۳۱- اليسُوع يِمشّي على إلمای

بَعَد مَا اليسُوع طَعَم الوَادم گل الأصحابه رُکبوا البِلم و رُوحو ذيچ صفحة الماي، بَس هُو ماظل المدّه طویله. الأصحاب رَاحوا و اليسُوع بَعَد ما مَشّة النّاس، صعد فوگ اليبل خَاطر يِندعي. هُو چَان لِوحده إهناك، و حَد نِص اليل دعا و صلّیٰ.

مِن الأصحاب چَانوا يِمشّون البِلم، صَار هواء عالي و هُما حَد نِص الیل چَانوا عابرینْ بَس نِص الشَط.

اليسُوع مَن خلّص دَعا رَاح صوب أصحابه. هَو گام يِمشّي على سَطح المای، صوب البِلِمهُم.

الأصحاب مِن شافوا اليسُوع، وَاید خافوا، هُما فُکْرِوا شَبَح يايلهم. اليسُوع دَرَ هُما خایِفین، و گِلْهم: «أنا، لاتخافون!»

بَعَدین بُطرُس گِلِ الِيسُوع: «سَیدي، لوهَذا إنته إبروحك، أمِر حتی إمشي على المَای و إیّی یِمِک.» يسُوع گِلِ البُطرُس: «تَعال!»

بُطرُس نِزَل مِن البَلَم، و مِشِه علي المای صوب اليسُوع . أمان مِن بَعَد مَسافِة گُصيرِة، دار وُیهِه وشَاف الهوا هَب و الموج صَار إشْعِلواتهِ.

بُطرُس غَط بلماي مِن خوفه و صَرَخْ: «سیدي نِجنِي!» اليسُوع مِد إيدِه و طِلَّعَه. بَعَدین يسُوع گِل البُطرُس: «ليش مِن قِلَّت إيمانك، ما إعْتِمَدت بيه خَاطر إتظل بِالأمَان؟»

مِن اليسُوع و بُطرُس رِکبُوا البِلِم، فَرد نوب وُگف الهَوا و المای هَوْاد.أصحاب اليسُوع إتحيّرَو، عِبْدَوا اليسُوع و گِلولِه: «حقيقتاً أنتِ إبنِ الله.»