۳۵- قصة أبو الحَنُون

يوم من الأيام اليسُوع چان يِعلّم بجمعيه چانو حواليه. أكثرهُم چَانو ناس ياخذون مِن الوَادم إفلوس بلغصب وَ مايقبلون شريعة نبي موسَي.

وَ إرَجال الدين الچانو إهناکْ شافوا أشلون اليسُوع يحسب المذنبين هِم مِثل صدقانه. هُما چَانو يگولون اليسُوع يشتبه. مِن سِمعهم اليسُوع روالهُم هلقصه:

«فرد زلمه چان عنده اثنين أولاد. فرد يوم الإبن الزغير گل لِبو: «بویه، أَنا هِسه إريد وِرْثي مِنك!» والأبو جِسَم حلاله بين أولاده.»

مَا طَوَلِت وَ الولد الزغير جِمَع كِلشي العنده وَ رَاح الديرة بعيده وَ حرّم افلوسِه كلهن إبدربُ الحرام.

ماتعَدت مُده و صَار گحط ببديرة اللي ولد الزغير چانْ عایش بيها و بَعَد ما چانْ عنده شي خاطر يشتري أكِل. وَ گام يرعي الخنازير چهَ بِس چان يعرف هِلشُغله. و هلگد چان نهلان و يوعان، يشبع روحه أبأكل الخنازير.

فرد يوم وَلد زغير گِل إروحه وَ گال: «أَنا شسوي إهنا؟ خَدّام اُبوي عندهم زاد للأكل و أَنا إهنا مِيت مِن اليوع. إروح لبوي وَ إرَيد مِنه خاطر إصير وَاحد مِن خِدّامه.»

وَ رَاح صوب بيت اُبوه. بَعده چان بعيد مِن البيت وَ أبو شافه و گُلبه إحترگ عليه وَ رَاحله وَ حِضِنه و حَبَه.

الإبن گِل لِبو: «بويه، أَنا خطيت إبحَگك و بحَگ الله وَ بَعد ماني مستحق أظل إبنک.»

بِس أبو گِل الوَاحد مِن الخدم: «رَوحو يبوا مِن البيت أحسَن إهدوم وَ لبسو إبني. حطو مَحبَس بيده وَ لبسو نِعِل. و يبولكم عيل إمْرَبّه وضبحو وَ خاطر نحتفل. چِه هذا إبني چَان مِيت وَ هسه إردود حِيَه و لِگيتِه.»

وَ الكل إحتفلو سويه. ما طولت وَ الولد الچبير الچان يرجع مِن الزرع سمع حس الطبل و رَگُص وَ الغِنا و راد إيشوف شنهي السالفه.

مِن وَلد الچبير إفتهم هاي الحفله الرجعت اُخو للبيت، عصب وَ ماراد يدش البيت. اُبو رَاحله وَ إستِلمِسه خاطر ايَي وَ ایشارک بلحفله، بِس هُو ماقِبِل.

الوَلِد چِبير گل اُبوه: «إبهاي سنین كلها خِدِمتِك وَ أَنا وفي، وَ ما نهيت أوامرك وَ كِلْ هاي المده حتي ما إنطني صخله خاطر إذبحه وَ حتفل ويا صدقاني. بِسْ هذا إبنك إللي خرج ثروتك إبدرُب الحَرام هسه إللي رجع للبيت تضبَحلِه عيل إمرِبه وَ تسويله حفله.»

الآُبو جاوب: «اولِيدي، أنت كِل وكتك يمي وَ كِلشي العندي إلك. بِس أحَسن هسه نحتفل و نتوَنِس، چهِ إخوك چان مِيت وَ هسه حيا، چَان ضايع وَ هسه بَيّن.»