اليسُوع يِعلم النّاس بَعَد أمثال
اليَسُوع سُولف وَايد قِصص علي مود ملکوت الرَب. مثلاً گال: «ملکوت رَب العالمين مثل حَبّة الخَردل الشخص زارِعْها إبگاعه. وَ إنتم تدرون حَبّة الخَردل أزْغَر حَبّه بين الحبوب.»
«بِس مِن تكبر حَبّة الخَردل تصير أكبر مِن كل زرع بلبِستان. حتی الطیور إتسوي بینها إعشُوش.»
اليسُوع مثّل بَعَد شِي و گال: «ملکوت الرَب مِثل الخُمْرَا إللي الخبَازه إتخبضه بل العيين وَ تشِبشَ بيه.»
«ملکوت الرَب، مِثل كَنِز أللي وَاحد دَافِنهِ بمزرعته و وَاحد ثاني يلگا و ردود يِدفِنه وَ مِن فَرِحتِه يبيع العِندِ وَ الماعنده خاطر يشتري المزرعه كلها.»
«ملكوت الرَب، مثل الدُر الغالي و التاجر اليعَرِف الدُر مِن يِلگا، يبيع كلشي العِندِه خاطر يِشتري.»
چانَو إهْناکْ أشخاص يِفكرون الخاطر أعمالهُم الزينه الله قابلهم، و يِحگرُون الوَادم إللي ماچانَوا إمسوين خير. و اليسُوع سولفلهم هِسَالفِه: «نفرين رَاحو للمعبد خاطر يِندعون. وَاحد منهُم چَان رِيَّال ديني و ثاني چان يحْسِب أموال الخِزانِه.»
«رِيَّال الديني وگف وَهِچ إندِعیٰ و گال: «يا ربي أشكرك الخاطر أَنا مو مِثل بعض الناسْ، مُذنِب وَ حرامي وَ ظَالم و مِزني و لو حتي ماخذ منهُم اِفلوس بلگوه.»
بلسبوع يومِين اِصوم، وَ مِن كِل الإفلوس الأطْلَعهِن إنطي وَاحد مِن العشره الويه الله.»
«بِس الرِيَّال الثاني يأخذ اِفلوس زور مِن الأوادم چان واگُف إشويه أبَعد مِن هذه الرِيَّال الديني و مِن چان يندعي حتي ما إيشيل راسَه لِلسِمه بِس دِگ علیٰ صدِره و گال: «يا ربي إرحمني، تریٰ أنا مُذنِب.»
بَعَدين اليسُوع گال: «إگِلكُم الصِدِگ الله إستجاب دعا ذاك الزِلمه الچان يأخذ افلوس غصب وُ حِسَبه مِن العادلين. كلمن الشايف نفسه، عند الله يِنحسب زغير، وَ كلمن متواضع، راسِه مرفوع وَ عالي.»
قُصَةْ مَأخوذِهْ مِنْ کِتابِ الْمُقِدِّسْ: (إنجیل متی فصل ۱۳ آیات ۳۱ إلیٰ ۴۶؛ إنجیل مرقس فصل ۴ آیات ۲۶ إلیٰ ۳۴؛ إنجیل لوقا فصل ۱۳ آیات ۱۸ إلیٰ ۲۱؛ فصل ۱۸ آیات ۹ إلیٰ ۱۴)
مجاني للاستخدام والتعديل والمشاركة بترخيص مفتوح (CC BY-SA 4.0).