۱۹- الأنْبِياء

الله إبْطُول التَاريخ وَدَّه أنبياء لإسرائيل. الأنبياء شِغْلَتهُم چانت، يَاخْذون رِسائِل مِن الله و إینِقلونهِ لِلنَاس.

نبي إِيلِيَّا چان عایِش إبْزِمان مَلِك أَخْآبْ. أَخْآبْ چان واحِد شَر، و إیْشَجِع النَاس خاطِر يِعبدون صَنَم چان اِسْمَه البَعْل. إِيلِيَّا گَلِلْ أَخْآب الله إیعَاقبِه علیٰ هاي عَمِلْتَه. اُو گِلالِه: «بِدون أمْرِي بِسرائيل لا تِمطِر ولا یِگعِد نِدِه علیٰ الگاع.» أَخْآبْ عَصَب مِن إِيلِيَّا و صَمَم یِکِتْلَه.

الله گِلْ نبي إِيلِيَّا يرُوحْ لِلصَحراء و يِضُم رُوحَه مِن أَخْآب. إيلِيَّا رَاح لِلبِر و سِكَن یِمْ النَهَر إللي الله چان امْراوي. كِل يوم الصُبُح و العَصِر الطِيور چانن إییبِنْلِه خُبُز ولَحَم. إبْهاذَ الوکت، أَخْآب و جِيشه چانوا إیدِورون وَراء إِيلِيَّا بِس مَاگِدرَو یِلْگُونِه.

و چِه مَا چانِت تُمطُر، مِن بَعَد مُدّه یبِس النَهر. إِيلِيَّا راح غیر بِچان اِبْذيچ الحَوالي. إهنَاک چانت إتْعیش مَرَّأ فَقيرِة وَیِّه إبِنهِا و الخاطر الگَحَطْ چان إمْخَلَص إکِلهُم. أمَّان المَرَّأ، چانت إتباهي إِيلِيَّا، والله هم رِزِقِها هیه و إبِنهِا. و بهاي لمُدِّه دِبِة الطِحين والدِهِن عند المَرَأ مَاخَلْصَن و بطُول الگَحَطْ چان عِدْهَا زَاد لِلإکِل. إِیلِیَّا ثِلِث سنین ظَل إهناک.

بَعد ثِلِث سنین ونُصْ، الله گِلْ الإيلِيَّا إردود دنيا تِمُطِر. الله طَلَب مِن إِيلِيَّا یِرجَع لإسرائيل و إیحَاچِي أَخْآب. أَخْآب مِن شاف إِيلِيَّا گِلِه: «أنتِ سِبب كِل های المَشاكِل!» إِيلِيَّا جاوب: «كِل های المَشاكِل مِنِك.» إنت تَركِت يَهوَه. هو رَبّ الحقيقي بس انت عِبَدِتْ البَعَل. «یِیبْ كِل بني إسرائيل یم یِبِل كَرمِل.»

كل بني إسرائيل حتیٰ أنبياء البَعْل إلچانو ٤٥٠ نفر اييو یِم يِبِل الكَرْمَل. إِيلِيَّا گال: «الياوكت اتريدون إتْشِكّون؟ لو تدْرون يهوة الله، إعبدو الله، و لو تِدْرون البَعْل الله طيعو البَعْل.»

إِيلِيَّا إلتِفِت لَأنْبياء البَعْل و گِلهُم: «إذِبْحُوا ثُور، و گُطعَوا لَحْمِه وِصْلَه وِصْلَه و حُطوا علىٰ المَذبَح بِس لا تشِوُنَه. أنا هِم إسوي مِثِلْكُم علىٰ غیر مَذبَح. إلله اليوَدّي نار لِلمَذْبَح، هو رَب الحَقيقي.» الهَایِه الكَهَنَة حَضروا الضَحِیه بِس ما شِعلَوا نَار.

بَعدين گامو يِندِعون لِصنَم البَعْل: «يا البَعْل، إسْمَع حِسْنِا!» هُمَّا طُولِ نَهٰار چانو يِندِعون، إيصِرخون و إيجِرحون بَدِنهُم بِسِچينِه. أمَّان الصنَم ما جَاوَبهم و مانزلَتِ النَار علیٰ ذَبيحِه.

