۳۰- يِسُوع إلمِسيح یِطَعِم خِمِس تالاف نَفر

اليسُوع ودّه مندوبين مِن صوبه، الچم قريه خاطر يبشرون النّاس وَ يعلمونهم. وَ مِن رجعو گلو اليسُوع مِن اشيا السُوُهن. بَعَدين اليسُوع خذاهم بكان ساكت علي راگ شط خاطر يِستريحون. كلهُم ركبو بَلَم وَ رَاحو ذيچ صفحة شط.

الوادم مِن شافو اليسُوع وَأصحابه ركبوالبلم خاطر يرحون، گامو يركضون صوب الماي خاطر گبلهم يوصلون ذاك الصوب. وَ مِن اليسُوع وَ أصحابه وصلو إهناك، وَایدین مِن الوادم چانو امتانينهم وَ حيّو بيهم.

عدّتهم چانت بدون النسوان و اليهال، جريب الخمس تالاف زلمه. اليسُوع مِن شاف چنهم غنم ابليه رَاعي وَايد حزن عليهم. وَ گام يعلّم بيهم وَ يشافي المرضه.

مِن عِشيات، ايو أصحاب اليسُوع وَ گلّوله: «يَا استاذنا! ودّي النّاس خاطر ایبون رَوحهم اَکل، چهِ ابهل هِمِه مانحَوش زاد للأكل.

بَس اليسُوع گلِ لصحابه: «انَتم انطوهم اکل.» هُما جابو: «اشلون نگدر إنْشَبّع هلجمعيه؟! احنا عدنا بِس خمس خبزات وَ سمچتين ازغار.»

اليسُوع گلِ لصحابه كِل خمس نفرات يلتمون إبكان وَ ايگعدون علي الخضَار.

وبَعَدين اليسُوع كض الخبز وَ الإسمِچات بيده وَ رفعهن للسما وَ شكر الله وَ حِمَده علي النعمه وَ بارك الزاد.

اليسُوع قسّم الخبر وَ سمچ أوصل أوصل وَانطاهن لصحابه خاطر يوزعون الأكل بين النّاس. الأصحاب طعمو النّاس و كلها كلت وَ شبعت، بَس ماچان ينگص مِن حجم الأكل.

بَعَدين الأصحاب المسیح جِمِعَّوا الزَاد الظال، و انترسن اثنعش سَلّه مِن باقي الخبز والسمچ .