۳۲- يسُوعْ یِشفِي زِلمِه مِسكون و مَرا مَريضِة

يَوم مِن الایام اليسُوع و أصحابه عُبَرو الشَط بِل بَلَم و رَاحو صوب أرض جَدَریان. مِن وصْلوا رَاگ البحر نِزْلَو مِن البِلِم.

چَان إهناك زِلمِه مَسْكون بِأرواح شِریرة.

وهَلگد چَان قوي، مَاحَد یِگدِرعلیه . چِمْ مَرَّاْ چَانوا يشدونه بِالزناجير، بِس هُو چَان إیِبُطهِن.

الزِلمِه چَان سَاكن الِگبور. هُو ليل و نهار چَان يگْعَر و چَان عَریَان و إيزَلِق بَدْنَه بلصَخْرَ الباشط.

الزِلمِه مِن وُصَل يم اليسُوع، سِجَدله و اليسُوع أمر رَوح المسكونه بيه: «إطلَع مِن هَاذ الزِلمِه!»

رَوح المسكونه نِعْرَت و گالت، «يا اليسُوع، إبن الله، شِتْريد مِني؟ دَخيلك لاتْعَذِبْنِي!» سأل اليسُوع مِن رَوح الخبیثه: «شِسمِک؟» والرَوح گالت: «إسمِي فِيْلِقْ، چه إحنا چثيرین.» (فِيْلِق چان يشمل آلاف مِن جنود الجيش الروماني.)

أرواح الشریرة گِلَن الیسُوع: «لاتِطْرِدْنَه من های الگاع» چَانن إهناك کومِة خَنازير إیسِرحِن على العَلْوَه. الأرواح المسكونه إستِلْمِسِن اليسُوع و گالَن: «وُدِینِه بینِ الخنازير» اليسُوع خِلاهن، و گَلْهِن: «روحَن»

أرواح الشریرة طِلْعِن مِن الزِلمِه، و رَاحن بینِ الخنازير. الخنَازير الچَانِنْ جِریب إلألفين، طَاحِن مِن العَلْوَه بِالشط و غِرگَن.

رَاعي الخنازیر، مِن شَافوا إشصَار رِکْضُوا لِديره و گلّو للوادم الیسُوع إشسوه. إییت النّاس و شافت الزِلمِه مسكون چَان إمْهَود، و لابِس إهْدومه و گاعِد عاجل.

النّاس الچَانوا خایفین، رادو مِن اليسُوع يرَوح مِن يمهم. اليسُوع هِم رُکَب البِلِم. بِس الزلمه الچَان مسكون راد مِن اليسُوع حتی يرَوح وَيا.

بَس اليسُوع گلّه: «إرْجَع إلبيتك وگِل الكل، الله إیشسوالِک و إشْلُون رَحَم بحالك.

إلهایه، إیزِلمِه مِن چَان يجابل كل وَاحد، يگلّه اليسُوع إشسواله. كل مِن سِمِع قُصتِه، إتْحَيّر.

يسْوع رِجَع الذاک صوب. بَعَد ما وُصَل، إلتِمِتْ عليه جِمعیة، و بينهم چانت مَرأ إثنعش سِنة تِنْزِف. و هِیِه چَانت ناطیِه كِل إفلوسهِه لِلدَکاترِه خاطر إتْعَالِج نَفِسْها، بِس حالِتهِ چِانت صایرهِ أخَص.

هَیِه چَانت سِمعَانَه اليسُوع إمَشافي وايد مَرَضیٰ، گِلّت لِروحها، «إدري لو بَس إجیس إهدوم اليسُوع ، أنا هِم إشفِه.» المَرأ مِن بين الوادم وصلت وَرَ اليسُوع و جاسِت إهدومه.و بِس جاسِت إهدومه، إنْگطَعْ نزيفها.

إبذيچ الِحظه اليسُوع حَس قُوَّه طلعت منه. إلْتِفَت و سَئَل: «یاهُو الجاس إهْدومِي؟»أصحابه جاوبو: «الوادم چانوا إمحوطينك مِن كلِ صوب، لیش تِسأل «یاهُو جاس إهدومي؟»

مِن چَانت المَرأ تِريف مِن الخُوف، سِجْدِت جِدام ریلین اليسُوع و گلتله إشْسويت و إشلون أنا شيفِت. اليسُوع گلها: «إيمانِچ شِفاچ! روحي بِسّلامه.»