أنبياء البَعْل مِن بَعَد ما چانو يِندِعون طُولِ النَهٰار عِيزَو و يَازَو مِن الدعا. إِيلِيَّا خِلهِ غير ثُور علیٰ المَذبَح و گِل النَاس صُبّو إثنَعَش خُمْرَات إكبَار ماي علیٰ المَذبَح، خاطِر لَحمِ ثُور و الحُطَبْ و حتیٰ گاع الحَوالِي المَذبَح تِتْبَلَل.

بَعدِین إِیلِیَّا هِچْ إنْدَعا: «یَا یَهُوَه، یا رَب إبراهِيم، إسحَاق و‌ یعقوب ، الیوم راوِینِّا أنت رَب إسرائيل و أنا خَادمِك. إستِجِب دعاي خاطِر هذا الشَعَب إيعرفون إنت رَب الحَقيقي.»

فَرِد نُوبَا نِزِل مِن سِمِه نار و حَرَگْ اللَحَم، الحُطَب، الصَخَر، التُراب و حتیٰ الماي الدور مَا دَوار المَذبَح. مِن النَاس شافو هِشِي ، سِجدو علیٰ الگاع و گالو: «يَهُوَه الله! يَهُوَه الله!»

بَعدِين إِيلِيَّا گال: «لاتْخِلون حتیٰ وَاحِد مِن أنبياء صَنَم بَعْل يِشرِد مِنْكَم !» الناس گظو الأنبياء البَعْل و خِذوهُم حتیٰ إيكِتلونهُم.

بَعدِين إِيلِيَّا گِل المَلِك أخْآب: «إبسِرعَه إرجَع البِيتك چِهْ هَسِه تِمْطر.» بِلْبُكان، إنْتَرَس السِمِه مِن قِيُوم سُودِه و مُطرِت مَطرَه شِديدِه. يَهُوَه الرَب خَلّه الگَحَطْ يخَلِص و بِهِلشِي ثَبِت هو الرَب الحَقيقِي.

مِن بَعَد ما إِيلِيَّا خَلَص شُغلِه، الله إختَار نبي بِسِم أَلِيشَعْ. الله رَاوَا مُعجِزات چثيرِه مِن أَلِيشَعْ. وُحدِه مِن هاي المُعجِزات صَارِت الواحِد إسمِه نُعْمَانْ الچان واحِد مِن كُبار جيش العِدوَ. هو چان إمصَاب إبمَرَض مو زِين إبيِلدِه. هو چان سَامِع ابأَلِيشَعْ، الهَايِه طَلَب مِنِه الشِفاء. أَلِيشَع گِل النُعْمَانْ يِغسِل روحه سَبِع نوبات إبماي شَط اُرْدُن.

بِلأوَّل نُعْمَانْ عَصَب مِن حَچيِه، چِه فَكَّر هذه شِي بعید، ما چان راضي إيدِش بِلماي. بِس تالي بَدِّل رَايِه و غَسَل روحه سَبِع مَرات إبشَطْ اُرْدُن. مِن مره السَابعِه طَلَع مِن الماي، چان شَافي مِن المَرَض و الله مِشافِي.

الله وَدِّه البني إسرائيل أنبياء چثيره. كِلهُم نَبِهَو الناس إيتوبون و بَعَد لايعبدون الأصنَام. إيصيرون عادِلين و إيرِحمون بَعَضهُم . هُمَّا چانو إينِبهُون الناس لايتدَنون الشَر و إيطيعون الله. لو مايسوون هِشي يِنحِسبون عند الله خاطين و هو إيجَازيهم.

أكثَر الاوكات، الناس ماچانو إيطيعون الله. هُمَّا چانو إيأذون الأنبياء و حتیٰ اوكات إيكِتلُونهُم! فِرد مرة، ذِبُّو نبي إِرْمِيَا إبدَاخِل البِير و خِلو لِمٰان ما إيمُوت. إِرْمِيَا بَرَک بِطين. بِس مِن بَعدِه، رَحَم عَلِه المَلِك و أمَر خِدامِه إيطِلعُونِه مِن العِگلَه گِبُل لايمُوتْ.

رَغم إللي الناس چانو إيكِرهون الانبياء، هُمَا چانو يِحچُون مِن الله و چانو يِنِبهون الناس لو مَايْتوبُو، يِنهِلكون و يِذكّرون الناس وَعد الله إللي يِوَديلهُم المَسِيح.