو الله إنْطیٰ ثِروَه زايدِه.

بِدیرِة أُورُشَلِیم سليمان بَنَا مَعبَد إللي دَاوُد چان رَاسِم بِنیانْهِ و إمْحَضِر مَصَالِحه والوادِم بِچان ما يِلتِمون بخِیمِة الاجتماع، إهناك چانوا إیعبدون الله ويِذِبحون ذِبَايِحْهُم. حُضورالله چان نازِل علیٰ المَعبَد، و إهناک حاضِر و إیعیش وَیا شَعبِه.

بِس سُلَیْمَان حَبْ نِسوَان مِن غِیْر طُوایِف و عَرَّس وُيَاهِن. سُلَیْمَان خَذَه أکثَر مِن ۱۰۰۰ مَرَا و هِچْ عَانِد رَبَّه. أکثَر النِسوَان، چانِن یَایَات مِن دِيَرغُربا و چان إویاهِن أصنَام خاطِر يِعِبْدِنهِن. سُلَیْمَان مِن شِیِبْ، هُو هِمْ گام یِعبِد إصنَام نِسوَانِه.

إلهَایِه الله عَصَب مِن سُلَیْمَان و گِلالِه الخاطِر هاذ إعنَادِك، مِن بَعَد مُوتِک أقَسِّم مُلُوکِیة بني إسرائیل قِسِمْتِين.

مِن بَعَد مُوتِة سُلَیْمَان، بني إسرائیل کِلهُم التِمَّوا خاطِر يِنِصبُون إبنِه رِحُبْعَامْ مَلِك. هُمَّا إشْتِکوا مِن سُلَيْمَان لإبْنِه و گِلولِه أُبوك يِجبُرنِه حِيل نِشتِغُل و يأخذ مِن عِدنِا وَايِد ضَرايِب. الوادِم رَادِت مِن رِحُبْعَامْ لایصیر ظَالِم مِثل اُبو.

أمَّانْ رِحُبْعَام جَاوبْهُم جَواب گوُتْرَه و گال: «إنتُم إتفَکرون اُبوی چان عاصِي، بِس أنا أَخَليكُم تِشْتّغلون أكثَر و إعَذِبکُم أکثَر مِن اُبوی.»

أکثَر النَّاس مِن بَعَد ما سِمْعَو حَچْيه عَصوا عَلِیه. عَشِر طَایِفه مِن طُوایِف بني إسرائیل إتْجَزَوْ مِنْهُم. بِس طایِفتِین ظَلوا وُفیِین و هِلْ طایِفتِین سِمِّوا نِفِسهُم إمْلوك یَهُوذَا.

هَلْ عَشِر طُوایِف، واحد بِسَم یَرُبْعَامْ صار مَلِكْهُم. هُمَّا چانوا سَاکْنِین بَطرافِ شِمال و سِمِّوا نِفِسهُم اِمْلوك إسرائیل.

یَرُبْعَامْ ما چان إيطیع الله و خّلَّه الوادِم إیذِنبون. هو سَوه إثنِین أصنَام اُو رَاد مِن الوادِم إیعِبدون الأصنَام. هُمَّا بَعَد ما چانوا لِلعِبَادِه یِمشون صوبْ أُورُشَلِیم إللي چان بِمُلُوکِیة یَهُوذَا.

مُلُوکِیة یَهُوذَا اُو مُلُوکِیة إسرائیل صارِوا عِدْوَان و كِل وَكِت چان بِينَاتهْم حَرُب.

کِل مُلُوک إسرائيل إبهِل المُلُوكِيِه چانوا إشْرَار. أکثَرهُم إتْکِتِلُوا ابِإيدْ أشخَاص إللي رادوا یِتْسَلِطون علیٰ المَمْلِکة.

کِلْ المُلُوک و أکثَر شَعَب إسرائیل چانوا إیعِبدون الأصنَام. مِن چانو يعبدون الأصنَام، ينامون وَیِّه نِسوَان زانیَات اُو حتیٰ چانوا إيذِبحُون اليِهَال لِأصنَام.

مُلُوک الیَهُوذَا چانوا مِن نِسِل دَاوُد. بَعَضْهُم چانوا ناس طِیبین، اُو إیحِکمون بِلعِدالِة وچانوا إیطیعون الله. أمَّان أکثَرهم، چانوا إشرار. بَعَضهُم چانوا حتیٰ إیذبحون لِيهَال لِأصنَام. أکثَر إهِل یَهُوذَا عانِدَوْ الله و چانوا إیعبدون غير أصنَام.