۳۳- قِصة الفَلاح

فرد یوم الیسُوع علي راگ بحر چَان إیعلم جمعیة چيبيره مِن الْناسْ. هِلْگَد چَانو وايدين، الیسُوع ما چانْ عنده بُکان يُگَف وإيِحاچيهُم. وَ إلهایه، رَکب اِبْفَرِدْ بَلَم، و مِنّاك ظل إيعَلِم بلناس.

اليسُوع سولَف قصّه لشَعب وگال: «فرد فَلاح طَلَع يزرع بَزِر. مِن چانْ إیریش البَزر، بَعَضْهِن طاحن بَرّه مِن الزرع و إیین الْطِیورْ و کِلَنْهِن.»

بَعَضْهِن طاحِن بين الصَخَر و الإتْراب. البَزِر اليچان طايح علي التراب الموقَميجْ، إبْسَع خَضَّر. بِس إعْروگْهِن ما چان يِنْبِت بالإتراب. وطَلعت الشمس، إحْتِرْگَن.

«بَعْضِ البَزِر هم طاحِن بين الشُوك. الشوك وَ البزر خَضَر سوا، وإنْمَرَد الگصَب بين الشوك، وَ المَحصول ما ثَمَر.»

«وَ بَعْض البَزِر طاحِ على تراب الزين و مِن کِل البَزر، ثلاثين أَو ستين أَو حتى میة نوبه خَضَر ثُمَر. کِل مِن إيريد يِتبَع الرَب يِسمَع كلامي.

الأصحاب دَاخو مِن سَمعوا های القصة . يسُوع هِچ شَرَح إلهم: «البَزِر، هُو كلام الله. الدَرب، شخص إللي يِسمَع كلام الله، بِس مايدركه وَ الشيطان إیبوگه منه. يعني الشيطان مايخلي أحّد يِعرف كلام الله.»

«الگاع البیها صَخَر، مِثل وَاحد إللي بِس یِسمَع كلام الله يِفرح بيه، أما بلمُصايب وَ مِن یِتلَوع، يدير ويه مِن الله. يعني مايِعتمد علیٰ الله.»

«الگاع المِتغَطيِه بشُوك، مِثل الشخص إللي يِسمَع كلام الله، أمان هَم وَ غَمْ العيشه و الطُمَع و الولع بلإفلوس، مِن بَعَد مُدّه إيخَلِنّه إيوز مِن مَحَبِة الله. و ما یِگدر يرضي الرب حَسَب تعاليم كلامهِ. هُو مثل گِصَب الحُنْطا إلماينطي ثُمَر.»

«بِس گاع الزِینه، مِثل وَاحد الیِسمَع الكلام زين و یُؤمِن بیه وَ إيِبشر كلام الله.»